Saraka-Masɔlɛnuta Tɔnnu 19:18 - ALLALA KUMƐ

¹⁸ Ni mɔgɛ do ya ko-yogomɛ ma i la, i kana i tayili sara a la. I kana ala ko sigi i burɔ. Kɔnɔ yanni mɔgɛ ni wo sufa ma, a ni a ta-nyɔgɛ keni iko a nyɛrɛ. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 19:18 Iomraidhean Croise

Ko-Dabirɛnu 4:23

Lamɛki ya ala musi Eda anubɛ Sila rakele ka a fɔ anu ye ko, “Wo ni wo tole masɔ. Keminɛ min ya n tanban, n bara wo faga.

2 Samuwɛli 13:22

Aminɔ sɔgɔ labɔra Abasalɔm na lass, bawo a ara ko-yogoma-su wo ma a tirisan-musi la. A ma sɔn a da sɔla a ma.

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

Yaburi 103:9

A ti to nyɛɛla ma ma. A ti mala ko sigi a burɔ.

Bɔ-Koe-Iyipiti 20:16

“Wo kana foninya-sereyɛ bɔ.

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Matiyu 19:16

Wati do, kei do nara Yisa manyinika tinɛ. A ko, “Karan-mɔgɔ, n si ko-nyimɛ nyamintan kɛ alako n ni habadan-nimayɛ sɔrɔn?”

Matiyu 19:19

I ni i na anubɛ i fa gbiliya. I ni i sigi-nyɔgɛ keni iko i nyɛrɛ.”

Yɔni 13:34

“N bara tɔn-kurɛ di wo ma ko wo ni wo nyɔgɔn keni. Wo ni wo nyɔgɔn keni iko n bara wo keni nya min.

Kɛwɔlɛnu 16:28

Kɔnɔ Pɔli gbele-gbelenta kan-ba la, a ko, “I kana i nyɛrɛ madumɛ! Ma dama ye yan!”

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Romu 13:4

Allala wɔli-kɛlɛ le anu na wo munanfaga-koe la. Kɔnɔ ni i wara ko-yogomɛ kɛ, i ni kilan anu na bawo sɛnbɛ ye anu bolo ka mɔgɛnu tɔrɔ. Allala wɔli-kɛlɛ le anu na min bi Allala diminyɛ labɔnna ko-yogoma-kɛlɛnu kuma.

Romu 13:9

A sɛbɛnɛ Nɛbi Musala tɔn-kitabu rɔ ko, “Wo kana yɛlɛnyɛ kɛ. Wo kana mɔgɔ faga. Wo kana kankanyɛ kɛ. Wo kana wo niyi sa mɔgɔna-fan kuma.” Tɔn kɛ bɛɛsi anubɛ doinu, wonu bɛɛsi ye tɔn kelen pe kɔrɔ min ya a fɔ ko, “Wo ni wo ta-nyɔgɔn keni iko wo nyɛrɛ.”

Kalesiya 5:14

ado tɔn bɛɛ kuri le tɔn kelan kɛ la ko, “I ni i sigi-nyɔgɛ keni iko i nyɛrɛ.”

Kalesiya 5:20

bɛsi-kɔɛ wo, anubɛ suwagayɛ. Gboyanayɛ anubɛ nyɔgɔn-kɛlɛ ti ban anu tɛma. Anu bi anu nyɔgɔn makeliyala ka diminya anu nyɔgɔn ma ka anu miri anu nyɛrɛ dɔrɔn ma. Hali anu kurɔn ladɛnnɛ, anu ta si nyɛnsɛn kɛlɛ-tɛgɛ-koe la.

Ɛfɛsa 4:31

Nyɔgɔn-kɔn wo, yisi-bɔɛ wo, diminyɛ wo, wo ni wonu boloka. Wo kana nyɛɛ mɔgɛnu ma ka mɔgɛ manyini, ado wo kana ni-yogoyɛ kɛ wo nyɔgɔn na.

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Kɔlɔsi 3:8

Nba, wo ni koe kɛ bɛɛ boloka kaka, yisi-bɔɛ wo, diminyɛ wo, anubɛ wunduyogoyɛ. Tanama-kumɛ anubɛ kuma-gbondanɛ kana bɔ wo dɛ rɔ mumɛ!

Hiburunu 10:30

Ma ya a lɔn ko Alla ko a si a tayili sara mɔgɛ wo la ka a tɔrɔ, ado Mari ya a fɔ fanan ko a si ata mɔgɛnu kiti.

Yemesi 2:8

Tɔn-kolomɛ kelen de Allala kitabu rɔ, ni wo ya wo bira, wo ara ko-nyimɛ kɛ worɔ. A ko, “I ni i sigi-nyɔgɛ keni iko i nyɛrɛ.”

1 Pita 2:1

Woletɔ wo ni fara ko-yogomɛ bɛɛ la. Wo kana foninyɛ fɔ tun. Nyɛrɛmankolayɛ wo, keliyɛ wo, mɔɛn-kɛ wo, wo ni fara wonu na!

1 Yɔni 4:21

Kirasiti ya tɔn kɛ di ma ma—a ko min bi Alla kenina fɔ wo ni a na-kelen-nyɔgɛ keni fanan.