Saraka-Masɔlɛnuta Tɔnnu 14:21 - ALLALA KUMƐ

²¹ “Ni kirayato-kɔrɛ ti ke nala sarakɛnu na minnuna ko fɔnɛ kɛnu na bawo a bolo-kolɔn le, a si saga-yigi-dan kelen nyini ka a ma a yiliki-sarakɛ la. Kɔ-fan le kɛnu na Mari ya min di saraka-masɔlɛnu ma. Saraka-bɔlɛ si na dɛgɛ-munke pani-kunbɛ-nya kelen na min tamaganɛ tuli la anubɛ tuli kilasi bu tɛmɛ la.

Saraka-Masɔlɛnuta Tɔnnu 14:21 Iomraidhean Croise

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Hɛnkilimaya-Kumɛnu 17:5

Min bi yɛlɛnna bolo-kolɔn ma, wo ara bila a Dali-Mari la. Min bi yɛlɛnna mɔgɔ-magboyanɛ ma, wo fanan si ata tɔrɔyɛ sɔrɔn.

Hɛnkilimaya-Kumɛnu 22:2

Mari le ya mɔgɛ bɛɛsi dan, bolo-kolɔn wo, fen-tigi wo.

Isikiyɛli 46:7

A ye turɛ anubɛ saga-yigi minnu bɔla, fɔ a ni dɛgɛ-munke pani-kunbɛ-nya tan-tan sa wo bɛɛ kuma. A ye saga-dan minnu bɔla, dɛgɛ-munke min nyɔgɔn diyara a ye, a ye wo le sala saga-dan wonu kuma. A wa ban pani-kunbɛ-nya tan bɔla, a si tulu-kilasi-nya tan-ni-wɔrɔ tan-ni-wɔrɔ sa wo fanan kuma.

Saraka-Masɔlɛnuta Tɔnnu 1:14

“Ni mɔgɛ do ye nala koni-sarakɛ la Mari ye ka a ma saraka-mintantɛ la, wo tigi ni na purulan la, ni wo ma, kangbɔɛ la Mari ye. A si wo bi ka a don saraka-masɔlɛ bolo.

Saraka-Masɔlɛnuta Tɔnnu 14:10

“A tele segin nyɔgɛ ma, a si na saga-yigi-den fila la anubɛ san-kelen-saga-yɛrɛ kelen na a bolo, fɛɛ sa minnu na. A si na dɛgɛ pani-kunbɛ-nya sawa la min tamaganɛ tuli la. A si na wonubɛ tuli kilasi-bu-tɛmɛ la. Kɛnu si ma a yiliki-sarakɛ la.

Saraka-Masɔlɛnuta Tɔnnu 14:22

A si na purulen fila la a bolo, ni wo ma, kangbo fila. Kelan saraka-mintantɛ, a to kelan, a hakɛ-sarakɛ.

Saraka-Masɔlɛnuta Tɔnnu 27:8

“Kɔnɔ mɔgɛ min ya lanyiri kiri wo la, ni a bolo-kolɔn le, a ti ke wodi mɔlɔn dila mɔgɔ-dantɛgɛnɛ wola ko la, a si na mɔgɔ dantɛgɛnɛ wo la saraka-masɔlɛ wara. Saraka-masɔlɛ wo si a dɛ fɔ iko kei wo si ke min nyɔgɔ wodi sɔrɔnna ka a labɔ.

Saraka-Masɔlɛnuta Tɔnnu 5:11

“Ni a ti ke kangbo filɛ wo sɔrɔnna, ni wo ma, purulen fila, a si na dɛgɛ-munke pani-kunbɛ-nya kelen na a bolo ka wo ma a hakɛ-sarakɛ la. Kɛ sa iko dɛgɛ-munku-saraka-doi wonu bawo a ti a ramaga tuli la ani a ti isɛnti sa a kuma. Hakɛ-sarakɛ le kɛ la.

Saraka-Masɔlɛnuta Tɔnnu 5:7

“Ni hakɛ-tigi ti ke sagɛ sɔrɔnna, ni wo ma, baa, a si na kangbo fila la a bolo. Ni kangbo sa a bolo, a si purulen fila bi. Kelan a hakɛ-sarakɛ, kelan saraka-mintantɛ.

Luka 6:20

Yisa ya a yɛ sɔ ala karan-dannu na, a ko, “Mɔgɔ-sewanɛ le wole bolo-kolɔnnu na bawo Allala mansayɛ, wotɛ le!

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.

1 Samuwɛli 2:8

Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.