Saraka-Masɔlɛnuta Tɔnnu 13:45 - ALLALA KUMƐ

⁴⁵ “Ni saraka-masɔlɛ banta a latɛgɛla mɔgɔ-wo-mɔgɔ ma ko a ma sɛninya, kirayatoe wo si duruku-rafaranɛ don a kan na, a kana a kunyɛ rabɔ. A tenbi tala mɔgɛnu tɛma, a si kura-kundi-fugbɛ do bi ka a burun a sunyɛ anubɛ a dɛ la. A tenbi tala, a si a fɔ ko, ‘Sɛninyabɛlɛ ye nala kɔɔ, sɛninyabɛlɛ ye nala kɔɔ.’

Saraka-Masɔlɛnuta Tɔnnu 13:45 Iomraidhean Croise

Ko-Dabirɛnu 37:29

Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

2 Samuwɛli 13:19

A ya ta-gbangban kɛ a kunyɛ rɔ ka ala duruki wo rafara a kan na. A ya a bolo filɛ burun a yɛ la. A dimatoe tara.

2 Mansɛnu 7:3

Wati wo ya a taran, kunato mɔgɔ nani siginɛ tarɛ-don-dɛ kɔma. Wonu bi a fɔla anu nyɔgɔn ye ko, “Nfen ya a to, male siginɛ yan saya makɔnɔ tinɛ.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Yobu 42:6

N darɔ-kannu bara a ma, n bara miliya. Wola ko la, n bara tubi ka n sa sundu-kunyɛ ma i kɔrɔ.

Yaburi 51:3

N ya nta yulumunu lɔn. N hakɛ ye n yakɔrɔ tolon!

Yaburi 51:5

Kebi n na ya n buyi bi tumɛ min, n bi nta sɔn-yogoyɛ kɛ la n bolo.

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Nimisa Koe 4:15

Mɔgɛnu bi anu masɛgila anu na. Anu bi a fɔla ko, “Wo kɔsɔnɛ. Wo kana tugu ma la.” Woletɔ anu ya anu bɔ Yerusalɛm soe burɔ ka to yilan-yilanna sibolo-gbɛrɛnu tɛma minnu fanan ya a fɔ ko, “Wo ni wo bɔ mala nyamanɛ rɔ.”

Isikiyɛli 24:17

ado mɔgɔ-wo-mɔgɔ kana i yen yɛlɛla a ma fekufeku! I kun-nakolɔn kana to anubɛ i kin-takolɔn kana to fanan iko mɔgɛnu si a ma nya min saya-di-kɛ tinɛ. Mɔgɔ kana a lɔn defan ko i ye di-kɛ le kun na. I kana i yakɔrɛ dogon. I kana saya-di-kɛlɛnuta fen dɔn.”

Isikiyɛli 24:22

Wo kɔma, a ko wole fanan si a ma iko nde ara a ma nya min kɛ la. Wo ti wo yakɔrɔ dogon. Wo ti saya-di-kɛlɛnuna fen dɔn.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Saraka-Masɔlɛnuta Tɔnnu 10:6

Musa ya a fɔ Aruna anubɛ ala den-kemini-to filɛ Ɛliyasa anubɛ Itamarayi ye ko, “Wo kana wo kunya-rabɔbɛlɛ to. Wo kana wola durukinu tafara yisi-tinya bolo alako ka a yira mɔgɛnu na ko wo ye dila. Ni mɔgɛnu ya a lɔn ko wo yisi magboyanɛ, wo si faga. Mari si diminya Isirɛla mɔgɛ bɛɛsi ma fanan. Mari nyɛrɛ le ya a ma, tɛ bɔra san ma ka anu faga. Ni di-kɛ-sɔgɛ ye wo ta-nyɔgɛ Isirɛla mɔgɛ toenu na, tana ma wo la.

Saraka-Masɔlɛnuta Tɔnnu 13:44

a si a fɔ wo rɔ ko tɛlɛtoe wo sɛninyani ma.

Saraka-Masɔlɛnuta Tɔnnu 21:10

Kɔnɔ saraka-masɔlɛ, tuli ara kɛ min kunyɛ rɔ nun, kɔni, anubɛ saraka-masɔ-duruku-ba-wɛ ara don ale min kan na nun, Mari ko saraka-masɔla-kun-tigi-wɛ le wo la. Wo tɔn-maserengbanɛ le kɛ la saraka-masɔla-kun-tigi-wɛ kɛla ko la. Ni kɛ sufa ye dila saya-koe kuma, a kana a kunyɛ ratogo-togonɛ to a kuma anubɛ ka ala duruki rafarafara a kan na iko mɔgɛ doinu bi a mala nya min di-kɛ-tinɛ.

Maika 3:7

Hali wo, wole nɛbinu kuman-kan ti bɔ-a-la. Wo si miliya worɔ bawo Alla sa wo fɛ tun iko fɔlɔ.

Yilan-Yilan Koe 5:2

“A fɔ Isirɛla mɔgɛnu ye ko ni kiraya-yogomɛ ye mɔgɛ minnu fɛrɛ ma, kei wo, musi wo, hali kirayɛ min si dɛɛ labɔ mɔgɔ yatelenmɛ ma, wo ni mɔgɛ wo bɔ dagɛ rɔ nde, Mari ye nta mɔgɛnu fɛ kan min. “Ni mɔgɛ do ya a bole tugu furi la, wo fanan tigi ni bila anu fɛ ka ta dagɛ kɔma kamasɔrɔn anu sɛninyani ma iko tɔn ya a fɔ nya min. Ni wo ma, anu si dagɛ latinya.”

Luka 17:12

A ye donna so-nɛ do rɔ tumɛ min, kunato mɔgɔ tan ya a labɛn kilɛ la. Anu ya anu mata a la

Luka 5:8

Koe min mara, Saimon Pita ya wo yen tumɛ min, a ya a nyɛnkin Yisa kɔrɔ. A ko, “N fa, i yandi, i masɛgi n na bawo hakɛ-tigi le nde la!”