Saraka-Masɔlɛnuta Tɔnnu 11:24 - ALLALA KUMƐ

^24-25 Ni min ya a bole tugu kɛ do sufa suyi la wa ka wo do-wo-do yatɔnbɔn, wo tigi ni ala kurɛnu ku kɔnɔ a sɛninyabɛlɛ si to ha wurɛ la iko tɔn ya a fɔ nya min.

Saraka-Masɔlɛnuta Tɔnnu 11:24 Iomraidhean Croise

Aiseya 22:14

Ma Tigi Mari Sɛnbɛ-Bɛɛ-Tigi nyɛrɛ le ya a fɔ n ye ko fananta anu bi anu niyi la, a ti anu makoto anu sɔn-yogomɛ kɛla ko la muk! Ale Mari Sɛnbɛ-Bɛɛ-Tigi kan le kɛ la.

Saraka-Masɔlɛnuta Tɔnnu 11:31

Ni min ya a bole tugu kɛ do la, wo tigi-sɛninyabɛlɛ si to ha wurɛ la.

Saraka-Masɔlɛnuta Tɔnnu 11:8

Wo kana soge kɛnu dɔn, hali ka i bole tugu anu suyi la. Anu sɛninyani ma wo ye.

Saraka-Masɔlɛnuta Tɔnnu 14:46

Ni mɔgɛ min donta bon-natogonnɛ wo la, wo tigi ti sɛninya ha wurɛ la.

Saraka-Masɔlɛnuta Tɔnnu 15:10

Ni mɔgɔ-wo-mɔgɔ tugura fan wo la gbɛ, ni wo ma, ka a bi, wo tigi sɛninyani ma fanan. Fɔ ni a ya ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ si to ha wurɛ la.

Saraka-Masɔlɛnuta Tɔnnu 15:11

Ni a taranta, kirayatoe wo ya a bolo lakubɛlɛ tugu mɔgɔ-sɛninyanɛ do la, wo fanan sɛninyani ma. Fɔ ni a ya ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ si to ha wurɛ la.

Saraka-Masɔlɛnuta Tɔnnu 15:15

Saraka-masɔlɛ si kelan ma hakɛ-sarakɛ la. A si kelan doi wo ma saraka-mintantɛ la. Saraka filɛ kɛnu si ma kirayato-kɔrɛ wo hakɛ-yamatogon-fan la.

Saraka-Masɔlɛnuta Tɔnnu 15:21

Ni mɔgɛ min nara a bole tugu fan wo la a ya a sigi min kuma, ka, ni a ya a sa fan min kuma, mɔgɛ wo fanan sɛninyani ma. Fɔ a ni ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ si to ha wurɛ la.

Saraka-Masɔlɛnuta Tɔnnu 15:27

Ni mɔgɛ ya a tugu sofa wo la anubɛ waganɛ wo la, mɔgɛ wo sɛninyani ma, fɔ a ni ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 15:5

Ni mɔgɔ-wo-mɔgɔ ya a sigi kirayatoe wola sofa wo rɔ, hali ka a sosa a la, a si ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ le Mari yala ha wurɛ la.

Saraka-Masɔlɛnuta Tɔnnu 15:7

Ni mɔgɛ do ya a tugu kirayatoe wo la, wo tigi sɛninyani ma. Mɔgɛ min tugura kirayatoe wo la, a si ala kurɛ anubɛ a fɛrɛ-bɔnkɛ ku. Hali wo, a sɛninyabɛlɛ si to ha wurɛ la.

Saraka-Masɔlɛnuta Tɔnnu 15:8

“Ni kirayatoe wo da-yi kera mɔgɔ-sɛninyanɛ do ma, fɔ mɔgɛ wo ni ala kurɛ anubɛ a fɛrɛ-bɔnkɛ ku. Hali a wa ban wo mala, a sɛninyabɛlɛ si to ha wurɛ la.

Saraka-Masɔlɛnuta Tɔnnu 16:26

Kei min ya baa gben ha a tara wulɛ rɔ, wo fantigi si ala kurɛnu ku anubɛ a fɛrɛ-bɔnkɛ. A wa ban a kula, a si ke le worɔ ka ta dagɛ rɔ.

Saraka-Masɔlɛnuta Tɔnnu 16:28

Yanni kei wo ni sɛgi a kɔma dagɛ rɔ tumɛ min, a si ala kurɛnu anubɛ a fɛrɛ-bɔnkɛ ku.

Saraka-Masɔlɛnuta Tɔnnu 22:4

“Ni kiraya-yogomɛ ye Aruna kegeya-mɔgɛ min fɛrɛ ma, ka, ni kiraya-yogomɛ ye bɔla min yatelenmɛ ma, mɔgɔ su wonu ti ke sarakɛnu dɔnna minnu dantɛgɛnɛ nde, Mari ma fɔ anu ba kɛndɛya tumɛ min ka sɛninya a kilɛ fɛ iko tɔn ya a fɔ nya min. Ni saraka-masɔlɛ tugura fan do la min bara tugu furi la nun, a ara a nyɛrɛ latinya wo rɔ. Ni saraka-masɔlɛ keiya-yi bɔra,

Saraka-Masɔlɛnuta Tɔnnu 22:5

ka, ni a ya a bole tugu sogo-sɛninyabɛlɛ la, anubɛ mɔgɔ-sɛninyabɛlɛ, a ara a nyɛrɛ latinya worɔ.

Saraka-Masɔlɛnuta Tɔnnu 22:6

Saraka-masɔlɛ min bara a nyɛrɛ latinya iko kɛ sufa, wo tigi sɛninyabɛlɛ si to ha wurɛ la. Fɔ a wa ta a ku wurɛ la, a ni na to a bole bilala sarakɛ rɔ ka a dɔn.

Saraka-Masɔlɛnuta Tɔnnu 5:2

“Ni a mara, mɔgɛ do ni a bole tugu fen do la min ma sɛninya iko tɔn ya a fɔ nya min iko sogo-suyi sufa, ni a ya a lɔn tumɛ min ko a ya wo ma, a ara yiliki worɔ. A sɛninyani ma worɔ.

Saraka-Masɔlɛnuta Tɔnnu 7:21

Ni mɔgɛ do ya a bole tugu fenfen-sɛninyabɛlɛ la, a mara mɔgɔ la wo, a mara sogo la wo, ni wo nara yisi-kima-sarakɛ kɛ do dɔn, mɔgɔ kana a miri wo ma ko Allata mɔgɛ le wo la tun.”

Yilan-Yilan Koe 19:7

“Kɛ mumɛ wa ban mintanna tumɛ min, Ɛliyasa anubɛ saraka-masɔlɛ min ya ninki mintan, anu si anuna kurɛ wonu ku ka anu bagbuyi fanan ku. Wo kɔma, anu si ta dagɛ rɔ kɔnɔ anu sɛninyani ma iko tɔn ya a fɔ nya min ha wurɛ la.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

Kɔlɔsi 2:20

Wobɛ Kirasiti ara faga wo nyɔgɔn fɛ worɔ. Ale ya wo hɔrɔya ka wo bɔ nyina-kun-tiginu fanka kɔrɔ duninya kɛ rɔ. Nfenna worɔ, wo ye ko ladanna iko duninya kɛtɛ le wole la? Nfenna wo ye tɔn kɛ sufanu birala? Wo ye a fɔla ko—

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.