Saraka-Masɔlɛnuta Tɔnnu 16:4 - ALLALA KUMƐ

⁴ Mari ya tɔn kɛnu fanan di Musa ma ko, “Yanni Aruna ni ta Sɛnima-Sɛnima-Tinɛ rɔ, a si a ku ka ala saraka-masɔ-kurɛnu don a kan na, wo le kurusi-kundi anubɛ duruku-ba-wɛ anubɛ a butɛ-kiri-fan anubɛ duruki wo fulɛ.

Saraka-Masɔlɛnuta Tɔnnu 16:4 Iomraidhean Croise

Bɔ-Koe-Iyipiti 28:2

Mɔgɛ minnu kusan kurɛ karala a kilɛ fɛ, i ni wonu kele ko anu ni makiri-kura-sɛnimɛnu nadan i kɔrɔ-kei Aruna ye alako mɔgɛnu yɛ ni bɔ a la ka a gbiliya.

Bɔ-Koe-Iyipiti 29:4

I ni ta Aruna anubɛ ala den-keinu na Fani-Bɔn tenbi-bolɔn la ka anu ku yi la nyɔ.

Bɔ-Koe-Iyipiti 30:20

Yanni anu ni anu gbɛrɛn saraka-mintan-tinɛ ma tumɛ min, anu ni anu bolenu anubɛ anu kian maku yi wo la tun.

Bɔ-Koe-Iyipiti 40:12

“I ni ta Aruna anubɛ ala den-keinu na Fani-Bɔn tenbi-bolɔn la ka anu ku yi la nyɔ.

Aiseya 53:2

A luruba-lurubɛ Alla yala iko ki-fen-hakikɛ min suli ye dugu-gbalanɛ rɔ. Kɔnɔ hadama-dan yɛ-bɔ-kunya-wo-kunya sa a la. A yen-nya si a ma, a mafɛlɛn-sɔgɛ ti mɔgɛ bira.

Isikiyɛli 44:19

Yanni anu ni bɔ Bato-Bon-luyi ma ka sɛgi kata burɔ, fɔ anu ba Bato-Bon-wɔli-kɛ-kurɛnu bɔ anu ma ka wonu to Bato-Bɔn la konko-sɛnimɛ wonu na. Anu ni duruku-gbɛrɛkɛ don anu kan na alako Bato-Bon-kurɛ kɛnu kana fɛɛ sa mɔgɛnu na.

Isikiyɛli 9:2

Tiriyante wo rɔ, n ya kemini-mɔgɔ wɔrɔ yen nala ka bɔ tenbi-bolɔn kan tɔ, kɛlɛ-miran ye anu bolo tɔ. Min sanɛ wo kuma, mɔgɔ kelen bi anu tɛma linɛn-duruku-ba ye wo kan na. Sɛbɛli-kɛ-fannu bi a bolo tɔ. Anu dama nara anu sɔ saraka-mintan-tinɛ dafɛ min nadannɛ silɛɛ la.

Saraka-Masɔlɛnuta Tɔnnu 16:23

“Wo kɔma, Aruna si don Marita Fani-Bɔn la tun ka saraka-masɔ-kurɛnu bɔ a ma ka anu to nyɔ.

Saraka-Masɔlɛnuta Tɔnnu 16:24

Wo kɔma, a si a ku nyɔ ka a nyɛrɛta kurɛnu bi. A wa ban a mayɛlɛmana tumɛ min, a si bɔ luyi ma ka saraka-mintantɛ saga-yigi filɛ wonu kan natɛgɛ ka anu mintan gburr! A wa ban kɛnu mintanna, wo si ale anubɛ Isirɛla mɔgɛnuna hakɛ yamatogon.

Saraka-Masɔlɛnuta Tɔnnu 16:32

Min si sarakɛ kɛ sufa masɔ, fɔ tuli kɛnɛ min kunyɛ rɔ, a dantɛgɛnɛ Mari ma, ado a siginɛ a fa gbɛ rɔ. A si saraka-masɔla-wɛla kurɛnu don a kan na ka sarakɛ wonu masɔ.

Saraka-Masɔlɛnuta Tɔnnu 6:10

Saraka-masɔlɛ si ala gbama-duruki don a kan na anubɛ ala gbama-kurusi. A si ta-gbangban bɔ saraka-mintan-tinɛ kɔrɔ ka a ladɛn a tɔnkɔn rɔ.

Saraka-Masɔlɛnuta Tɔnnu 6:3

Ni mɔgɛ do ya foninyɛ fɔ ka a dɛ ragbɛlɛya, a ko fan wo ara tunu kɔnɔ wo ye a bolo, a ara hakɛ kɛ.

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Filipai 2:7

A ya wo bɛɛ boloka a nyɛrɛ sako la ka kɔrɔ-wɔli-kɛlɛ sɔn bi. A sɔrɔnta iko mɔgɛ ka bɔ gbɛ rɔ mɔgɔyɛ muninyɛ rɔ.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!