Saraka-Masɔlɛnuta Tɔnnu 13:2 - ALLALA KUMƐ

² “Puripuri wo, sumunɛ wo, yiri wo, ni wonu siginɛ mɔgɛ do ma, a si na a la saraka-masɔlɛ wara ka a yira a la. Wo si a mafɛlɛn, tumado a ye nala mala kiraya-yogomɛ la a fɛrɛ ma min si tenbi mɔgɛ donu ma.

Saraka-Masɔlɛnuta Tɔnnu 13:2 Iomraidhean Croise

2 Samuwɛli 3:29

Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Mansɛnu 5:1

Siriya kɛlɛ-den-kunyɛ do ye nyɔ nun min tɔgɛ Neyaman. Wo ye gbiliyɛ rɔ Siriya mansɛ bolo bawo Mari ara ale Neyaman dɛnbɛ ko a ni nɔ-ko sɔrɔn a yogenu ma, ado kurugba-bɛrɛbɛrɛ le ale la kɔnɔ yaga, kiraya-yogomɛ do ye a fɛrɛ ma.

2 Mansɛnu 5:27

Nba, ka a tɛgɛ i sɔn kɛ ma, kirayɛ min bi Neyaman ma nun, wo si bɔ ile ma. Kirayɛ wo si to bɔla i kegeyɛnu ma burubukai!” Kɛhasi bɔnɛ a dafɛ nyɔ, kirayɛ wo wuyara a ma pi! A fɛrɛ gbɛra a ma iko bɛgi-gbɛ.

Aiseya 1:6

Ka a bi i kunyɛ ma ha ka yigi i kian ma, kɛndɛya-tina-wo-tina sa i rɔ. I fɛrɛ magboro-gboronɛ, ado tɛlɛ anubɛ da gbansan le ye i ma. Ila tɛlɛnu kubɛlɛ, bɛsi sa anu na, ado anu makirini ma.

Aiseya 3:17

Mari ko a si anu tɔrɔ. A ko a si anu kunyɛ gbana ka anu kunya-sondokore to.

Saraka-Masɔlɛnuta Tɔnnu 13:1

Mari ya tɔn kɛnu di Musa anubɛ Aruna ma ko,

Saraka-Masɔlɛnuta Tɔnnu 13:3

Saraka-masɔlɛ wa a mafɛlɛn tumɛ min, ni a ya a yen ko a fɛrɛma-siyi min bi ala tɛlɛ-dɛ rɔ, wonu bara gbɛ, ado a ni a taran, tɛlɛ-dɛ rayiginɛ kibon-kibon, saraka-masɔlɛ si a fɔ worɔ ko, ‘I ma sɛninya. Fɛrɛma-kiraya-yogomɛ ye i ma.’

Saraka-Masɔlɛnuta Tɔnnu 13:8

Wo si a mafɛlɛn worɔ, ni tonya-bɛrɛbɛrɛ le ka na a fɔ ko a ara fafa a ma. Saraka-masɔlɛ si a fɔ worɔ ko a ma sɛninya. Kiraya-yogomɛ le kɛ la min si tenbi mɔgɛnu ma.

Saraka-Masɔlɛnuta Tɔnnu 14:3

saraka-masɔlɛ si ta a taran dagɛ kɔma ka a mafɛlɛn a kilɛ fɛ. Ni a ya a taran, mɔgɛ wo ara kɛndɛya,

Saraka-Masɔlɛnuta Tɔnnu 14:35

Musa ya Mari kuman-kan latenbi Isirɛla mɔgɛnu ma tun ko, “Wo wa ke Kenan nyamanɛ rɔ wati min, ni min ya a yen worɔ ko ala bon-fundan ara bɔ, a si a fɔ saraka-masɔlɛ ye.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Yilan-Yilan Koe 12:10

Banda-fin-gbɛ wo bɔra bɔn kuma tumɛ min, kiraya-yogomɛ do bɔra Miriyam fɛrɛ ma. A fɛrɛ bɛɛ gbɛra iko bɛgi-gbɛ. Aruna ya a kɔrɔ-musi yen tumɛ min ko kiraya-yogomɛ do ara bɔ a ma,

Yilan-Yilan Koe 12:12

I yandi, n fa, ma kɔrɔ-musi fɛrɛ kana ma iko dennɛ min tulunɛ sɔrɔnta ka bɔ a na burɔ.”

Matiyu 8:4

Wo kɔma, Yisa ya a fɔ a ye ko, “I tole masɔ! I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara tiriya! I ni i nyɛrɛ yira a la iko tɔn ya a fɔ nya min. Nɛbi Musa ya sarakɛ minna ko fɔ, i ni wo bɔ ka a yira mɔgɛ bɛɛ la ko i wara kɛndɛya.”

Maraka 1:44

“I kana kɛ fɔ mɔgɔ-wo-mɔgɔ ye de! Ta saraka-masɔlɛ wara tiriya, a ni i mafɛlɛn. Nɛbi Musa ya sarakɛ minna ko fɔ, i ni wo bɔ ka a yira mɔgɛ bɛɛ la ko i wara kɛndɛya.”

Luka 17:14

Yisa ya anu yen tumɛ min, a ya a fɔ anu ye ko, “Wo ta saraka-masɔlɛnu bara, anu ni wo lakɔrɔsi.” Anu bi tala tumɛ min, anu dama kɛndɛyara.

Luka 5:14

Yisa ya a fɔ a ye ko, “I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara, a ni i mafɛlɛn. Wo kɔma, i ni sarakɛ wo bɔ iko Nɛbi Musa ya a fɔ nya min ka a yira mɔgɛ bɛɛ la ko i wara kɛndɛya.”

Tɔn-Fɔɛ-Fila-Nyɔgɛ 24:8

“Ni fɛrɛma-kirayɛ bɔra mɔgɛ do fɛrɛ ma, wo ni a ma iko Mari ya a fɔ saraka-masɔlɛnu ye nya min.

Tɔn-Fɔɛ-Fila-Nyɔgɛ 28:27

Mari si sumunu-kirayɛ sigi wo ma iko a ya a ma Iyipiti mɔgɛnu na nya min nun. Tɛlɛ anubɛ tɛli-wonke si taran wo fɛrɛ ma belenna da-wo-da. Nyɛkɛ si wuya wo fɛrɛ ma belenna iko koronya-munke. Kɛnu bɛsi mumɛ ti taran mɔgɔ bolo.