Saraka-Masɔlɛnuta Tɔnnu 14:7 - ALLALA KUMƐ

⁷ A si yele wo do bi min basannɛ yi wo la ka a pusen kirayato-kɔrɛ wo ma iko wɔrɔnfila. Saraka-masɔlɛ si a fɔ worɔ ko a sɛninyanɛ de kɔnɔ a toe tonɛ a la. Wo kɔma, saraka-masɔlɛ ya kona min sa yele anubɛ yi wo rɔ, a si wo bi ka wo kɛndɛ boloka. Wo si ta a ye pon!

Saraka-Masɔlɛnuta Tɔnnu 14:7 Iomraidhean Croise

2 Mansɛnu 5:10

Nɛbi Ilaisa ya ala wɔli-kɛlɛ sɔ ka a fɔ Neyaman ye ko a ni ta a ku Yorodan bɛ rɔ iko wɔrɔnfila. Ni a ya wo ma, a si kɛndɛya feu!

2 Mansɛnu 5:14

Makawandili-kan wo le ya a ma, Neyaman tara a ku Yorodan bɛ rɔ iko wɔrɔnfila iko Allata mɔgɛ ya a fɔ a ye nya min. A kɛndɛyara ken! A fɛrɛ nunkura a ma pinapina iko kemini-nawuli-san.

Yaburi 51:2

I ni n yisi ku alako a ni gbɛ. I ni n yesi ka n hakɛ bɔ n ma.

Yaburi 51:7

N hakɛ bɔ n ma alako n ni gbɛ. N mayesi. N ni gbɛ ka tenbi bɛgi-gbɛ la.

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Saraka-Masɔlɛnuta Tɔnnu 13:13

Ni a ya a yen ko tonyɛ le, a ara a fɛrɛ mumɛ bɛɛ bira-a-la, nɛɛ wonu bara gbala a fɛrɛ ma tɛlɛ wonu tɔ, a si a fɔ ko a ara sɛninya.

Saraka-Masɔlɛnuta Tɔnnu 13:17

Ni wo ya a yen ko tonyɛ le, tɛlɛ wo ye kɛndɛya-koe rɔ, a si a fɔ worɔ ko tɛlɛto-kɔrɛ wo ara sɛninya.

Saraka-Masɔlɛnuta Tɔnnu 14:51

A si sɔgɔ-kundunɛ wo bi anubɛ yili-kolo-wulan anubɛ kɔlɔma wo bolɔn ka wonu nayigi yele anubɛ yi wo rɔ. Kona doi min kɛndɛ tora, a si wo bi ka a layigi yele anubɛ yi wo rɔ. A si yele wo do bi min basannɛ yi la ka a pusen bɔn wo ma iko wɔrɔnfila.

Saraka-Masɔlɛnuta Tɔnnu 16:14

A si turɛ wo yele do bi a bolo-nɔlɔnɛ la ka a pusen tɔn-kenkirɛ wo da-latogɔn ma min bi a wara la. Wo kɔma, a si a pusen kenkirɛ wo tɔgɔfɛ a wara la iko wɔrɔnfila.

Saraka-Masɔlɛnuta Tɔnnu 16:19

A si a bolo-nɔlɔnɛ sa yele wo rɔ tun ka a pusen saraka-mintan-tinɛ tɔnkɔn ma iko wɔrɔnfila. Wo le si a ma, saraka-mintan-tinɛ wo si sɛninya Isirɛla mɔgɛnu hakɛla ko la.”

Saraka-Masɔlɛnuta Tɔnnu 16:22

Baa wo si ta anu hakɛ-kɔrɔmɛnu na a bolo wulɛ rɔ pon!

Saraka-Masɔlɛnuta Tɔnnu 4:6

Wo kɔma, a si a bolo-nɔlɔnɛ layigi yele wo rɔ ka a pusen iko wɔrɔnfila yorolan wara la min dunnɛ Kan-Tina-Sɛnimɛ anubɛ Sɛnima-Sɛnima-Tinɛ tɛma.

Saraka-Masɔlɛnuta Tɔnnu 8:11

A ya tuli wo do bi tun ka a pusen saraka-mintan-tinɛ anubɛ a mirannu kuma iko wɔrɔnfila. Wo kɔma, a ya tuli pusen yi-sigi-miran anubɛ a sigi-fan ma iko wɔrɔnfila ka wo bɛɛsi dantɛgɛ Mari ma wo nya na le.

Maika 7:19

I si kinikini ma ma tun. Ma ara hakɛ minnu kɛ nun, i si wonu bi ka anu sa i tontɛ kɔrɔ ka anu matɛn ka anu nafili kɔgɔ-yi-dumɛ-kuri la.

Yilan-Yilan Koe 19:12

A si yi wo sosa mɔgɛ wo ma a tele sawa nyɔgɛ anubɛ a tele wɔrɔnfila nyɔgɛ ma. Kɔnɔ ni a ma sɔn ka yi wo kɛ a ma a tele sawa nyɔgɛ anubɛ a tele wɔrɔnfila nyɔgɛ ma, a ti sɛninya wo rɔ iko tɔn ya a fɔ nya min.

Yɔni 19:34

Hali wo, kɛlɛ-dan do ya tanbɛ bi ka Yisa sɔgɔ a tɔnkɔn rɔ. Yele anubɛ yi tugura anu nyɔgɔn fɛ.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 9:13

Sarama-kan-kɔrɔmɛ wati rɔ, baa-yele wo, tura-yele wo, ninki-den-mintannɛ ta-gbangban wo, wonu purupuruta mɔgɔ-sɛninyabɛlɛnu ma alako anu si sɛninya nya min.

Hiburunu 9:19

Nɛbi Musa ya tɔn bɛɛ rakaran mɔgɛnu ye iko a sɛbɛnɛ Allata tɔn rɔ nya min. Wo kɔma, a ya tura-yele bi anubɛ baa-yele ka wonu tabasan yi la. A ya yanba-kunyɛ bi min tɔgɛ hisɔpu anubɛ saga-siyi anu bara min nawulen alako a si yele wo purupuru Tɔn-Kitabu anubɛ mɔgɛ bɛɛ ma nya min.

Hiburunu 9:21

A ya yele purupuru fani-bɔn fanan ma wo nya le anubɛ fan wonu bɛɛ ma anu bi min bila Allata fani-bɔn la.

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

1 Yɔni 5:6

Yisa Kirasiti nara yi anubɛ yele le fɛ. A ma na yi gbansan fɛ fɔ a filɛ bɛɛ, yi wo, yele wo. Ata Ni-Sɛnimɛ nyɛrɛ ye a mayirala ko tonyɛ le kɛ la bawo ata Ni-Sɛnimɛ, tonyɛ le,