Saraka-Masɔlɛnuta Tɔnnu 11:40 - ALLALA KUMƐ

⁴⁰ Ni mɔgɛ do ya soge wo kan tinɛ do dɔn, a si ala kurɛnu ku kɔnɔ a sɛninyabɛlɛ si to ha wurɛ la. Ni a ya sogo-suyi wo do bi ka ta a la, fɔ a ni ala kurɛnu ku. A sɛninyabɛlɛ si to ha wurɛ la.

Saraka-Masɔlɛnuta Tɔnnu 11:40 Iomraidhean Croise

Bɔ-Koe-Iyipiti 22:31

“Sogo-feremɛnu bi soge minnu fagala, wo kana wonu dɔn. Wo ni anu nafili wulinu kɔrɔ bawo nta mɔgɔ-sɛnimɛ le wole la.”

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Isikiyɛli 4:14

Kɔnɔ n ya Mari sɔsɔ, n ko, “N Tigi Mari Alla, i yandi, n kana wo ma. Ha bi, n ma n bole don bɛ ko-kɔsɔni ko rɔ. Ka a bi n dennɛ ma ha kaka, n ma yifɛ dɔn bɛ, ado ha bi, dɔn-fen-sɛninyabɛlɛ ma don bɛ n da rɔ.”

Isikiyɛli 44:31

Saraka-masɔlɛnu kana yifa-wo-yifa dɔn, a mara koni la wo, a mara sogo la wo. Hali a tɔgɔ tora sogo-gbɛrɛkɛ le la, anu kana wo dɔn.”

Saraka-Masɔlɛnuta Tɔnnu 11:39

“Ni sogo-sɛninyanɛ do fagara a nyɛrɛ ma, mɔgɔ wa a bole tugu wo la, mɔgɛ wo fanan sɛninyabɛlɛ si to ha wurɛ la.

Saraka-Masɔlɛnuta Tɔnnu 14:46

Ni mɔgɛ min donta bon-natogonnɛ wo la, wo tigi ti sɛninya ha wurɛ la.

Saraka-Masɔlɛnuta Tɔnnu 15:15

Saraka-masɔlɛ si kelan ma hakɛ-sarakɛ la. A si kelan doi wo ma saraka-mintantɛ la. Saraka filɛ kɛnu si ma kirayato-kɔrɛ wo hakɛ-yamatogon-fan la.

Saraka-Masɔlɛnuta Tɔnnu 15:27

Ni mɔgɛ ya a tugu sofa wo la anubɛ waganɛ wo la, mɔgɛ wo sɛninyani ma, fɔ a ni ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 16:26

Kei min ya baa gben ha a tara wulɛ rɔ, wo fantigi si ala kurɛnu ku anubɛ a fɛrɛ-bɔnkɛ. A wa ban a kula, a si ke le worɔ ka ta dagɛ rɔ.

Saraka-Masɔlɛnuta Tɔnnu 16:28

Yanni kei wo ni sɛgi a kɔma dagɛ rɔ tumɛ min, a si ala kurɛnu anubɛ a fɛrɛ-bɔnkɛ ku.

Saraka-Masɔlɛnuta Tɔnnu 22:6

Saraka-masɔlɛ min bara a nyɛrɛ latinya iko kɛ sufa, wo tigi sɛninyabɛlɛ si to ha wurɛ la. Fɔ a wa ta a ku wurɛ la, a ni na to a bole bilala sarakɛ rɔ ka a dɔn.

Saraka-Masɔlɛnuta Tɔnnu 22:8

Saraka-masɔla fenfen kana soge dɔn min bara faga a nyɛrɛ ma anubɛ sogo-feremɛnu bara min faga. Ni min ya wo dɔn, wo sɛninyabɛlɛ si to. Nde le wota Mari Alla la min ya wo fɔ.

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Yilan-Yilan Koe 19:19

A si wo ma a tele sawa nyɔgɛ anubɛ a tele wɔrɔnfila nyɔgɛ ma. A tele wɔrɔnfila nyɔgɛ wo ma, mɔgɛ min ma sɛninya, wo si ala kurɛnu ku ka a bagbuyi fanan ku. Tele-kolo-wulen-wati wa tenbi, a si sɛninya.

1 Kɔrɛnti 10:21

A ti bɛn wo ni wo min Marita yi-lafɛ la, wo ni ta wo min nyinɛnuta yi-lafɛ la fanan. Wo kana fen-dɔn-kɛ Marita tebulu la, wo wa ban, wo ni ta fen dɔn nyinɛnuta tebulu fanan na.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

Tɔn-Fɔɛ-Fila-Nyɔgɛ 14:21

“Ni soge min fagara a bolo ma, wo kana wonu dɔn. Wonu sɛninyani ma. Kɔnɔ sibole minnu bi wo tɛma, ni wonu ya sogo-sufa kɛnu dɔn, tana ma wo la. Ni a diyara wo ye, wo si a mayira sibolo-gbɛrɛnu ma. Kɔnɔ wole Isirɛla mɔgɛnu kana fen-sufa kɛnu dɔn bawo Marita mɔgɛ le wole la. “Wo kana saga-dan anubɛ baa-dan te a na kin-yi la.

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.