Saraka-Masɔlɛnuta Tɔnnu 18:30 - ALLALA KUMƐ

³⁰ Mari nyɛrɛ ya a fɔ tun ko, “N bara tɔn minnu di wo ma kɛ la, wo ni wonu bira. Wo kana wo bila nyamanɛ wo mɔgɛnu kɛ-nya fɛ alako ka wo nyɛrɛ ma mɔgɔ-sɛninyabɛlɛ la fufafu! Wota Mari le nde, Alla la min bi kɛnu fɔla wo ye.”

Saraka-Masɔlɛnuta Tɔnnu 18:30 Iomraidhean Croise

1 Mansɛnu 14:24

Batoli-kɛlɛnu ya yɛlɛnyɛ kɛ anuna bɛsi-kɔ-tinɛ kɛnu tɔ, kei wo, musi wo, iko anuna namu ye nya min. Yuda mɔgɛ kɛnu bi ko-yogomɛ mala iko Mari ya mɔgɛ minnu gben anu benbanu yarɔ, wonu bi a mala nya min nun.

1 Mansɛnu 21:26

A ya kisimiriya-koenu nadan ka bɛsɛnu kɔ iko Amoranu bi a mala nya min nun, ado Isirɛla mɔgɛnu nanɛ nyamanɛ wo rɔ Mari ya Amora wonu denu gben anu yarɔ.)

Ɛsira 9:1

Kɛ dama kanɛ a la, Isirɛla mɔgɔ-ba donu nara a fɔ n ye ko, “A saraka-masɔla wo, a Lifayi wo, a Isirɛla mɔgɔ wo, anu do-wo-do ma sɔn sibolo-gbɛrɛnu masangbala minnu bi mala foolɛ rɔ. Anu taranta basanna Amon kɛnu anubɛ Mohabu kɛnu anubɛ Iyipiti kɛnu na. Kenannu wo, Hɛtinu wo, Perasanu wo, Yɛbusinu wo, anubɛ Amoranu, anu taranta basanni wonu na, ado anu bi kisimiriya-koenu mala iko mɔgɛ wonu bi a mala nya min.

Saraka-Masɔlɛnuta Tɔnnu 18:29

Wo ni a lɔn yati ko ni mɔgɔ-wo-mɔgɔ ye kɛ sufa ko-yogomɛ mala, wo kana wo miri ko Allatɛ le wo tigi la tun.”

Saraka-Masɔlɛnuta Tɔnnu 19:1

Mari ya a fɔ Musa ye ko, “Wo ni ma mɔgɔ-sɛnimɛnu na bawo nde, Mari Alla sɛnima.

Saraka-Masɔlɛnuta Tɔnnu 20:23

Ni kei ya a sa a berennuna musi fɛ, ni wo ma, a fanuna musi, a ara a berennu nayarabi anubɛ a fanu. Ni kei ya a sa a fanuna musi fɛ, ni wo ma, a berennuna musinu, wo mɔgɔ sunu ti dan sɔrɔn ha anu si faga. Wo hakɛ-dunɛ si to anu denu kuma.

Saraka-Masɔlɛnuta Tɔnnu 22:9

“Saraka-masɔlɛ bɛɛsi ni nna tɔn kɛnu bira iko n ya a fɔ wo ye nya min. Ni min ya nna tɔn kɛnu tinya, wo si yiliki sɔrɔn n bolo ka faga. Nde le wota Mari Alla la min ya wole sɛninya.

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 12:30

Wo wa ban mɔgɛ wonu fagala wota Mari Alla sɛnbɛ kɔrɔ tumɛ min, wo kana anuna batoli-kɛ-nya bi. Ni wo ya wo ma, wo si ma gbalo la wo ye. Anu bi anuna bɛsɛnu kɔla nya min, wo kana a lɔn defan!

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!

Kɛlɛ-Kurugbɛnu 20:6

Woletɔ n ya a suyi bi ka a ratɛgɛtɛgɛ ka a ratala Isirɛla bɔnsɔn tan-ni-fila bɛɛ la bawo anu bara ko-yogoma-su kɛ ma male Isirɛla mɔgɛnu tɛma.