Saraka-Masɔlɛnuta Tɔnnu 16:21 - ALLALA KUMƐ

²¹ Mɔgɛnu bara wunduyogoya-hakɛ minnu kɛ, anubɛ murutiya-hakɛnu, anubɛ ko-yogo sufa bɛɛ, Aruna si wo bɛɛ latenbi baa wo ma. A si a bolo filɛ sa baa wo kunyɛ kuma. Aruna si a sɔ anu hakɛ la anu bara min ma. Mɔgɔ kelen si bila baa wo fɛ ka a kɛndɛ gben. Baa wo si ta ha wulɛ rɔ.

Saraka-Masɔlɛnuta Tɔnnu 16:21 Iomraidhean Croise

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Yaburi 51:3

N ya nta yulumunu lɔn. N hakɛ ye n yakɔrɔ tolon!

Bɔ-Koe-Iyipiti 29:10

“I ni ta turɛ wo la Fani-Bɔn tenbi-bolɔn la ka a ma Aruna anubɛ ala den-keinu hakɛ-sarakɛ la. Anu ni anu bole sa turɛ wo kunyɛ ma.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Aiseya 53:6

Ma dama ara yilan-yilan iko sagɛnu. Bɛɛ ara ta a kun fɛ. Kɔnɔ Mari ara tɔrɔyɛ sigi ale ma ka a tɛgɛ mala ko-yogomɛnu ma.

Saraka-Masɔlɛnuta Tɔnnu 1:4

A wa a bole sa ninki kunyɛ kuma, a si a hakɛ yamatogon wo fɛ.

Saraka-Masɔlɛnuta Tɔnnu 16:20

Mari ko, “Aruna wa ban yele pusenna Marita Fani-Bɔn Sɛnima-Sɛnima-Tinɛ ma anubɛ saraka-mintan-tinɛ ma iko tɔn ya a fɔ nya min, a si baa-kɔrɔn wo kɛndɛ bi ka wo ma anu hakɛ-gben-sarakɛ la.

Saraka-Masɔlɛnuta Tɔnnu 16:22

Baa wo si ta anu hakɛ-kɔrɔmɛnu na a bolo wulɛ rɔ pon!

Saraka-Masɔlɛnuta Tɔnnu 26:40

“Bawo wo si wo nyɛrɛ porokɔlɔ n bolo ka murutiya n ma woletɔ wo ti ma n diyana-mɔgɛnu na wo rɔ tun. Nde si ma wo yoge la gbɛ! N si wo latuntun wo yogenu ma ka ta wo la pon! Kɔnɔ n ba a yen n bara tɔrɔyɛ min nana wo kuma, wo ara koloya ha wo ara wo kegeyɛnu famayigi alako anu ni anu sɔ anu hakɛ la anubɛ anu benbanu ya min tinya.

Saraka-Masɔlɛnuta Tɔnnu 5:5

“Ni mɔgɛ ara yiliki sufa kɛnu sɔrɔn, fɔ a ni ta a sɔn a nyɛrɛ hakɛ la gbɛ rɔ Mari ye, saraka-masɔlɛ yakɔrɔ. A si na baa-yɛrɛ la a bolo ka wo ma a hakɛ-sarakɛ la, ni wo ma, saga-yɛrɛ. Saraka-masɔlɛ si sarakɛ wo dantɛgɛ Mari ma ka wo ma a hakɛ-yamatogon-fan la. (6) Bolo-Kolɔnta Saraka-Bɔ-Nya

Romu 10:10

ado ma si telen Alla yala mala dɛnkɛninyɛ le fɛ. Ma wa Marila sereyɛ bɔ ma dɛ la, ma si kisi,

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.