Saraka-Masɔlɛnuta Tɔnnu 13:6 - ALLALA KUMƐ

⁶ Ni a ya a mafɛlɛn a tele tan-ni-nanɛ ma, a ni a yen tɛlɛ la ara gbala, a si a fɔ worɔ ko tɛlɛtoe kɛ sɛninyanɛ de! Tɛlɛ dɔrɔn de! Kiraya-gbɛrɛkɛ ma. Mɔgɛ wo si ala kurɛ ku. Wo kɔma, a si sɛninya ka sɛgi dagɛ rɔ.

Saraka-Masɔlɛnuta Tɔnnu 13:6 Iomraidhean Croise

1 Mansɛnu 8:38

Ni min nara bɔn kɛ yakɔrɔ ka nimisa a sɔn-yogomɛla ko la ka a bole sigi san ma bɔn kɛ telen tɔ, i ni wo tigi kan lamɔɛn ka wo makoto bawo ile le kelen pe ya mɔgɔ-burɛ lɔn. A bɛnta, i ni min ma mɔgɛ wo la, i si wo ma.

1 Mansɛnu 8:45

i yandi, i ni anuna matarali-kan lamɔɛn san-kole rɔ. I ni anu yabi ka nɔlɛ di anu ma.

Yaburi 19:12

Mɔgɔ-wo-mɔgɔ ti ke a nyɛrɛta fɛɛ yenna. Mari, nde ma nna fɛɛ minnu lɔn, wonu masɛgi n na.

Hɛnkilimaya-Kumɛnu 20:9

Ka a fɔ ko, “N yisi gbɛni de! Sɔn sa n na.” Yon si ke wo fɔla?

Makawandili Kumɛnu 7:20

Mɔgɔ-wo-mɔgɔ sa nyɔ min si to ko-telennɛ kɛla tuma-wo-tuma, tele-kelen-bɛrɛni, a ma sama.

Aiseya 42:3

A ti kala-tadunɛ rakeri. A ti lɛnpu-mayiginɛ ladufen. A si telenbagaya-banbɛlɛ lana duninya ye.

Saraka-Masɔlɛnuta Tɔnnu 11:40

Ni mɔgɛ do ya soge wo kan tinɛ do dɔn, a si ala kurɛnu ku kɔnɔ a sɛninyabɛlɛ si to ha wurɛ la. Ni a ya sogo-suyi wo do bi ka ta a la, fɔ a ni ala kurɛnu ku. A sɛninyabɛlɛ si to ha wurɛ la.

Saraka-Masɔlɛnuta Tɔnnu 13:2

“Puripuri wo, sumunɛ wo, yiri wo, ni wonu siginɛ mɔgɛ do ma, a si na a la saraka-masɔlɛ wara ka a yira a la. Wo si a mafɛlɛn, tumado a ye nala mala kiraya-yogomɛ la a fɛrɛ ma min si tenbi mɔgɛ donu ma.

Saraka-Masɔlɛnuta Tɔnnu 13:5

A si to nyɔ ha tele wɔrɔnfilɛ si tenbi, a ni na to a mafɛlɛnna. Ni saraka-masɔlɛ ya a mafɛlɛn wo rɔ, a ni a yen tɛlɛ wo ma ta yarɔ, a si a to nyɔ tun ha tele wɔrɔnfila gbɛrɛkɛ ni tenbi tun.

Saraka-Masɔlɛnuta Tɔnnu 13:7

A wa ban kela dagɛ rɔ tumɛ min, a ni a yen ala tɛlɛ ara fafa a ma tun, a si ta saraka-masɔlɛ wara tun.

Saraka-Masɔlɛnuta Tɔnnu 14:8

Kirayato-kɔrɛ wo si ala kurɛnu ku, wo kɔma, a si a fɛrɛ mumɛ masii. Wo kɔma fanan, a si a fɛrɛ-bɔnkɛ fanan ku. Hali wo, a sɛninyanɛ kɔnɔ a toe tonɛ a la. A si ta dagɛ rɔ kɔnɔ a kana don ala fani-bɔn la tele wɔrɔnfila kɔrɔ.

Romu 14:1

Mɔgɛ minnuta dɛnkɛninyɛ ma kolo wo tɛma, wo ni wonu tabira. Ka a fɔ ko kɛ bɛnta, kɛ ma bɛn, wo sɔsɔli-sufa kana na wo tɛma.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Tɔn-Fɔɛ-Fila-Nyɔgɛ 32:5

Kɔnɔ telenbɛlɛ le wole la. Hali mɔgɔ ma wo kele Allata mɔgɛnu. Wo fanɛ hakɛ anubɛ yanfanteyɛ la.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.

Yemesi 3:2

Ma dama si sama tuma siyaman. Mɔgɛ min ti sama kumɛ rɔ hali doni, wo tigi kanbalinɛ le feu! A si ke a nyɛrɛ matankala le fanan. Fɛɛ ti taran a la ko-wo-ko rɔ.