Saraka-Masɔlɛnuta Tɔnnu 19:10 - ALLALA KUMƐ

¹⁰ Wo foora ki-fan minnu na wo, min buira kilɛ la wo, wo si wonu to fugarɛnu anubɛ sundannu ye. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 19:10 Iomraidhean Croise

Aiseya 17:6

Mɔgɔ-dande le ye tola a niyi la. Isirɛla si ma iko toro-kuri min gbɔɛ ara fɔlɔla banna a la fɔ a gbɔ sawɛ min bi a sore la. Isirɛlata Mari Alla kan le kɛ la.

Aiseya 24:13

A ye mala nyamanɛ bɛɛ la ka le duninya mumɛ bɛɛ rɔ. Duninya si ma iko mɔgɔ wa kɔlɔma anubɛ nɔnbɔ-gbɔɛ bɛɛsi keri. Fenfen ma to.

Yɛrɛmaya 49:9

Ni mɔgɛ ya kɔn-gbɔɛ keri, a si a kelen-kelennɛnu to a la. Ni kankannu nara bɔn la suyi rɔ, anu bi anu bitɛ le bila.

Saraka-Masɔlɛnuta Tɔnnu 11:44

Nde le wota Mari Alla la min bi a fɔla wo ye ko, ‘Wo ni wo nyɛrɛ mara sɛninyɛ rɔ bawo nde sɛnima.

Saraka-Masɔlɛnuta Tɔnnu 19:11

“Wo kana foninyɛ fɔ. Wo kana kankanyɛ anubɛ kensunyɛ kɛ.

Saraka-Masɔlɛnuta Tɔnnu 19:25

A san loli nyɔgɛ ma, a gbɔ siyaman si taran a la wo si min dɔn. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 19:9

“Wo tenbi wola fui-fannu tɛgɛla sɛnɛ rɔ, wo kana a tonke-tonkerɔtɛnu wo, a konko-dafɛtɛnu wo, anubɛ a mabunsannu tɛgɛ.

Saraka-Masɔlɛnuta Tɔnnu 23:22

Mari ko ni mɔgɛ min bi ala dɔn-fan tɛgɛla ala sɛnɛ rɔ, a kana a tɛgɛ ha a konko dɛ ma anubɛ a mabunsannu. Mari ko ka wonu to fugarɛnu anubɛ sundannu ye bawo ale le ma Mari Alla la min ya kɛ fɔ.

Saraka-Masɔlɛnuta Tɔnnu 25:6

Dɔn-fan minnu bi bɔla dugi rɔ san wo la, mɔgɔ kelenta ma wonu na. Wo ye mɔgɛ bɛɛsi le ye. San wo la, nyamanɛ wo fen sa mɔgɔ kelen ye. Fen-tigi si do sɔrɔn a rɔ, ala yɔɔnnu si do sɔrɔn a rɔ, ala wɔli-kɛlɛnu si do sɔrɔn a rɔ, ala sundannu si do sɔrɔn a rɔ, ala kolo-fannu si do sɔrɔn a rɔ, hali sogo-feremɛnu si do tinya a rɔ. San kelan kɛ la, fen-tigi anubɛ bolo-kolɔn takɛn.

Hɔbadaya 1:5

Kankannu ba na suyi rɔ ka kankanyɛ kɛ, anu ba anu wasakara maka bɔn la, anu si ta anu ye worɔ. Kɔn-gbɔɛnu mo-wati wa ke, anu si a monɛnu bɔ a la ka do to nyɔ. Kɔnɔ wole Isɔ kegeyɛnu, Mari ko wo yogenu ti kinikini wole ma wo nya. Anu si wo bolo-kolonya feu! Anu si wo bolo-fan mumɛ bɛɛ bi tɛrr!

Maika 7:1

Nɛbi Maika ya a fɔ ko, “Mata tɔrɔyɛ ara to ma ma fufafu! N yigi tɛgɛnɛ iko kɔnkɔtoe wa a labɔ ki-fannu ma kɔnɔ a ma a gbɔ taran a la. Kɔn-gbɔɛ min dɔn-sɔgɛ wa a bira, a wa ta nyɔ, a ni wo lakolɔn taran filili!

Tɔn-Fɔɛ-Fila-Nyɔgɛ 24:19

Wo tenbi wola fui-fannu tɛgɛla tumɛ min, ni wo nyinara minnu ko, wo kana wo yɛ lasɛgi wonu ma ka wo tɛgɛ tun. Wo ni wonu to mɔgɔ-tɔrɔnɛnu ye minnu dɛnbɛna sa, a mara sundan na wo, a mara kelenni na wo, a mara kɛɛ-musu la wo. Ni wo ya wo ma, wota Mari Alla si ata duwɛ layigi wo kuma koe bɛɛ rɔ.

Tɔn-Fɔɛ-Fila-Nyɔgɛ 24:20

Ni wo nyinara wola kɔn-gbɔɛ minnu ko a keri tinɛ, wo kana sɛgi wonu keri tinɛ tun. Wonu si ma mɔgɔ-tɔrɔnɛ wonutɛ la.

Tɔn-Fɔɛ-Fila-Nyɔgɛ 24:21

Wola ki-fannu fanan bi wo nya. Wo wa ban wola ki-fannu nadɛnna, wo kana sɛgi sangban tatenkan tinɛ tun. Min bi tola sangban rɔ, mɔgɔ-tɔrɔnɛnutɛ le wonu na.

Kɛlɛ-Kurugbɛnu 8:2

Kidiyɔn ko, “Nde ya min ma, anubɛ wole ya min ma, mɔgɔ ti wonu sanka anu nyɔgɔn ma. Wole ara koe min ma, wo tenbira maletɛ la pirr!

Ruti 2:2

Lunyɛ do, Ruti ya a fɔ a mama Neyomi ye ko, “N mama, a sɔgɛ ye n na, n ni ta sangban matɔnbɔn tinɛ. N lara a la ko n si mɔgɛ do taran nyɔ min si sɔn n ni bila a fɛ.” Neyomi sɔnta a ta-koe ma.