Saraka-Masɔlɛnuta Tɔnnu 15:5 - ALLALA KUMƐ

^5-6 Ni mɔgɔ-wo-mɔgɔ ya a sigi kirayatoe wola sofa wo rɔ, hali ka a sosa a la, a si ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 15:5 Iomraidhean Croise

Yaburi 26:6

N Mari, n bara n bole mafiran ka a yira i la ko n yilikini ma. N bara tugun ila mɔgɛnu na minnu bi ila saraka-mintan-tinɛ lafoola.

Yaburi 51:2

I ni n yisi ku alako a ni gbɛ. I ni n yesi ka n hakɛ bɔ n ma.

Yaburi 51:7

N hakɛ bɔ n ma alako n ni gbɛ. N mayesi. N ni gbɛ ka tenbi bɛgi-gbɛ la.

Bɔ-Koe-Iyipiti 19:10

Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Aiseya 22:14

Ma Tigi Mari Sɛnbɛ-Bɛɛ-Tigi nyɛrɛ le ya a fɔ n ye ko fananta anu bi anu niyi la, a ti anu makoto anu sɔn-yogomɛ kɛla ko la muk! Ale Mari Sɛnbɛ-Bɛɛ-Tigi kan le kɛ la.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Isikiyɛli 36:29

Koe min bɛɛ si anu natinya, n si anu nakanan wonu ma. N si a ma, fui-fannu ni sabati alako kɔnkɔ kana na nta mɔgɛnu bira tun.

Saraka-Masɔlɛnuta Tɔnnu 11:24

Ni min ya a bole tugu kɛ do sufa suyi la wa ka wo do-wo-do yatɔnbɔn, wo tigi ni ala kurɛnu ku kɔnɔ a sɛninyabɛlɛ si to ha wurɛ la iko tɔn ya a fɔ nya min.

Saraka-Masɔlɛnuta Tɔnnu 11:32

“Ni kɛ do suyi buira fenfen kuma, hali sɛbɛna-wɔli si kɛ a la, fan wo sɛninyani ma tun. Ni a mara fenfen na min nadannɛ kɔlɔma la, wo sɛninyani ma. Ni a buira sogo-gbole kuma wo ladannɛ fenfen na, wo fanan sɛninyani ma. Ni a buira gbama-kurɛ kuma, ni wo ma, kura-dogbɛrɛ kuma, wonu fanan sɛninyani ma. Ni a buira fan min kuma, wo si wo bi ka a layigi yi kɔrɔ ka a layɛlɛ. Wo sɛninyabɛlɛ si to ha wurɛ la.

Saraka-Masɔlɛnuta Tɔnnu 13:34

A tele tan-ni-nani nyɔgɛ ma, saraka-masɔlɛ si tɛlɛ wo mafɛlɛn tun. Ni a ya a yen, tɛlɛ wo rasinni ma ado a ma fafa a ma, saraka-masɔlɛ si a fɔ worɔ ko a sɛninyanɛ le. Mɔgɛ wo si ala kurɛnu ku. A si sɛninya worɔ iko tɔn ya a fɔ nya min.

Saraka-Masɔlɛnuta Tɔnnu 13:6

Ni a ya a mafɛlɛn a tele tan-ni-nanɛ ma, a ni a yen tɛlɛ la ara gbala, a si a fɔ worɔ ko tɛlɛtoe kɛ sɛninyanɛ de! Tɛlɛ dɔrɔn de! Kiraya-gbɛrɛkɛ ma. Mɔgɛ wo si ala kurɛ ku. Wo kɔma, a si sɛninya ka sɛgi dagɛ rɔ.

Saraka-Masɔlɛnuta Tɔnnu 14:27

A si a bolo-nɔlɔnɛ bi ka a sɔ tuli wo rɔ min bi a bolo tɔ ka a pusen a ma Mari yala iko wɔrɔnfila.

Saraka-Masɔlɛnuta Tɔnnu 15:18

“Ni kei anubɛ ala musi ya anu sa, anu ni forɔn gbesi, anu mɔgɔ filɛ si anu ku worɔ. Anu sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 15:4

“Ni kirayatoe kɛ ya a sigi fenfen tɔ, ka, ni a ya a sa fenfen min tɔ, fan wo sɛninyani ma.

Saraka-Masɔlɛnuta Tɔnnu 16:26

Kei min ya baa gben ha a tara wulɛ rɔ, wo fantigi si ala kurɛnu ku anubɛ a fɛrɛ-bɔnkɛ. A wa ban a kula, a si ke le worɔ ka ta dagɛ rɔ.

Saraka-Masɔlɛnuta Tɔnnu 16:28

Yanni kei wo ni sɛgi a kɔma dagɛ rɔ tumɛ min, a si ala kurɛnu anubɛ a fɛrɛ-bɔnkɛ ku.

Saraka-Masɔlɛnuta Tɔnnu 17:15

Isirɛla mɔgɛ wo, sundan wo, ni wo do ya sogo-suyi do dɔn min fagara a nyɛrɛ ma, a dɔnnɛ sɛninyani ma. Ni min ya sogo-suyi do dɔn sogo-feremɛ ya min faga, ni min ya wo dɔn, a sɛninyani ma. Mɔgɔ su min bi kɛ sufa mala, wonu si anuna kurɛnu anubɛ anu fɛrɛ-bɔnkɛnu ku. Hali a ya a ku fanan, a sɛninyani ma ha wurɛ la.

Yilan-Yilan Koe 19:10

Wo kɔma, mɔgɛ min bi ta-gbangban wo makɔla, wo tigi nyɛrɛ si ala kurɛnu ku. Wo sɛninyabɛlɛ si to ha wurɛ la. Tɔn kɛ si to wo kuma ka a dabira kaka ma ha duninya si ban, a mara sundan na wo, a mara dugurɛn na wo.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

1 Samuwɛli 20:26

Mansa Sɔli ma a da tugu Dawuda wara-ko-kumɛ la wulɔn-tele rɔ bawo a miri nun wulɔn, ko tumado koe do ara ma Dawuda la min bara a ma, a ma sɛninya iko tɔn ya a fɔ nya min.