Saraka-Masɔlɛnuta Tɔnnu 17:15 - ALLALA KUMƐ

¹⁵ Isirɛla mɔgɛ wo, sundan wo, ni wo do ya sogo-suyi do dɔn min fagara a nyɛrɛ ma, a dɔnnɛ sɛninyani ma. Ni min ya sogo-suyi do dɔn sogo-feremɛ ya min faga, ni min ya wo dɔn, a sɛninyani ma. Mɔgɔ su min bi kɛ sufa mala, wonu si anuna kurɛnu anubɛ anu fɛrɛ-bɔnkɛnu ku. Hali a ya a ku fanan, a sɛninyani ma ha wurɛ la.

Saraka-Masɔlɛnuta Tɔnnu 17:15 Iomraidhean Croise

Bɔ-Koe-Iyipiti 22:30

Wo ni wola kolo-fannu fanan ma wo nya. Wola kolo-fannuna den fɔlɔtɛnu ni to a na fɛ tele wɔrɔnfila kɔrɔ. A tele segin nyɔgɛ ma, wo ni anu di nde ma.

Bɔ-Koe-Iyipiti 22:31

“Sogo-feremɛnu bi soge minnu fagala, wo kana wonu dɔn. Wo ni anu nafili wulinu kɔrɔ bawo nta mɔgɔ-sɛnimɛ le wole la.”

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Isikiyɛli 44:31

Saraka-masɔlɛnu kana yifa-wo-yifa dɔn, a mara koni la wo, a mara sogo la wo. Hali a tɔgɔ tora sogo-gbɛrɛkɛ le la, anu kana wo dɔn.”

Saraka-Masɔlɛnuta Tɔnnu 11:24

Ni min ya a bole tugu kɛ do sufa suyi la wa ka wo do-wo-do yatɔnbɔn, wo tigi ni ala kurɛnu ku kɔnɔ a sɛninyabɛlɛ si to ha wurɛ la iko tɔn ya a fɔ nya min.

Saraka-Masɔlɛnuta Tɔnnu 11:31

Ni min ya a bole tugu kɛ do la, wo tigi-sɛninyabɛlɛ si to ha wurɛ la.

Saraka-Masɔlɛnuta Tɔnnu 11:32

“Ni kɛ do suyi buira fenfen kuma, hali sɛbɛna-wɔli si kɛ a la, fan wo sɛninyani ma tun. Ni a mara fenfen na min nadannɛ kɔlɔma la, wo sɛninyani ma. Ni a buira sogo-gbole kuma wo ladannɛ fenfen na, wo fanan sɛninyani ma. Ni a buira gbama-kurɛ kuma, ni wo ma, kura-dogbɛrɛ kuma, wonu fanan sɛninyani ma. Ni a buira fan min kuma, wo si wo bi ka a layigi yi kɔrɔ ka a layɛlɛ. Wo sɛninyabɛlɛ si to ha wurɛ la.

Saraka-Masɔlɛnuta Tɔnnu 11:39

“Ni sogo-sɛninyanɛ do fagara a nyɛrɛ ma, mɔgɔ wa a bole tugu wo la, mɔgɛ wo fanan sɛninyabɛlɛ si to ha wurɛ la.

Saraka-Masɔlɛnuta Tɔnnu 11:40

Ni mɔgɛ do ya soge wo kan tinɛ do dɔn, a si ala kurɛnu ku kɔnɔ a sɛninyabɛlɛ si to ha wurɛ la. Ni a ya sogo-suyi wo do bi ka ta a la, fɔ a ni ala kurɛnu ku. A sɛninyabɛlɛ si to ha wurɛ la.

Saraka-Masɔlɛnuta Tɔnnu 15:10

Ni mɔgɔ-wo-mɔgɔ tugura fan wo la gbɛ, ni wo ma, ka a bi, wo tigi sɛninyani ma fanan. Fɔ ni a ya ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ si to ha wurɛ la.

Saraka-Masɔlɛnuta Tɔnnu 15:21

Ni mɔgɛ min nara a bole tugu fan wo la a ya a sigi min kuma, ka, ni a ya a sa fan min kuma, mɔgɛ wo fanan sɛninyani ma. Fɔ a ni ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ si to ha wurɛ la.

Saraka-Masɔlɛnuta Tɔnnu 15:5

Ni mɔgɔ-wo-mɔgɔ ya a sigi kirayatoe wola sofa wo rɔ, hali ka a sosa a la, a si ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 22:8

Saraka-masɔla fenfen kana soge dɔn min bara faga a nyɛrɛ ma anubɛ sogo-feremɛnu bara min faga. Ni min ya wo dɔn, wo sɛninyabɛlɛ si to. Nde le wota Mari Alla la min ya wo fɔ.

Saraka-Masɔlɛnuta Tɔnnu 7:24

Kolo-fan min bɛnta ka ma sarakɛ la Mari ye, mɔgɔ tenbi wo kɛɛn dɔnna tumɛ min, mɔgɔ kana a miri a ma ko Allata mɔgɛ le wo la tun. Ni kolo-fen wo kolo-fen fagara a nyɛrɛ ma, ka, ni sogo-feremɛ do ni kolo-fan wo do faga, wo kana a kɛɛn dɔn kɔnɔ wo si a bi le ka a ma wo mako-dogbɛrɛ la.

Yilan-Yilan Koe 19:19

A si wo ma a tele sawa nyɔgɛ anubɛ a tele wɔrɔnfila nyɔgɛ ma. A tele wɔrɔnfila nyɔgɛ wo ma, mɔgɛ min ma sɛninya, wo si ala kurɛnu ku ka a bagbuyi fanan ku. Tele-kolo-wulen-wati wa tenbi, a si sɛninya.

Yilan-Yilan Koe 19:21

Mɔgɛ min si nde, Marita yi-sɛnimɛ pusen mɔgɔ-sɛninyabɛlɛnu ma, hali wo fanan si ata kurɛnu ku. Mɔgɔ-wo-mɔgɔ min si a bole tugu nde, Marita yi wo la, wo fanan sɛninyabɛlɛ si to ha wurɛ la. Mɔgɔ-sɛninyabɛlɛ si a bole tugu fan min na, wo fanan sɛninyabɛlɛ si to ha wurɛ la. Min si a bole tugu fan wo fanan na tun, wo fanan tigi sɛninyabɛlɛ si to ha wurɛ la. Tɔn le kɛ la min ti bɔ wo kuma ha duninya si ban.”

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.