Saraka-Masɔlɛnuta Tɔnnu 14:41 - ALLALA KUMƐ

⁴¹ Wo kɔma, a si a fɔ anu ye tun ko, ‘Wo ni dandan-burɛ mawɔrɔ.’ Anu bi dandan wo min mawɔrɔla, anu si wo gbangban madɛn ka ta a lafili kan-tina-sɛninyabɛlɛ rɔ soe kɔma.

Saraka-Masɔlɛnuta Tɔnnu 14:41 Iomraidhean Croise

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Isikiyɛli 26:4

Wonu si anuna soe tarɛnu keri ka anuna kan-tina-layan-bɛnu fanan tii. A gbangban min tonɛ, n si wo bɛɛ firan ka fara-makolɔn to.

Saraka-Masɔlɛnuta Tɔnnu 14:40

fundan wo ye kuri minnu ma, a si a fɔ mɔgɛnu ye ko, ‘Wo ni kuri kɛnu bɔ bɔn rɔ.’ Anu si kuri wonu bi ka ta anu nafili kan-tina-sɛninyabɛlɛ rɔ anuna soe kɔma.

Saraka-Masɔlɛnuta Tɔnnu 14:42

Wo kɔma, anu si kuru-gbɛrɛkɛ nyini anu ya kan-tinɛ minnu tinya wo la, anu si wo nyɔgɔn sɛgi kuri wo la. Anu si borongbɛ bi wo rɔ ka bɔn wo manɔri wo la.

Saraka-Masɔlɛnuta Tɔnnu 14:45

Anu si bɔn kɛ keri worɔ ka a kurinu anubɛ a borongbɛ anubɛ a kɔlɔmanu bi ka ta anu nakɛ-a-rɔ soe kɔma kan-tina-sɛninyabɛlɛ rɔ.

Matiyu 24:51

A tigi si a ratɛgɛtɛgɛ ka anubɛ kolandinu don kan-tina-kelen. Mɔgɛnu si di nyɔ ka anu nyin masɔgɔ dumɛ bolo.

Matiyu 8:28

Yisa tara Kadara kɛnuna nyamanɛ rɔ dalɛ tɔnkɔn kelan rɔ. Nyinato fila ya a taran nyɔ minnu siginɛ kaburu-soe burɔ. Nyinɛnu bi mɔgɛ wonu fɛ, ado gbalo-mɔgɛ le wonu na kati! Anu yogoyara ha mɔgɔ-wo-mɔgɔ ti sisi bɔla kilɛ wo fɛ.

1 Timoti 1:20

Wo do le Haimɛneyasi anubɛ Alɛsanda la, n bara minnu nadon Setanɛta sɛnbɛ kɔrɔ. N ya wo ma alako anu ni fara kuma-yogoma-fɔɛ la Alla ma.

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.