Saraka-Masɔlɛnuta Tɔnnu 14:12 - ALLALA KUMƐ

¹² Saraka-masɔlɛ si san-kelen-saga-yigi kelen bi anubɛ tuli ka anu di Mari ma kirayato-kɔrɛ wo yiliki-sarakɛla ko la. Kɔ-fan le kɛnu na Mari ya min di saraka-masɔlɛnu ma iko a ya a fɔ Musa ye nya min.

Saraka-Masɔlɛnuta Tɔnnu 14:12 Iomraidhean Croise

Bɔ-Koe-Iyipiti 29:22

“Mɔgɛ kɛnu dantɛgɛ-sarakɛ le saga-yigi kɛ la nde, Mari ma. I ni a kɛɛn mumɛ bɛɛ bi, a soreta kɛɛn anubɛ a kɔɛ, anubɛ a burɔ-kɛɛnnu ka wonu sa a benya anubɛ a kɔ-kili filɛ anubɛ a bolo-nyimama-wore kuma.

Bɔ-Koe-Iyipiti 29:24

I ni wo bɛɛ don Aruna anubɛ ala den-keinu bolo alako anu ni biredi wo bi ka a dantɛgɛ nde ma ka a ma kɔ-fan la nde, Mari ye.

Bɔ-Koe-Iyipiti 29:26

I ni saga-yigi wo sisi dantɛgɛ n ma ka a ma nde, Mari nyansɛ la. Wo kɔma, a sisi si ma ile, Musa niyi la.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Saraka-Masɔlɛnuta Tɔnnu 14:10

“A tele segin nyɔgɛ ma, a si na saga-yigi-den fila la anubɛ san-kelen-saga-yɛrɛ kelen na a bolo, fɛɛ sa minnu na. A si na dɛgɛ pani-kunbɛ-nya sawa la min tamaganɛ tuli la. A si na wonubɛ tuli kilasi-bu-tɛmɛ la. Kɛnu si ma a yiliki-sarakɛ la.

Saraka-Masɔlɛnuta Tɔnnu 14:11

Saraka-masɔlɛ si kei wonubɛ ala sarakɛnu bi ka ta anu na Marita Fani-Bɔn tenbi-bolɔn dafɛ.

Saraka-Masɔlɛnuta Tɔnnu 14:19

“Saraka-masɔlɛ si san-kelen-saga-yɛrɛ wo bi ka a ma kirayato-kɔrɛ hakɛ-yamatogon-fan la. Wo kɔma fanan, a si san-kelen-saga-yigi-toe wo bi ka wo ma saraka-mintantɛ la anubɛ dɛgɛ ka wonu sa tɛ rɔ saraka-mintantɛ kuma. Saraka-masɔlɛ banta sarakɛ kɛnu dila Mari ma tumɛ min, wo ya tɛlɛto-kɔrɛ wo hakɛ yamatogon ka a sɛninya a kila-bɛrɛbɛrɛ fɛ.

Saraka-Masɔlɛnuta Tɔnnu 5:15

“Ni mɔgɔ-wo-mɔgɔ ya hakɛ kɛ bawo a bɛnta ka min di Mari ma, a ni nyina wo ko, fɔ a ni yiliki-sarakɛ bɔ a hakɛ wola ko la. A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi-gbɛ ye nya min.