Saraka-Masɔlɛnuta Tɔnnu 16:14 - ALLALA KUMƐ

¹⁴ A si turɛ wo yele do bi a bolo-nɔlɔnɛ la ka a pusen tɔn-kenkirɛ wo da-latogɔn ma min bi a wara la. Wo kɔma, a si a pusen kenkirɛ wo tɔgɔfɛ a wara la iko wɔrɔnfila.

Saraka-Masɔlɛnuta Tɔnnu 16:14 Iomraidhean Croise

Saraka-Masɔlɛnuta Tɔnnu 16:19

A si a bolo-nɔlɔnɛ sa yele wo rɔ tun ka a pusen saraka-mintan-tinɛ tɔnkɔn ma iko wɔrɔnfila. Wo le si a ma, saraka-mintan-tinɛ wo si sɛninya Isirɛla mɔgɛnu hakɛla ko la.”

Saraka-Masɔlɛnuta Tɔnnu 8:11

A ya tuli wo do bi tun ka a pusen saraka-mintan-tinɛ anubɛ a mirannu kuma iko wɔrɔnfila. Wo kɔma, a ya tuli pusen yi-sigi-miran anubɛ a sigi-fan ma iko wɔrɔnfila ka wo bɛɛsi dantɛgɛ Mari ma wo nya na le.

Yilan-Yilan Koe 19:4

Ɛliyasa si a yele do bi a bolo-nɔlɔnɛ la iko wɔrɔnfila ka a pusen nta Fani-Bɔn wara la iko wɔrɔnfila.

Hiburunu 10:19

Nba, ma na-kelen-nyɔgɛnu, ma si ke donna Sɛnima-Sɛnima-Tinɛ rɔ gbɛ Yisala sayɛ baraka rɔ. Ma ti kilan nyɔ la tun.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 9:13

Sarama-kan-kɔrɔmɛ wati rɔ, baa-yele wo, tura-yele wo, ninki-den-mintannɛ ta-gbangban wo, wonu purupuruta mɔgɔ-sɛninyabɛlɛnu ma alako anu si sɛninya nya min.

Hiburunu 9:21

A ya yele purupuru fani-bɔn fanan ma wo nya le anubɛ fan wonu bɛɛ ma anu bi min bila Allata fani-bɔn la.

Hiburunu 9:25

San-bo-san, Yahudiyanuna saraka-masɔla-kun-tigi-wɛ si don Sɛnima-Sɛnima-Tinɛ rɔ sogo-yele la a bolo. Kɔnɔ Kirasiti ma don ka a nyɛrɛ bɔ sarakayɛ la kinyama siyaman.

Hiburunu 9:7

Kɔnɔ fɔ saraka-masɔla-kun-tigi-wɛ kelen pe, wo le si don fani-bon-burɔtɛ wo burɔ, ado a si don nyɔ iko kelen pe san kɔrɔ. A tenbi donna fɔ a ni don saraka-yele la a bolo. Mɔgɛnu ma hakɛ minnu nawuli a ma, a ye yele wo bɔla Alla ye a nyɛrɛta hakɛla ko la anubɛ mɔgɛnutɛ.