Saraka-Masɔlɛnuta Tɔnnu 11:32 - ALLALA KUMƐ

³² “Ni kɛ do suyi buira fenfen kuma, hali sɛbɛna-wɔli si kɛ a la, fan wo sɛninyani ma tun. Ni a mara fenfen na min nadannɛ kɔlɔma la, wo sɛninyani ma. Ni a buira sogo-gbole kuma wo ladannɛ fenfen na, wo fanan sɛninyani ma. Ni a buira gbama-kurɛ kuma, ni wo ma, kura-dogbɛrɛ kuma, wonu fanan sɛninyani ma. Ni a buira fan min kuma, wo si wo bi ka a layigi yi kɔrɔ ka a layɛlɛ. Wo sɛninyabɛlɛ si to ha wurɛ la.

Saraka-Masɔlɛnuta Tɔnnu 11:32 Iomraidhean Croise

Saraka-Masɔlɛnuta Tɔnnu 11:31

Ni min ya a bole tugu kɛ do la, wo tigi-sɛninyabɛlɛ si to ha wurɛ la.

Saraka-Masɔlɛnuta Tɔnnu 14:46

Ni mɔgɛ min donta bon-natogonnɛ wo la, wo tigi ti sɛninya ha wurɛ la.

Saraka-Masɔlɛnuta Tɔnnu 15:12

Ni kirayatoe ya a bole tugu bɔnku-dagɛ min na, wo si wo ratii. Ni a ya a bole tugu miran do la min nadannɛ kɔlɔma la, fɔ anu ni miran wo raku.

Saraka-Masɔlɛnuta Tɔnnu 15:15

Saraka-masɔlɛ si kelan ma hakɛ-sarakɛ la. A si kelan doi wo ma saraka-mintantɛ la. Saraka filɛ kɛnu si ma kirayato-kɔrɛ wo hakɛ-yamatogon-fan la.

Saraka-Masɔlɛnuta Tɔnnu 16:26

Kei min ya baa gben ha a tara wulɛ rɔ, wo fantigi si ala kurɛnu ku anubɛ a fɛrɛ-bɔnkɛ. A wa ban a kula, a si ke le worɔ ka ta dagɛ rɔ.

Saraka-Masɔlɛnuta Tɔnnu 17:15

Isirɛla mɔgɛ wo, sundan wo, ni wo do ya sogo-suyi do dɔn min fagara a nyɛrɛ ma, a dɔnnɛ sɛninyani ma. Ni min ya sogo-suyi do dɔn sogo-feremɛ ya min faga, ni min ya wo dɔn, a sɛninyani ma. Mɔgɔ su min bi kɛ sufa mala, wonu si anuna kurɛnu anubɛ anu fɛrɛ-bɔnkɛnu ku. Hali a ya a ku fanan, a sɛninyani ma ha wurɛ la.

Saraka-Masɔlɛnuta Tɔnnu 22:6

Saraka-masɔlɛ min bara a nyɛrɛ latinya iko kɛ sufa, wo tigi sɛninyabɛlɛ si to ha wurɛ la. Fɔ a wa ta a ku wurɛ la, a ni na to a bole bilala sarakɛ rɔ ka a dɔn.

Saraka-Masɔlɛnuta Tɔnnu 6:28

Ni anu ya a soge te bɔnku-dagɛ min tɔ, anu si wo ratii. Ni anu ya a te daga-gbɛrɛkɛ rɔ, anu si wo raku a kin na!

Yilan-Yilan Koe 19:15

Hali dagɛ min da latogonbɛlɛ, wo fanan ma sɛninya.

Yilan-Yilan Koe 19:7

“Kɛ mumɛ wa ban mintanna tumɛ min, Ɛliyasa anubɛ saraka-masɔlɛ min ya ninki mintan, anu si anuna kurɛ wonu ku ka anu bagbuyi fanan ku. Wo kɔma, anu si ta dagɛ rɔ kɔnɔ anu sɛninyani ma iko tɔn ya a fɔ nya min ha wurɛ la.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Taita 3:5

a ya ma kisi. A ma ma kisi ka a tɛgɛ ma nyɛrɛta kɛwɔli-nyimɛnuna ko la de! A ya wo ma ala kinikinɛ lela ko la. A ya ma kisi ata Ni-Sɛnimɛ baraka rɔ min bi sɔrɔn-nya-kurɛ anubɛ ni-kurɛ dila ma ma. Ale le si mɔgɔ yisi ku ka a sɔn sɛninya,