Saraka-Masɔlɛnuta Tɔnnu 10:6 - ALLALA KUMƐ

⁶ Musa ya a fɔ Aruna anubɛ ala den-kemini-to filɛ Ɛliyasa anubɛ Itamarayi ye ko, “Wo kana wo kunya-rabɔbɛlɛ to. Wo kana wola durukinu tafara yisi-tinya bolo alako ka a yira mɔgɛnu na ko wo ye dila. Ni mɔgɛnu ya a lɔn ko wo yisi magboyanɛ, wo si faga. Mari si diminya Isirɛla mɔgɛ bɛɛsi ma fanan. Mari nyɛrɛ le ya a ma, tɛ bɔra san ma ka anu faga. Ni di-kɛ-sɔgɛ ye wo ta-nyɔgɛ Isirɛla mɔgɛ toenu na, tana ma wo la.

Saraka-Masɔlɛnuta Tɔnnu 10:6 Iomraidhean Croise

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

Ɛsira 7:5

Buki wo fa tɔgɛ le Abisuwa. Abisuwa wo fa tɔgɛ le Finihasi. Finihasi wo fa tɔgɛ le Ɛliyesa. Ɛliyesa wo fa le ale Saraka-Masɔla-Kun-Tigi-Wɛ Aruna la.

Bɔ-Koe-Iyipiti 33:5

Mari ya a fɔ Musa ye ko, “A fɔ Isirɛla mɔgɛnu ye ko anu tengberenta kati! Ni n tara anu fɛ hali doni, n si anu halaki. Kɔnɔ ale le wo la. Hali wo ma wola sɛnɛ anubɛ wola wodi-gbɛ wonu bi tun. N bi nala min mala wo la, n si to n mirila wo ma.”

Bɔ-Koe-Iyipiti 6:23

Amiramta dan Aruna ya Aminadabula dunmusi Ɛlisiba furu. Neson tirisan-musu-bɛrɛbɛrɛ le Ɛlisiba wo la. Musi wo ya Nedabu wo, Abaihu wo, Ɛliyasa wo, anubɛ Itamarayi sɔrɔn Aruna ye.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Saraka-Masɔlɛnuta Tɔnnu 13:45

“Ni saraka-masɔlɛ banta a latɛgɛla mɔgɔ-wo-mɔgɔ ma ko a ma sɛninya, kirayatoe wo si duruku-rafaranɛ don a kan na, a kana a kunyɛ rabɔ. A tenbi tala mɔgɛnu tɛma, a si kura-kundi-fugbɛ do bi ka a burun a sunyɛ anubɛ a dɛ la. A tenbi tala, a si a fɔ ko, ‘Sɛninyabɛlɛ ye nala kɔɔ, sɛninyabɛlɛ ye nala kɔɔ.’

Maika 1:16

“Wole Yerusalɛm so-burɔ-mɔgɛnu, wo ni wo kunyɛ gbana di-kɛ-tinɛ iko dogɛ ka a tɛgɛ wola dannuna ko ma, kɛlɛ ye tala minnu na.”

Yilan-Yilan Koe 1:53

Kɔnɔ Lifayi mɔgɛnu ni sigi nna Fani-Bɔnla minɛ rɔ ka a kandan woletɔ mɔgɔ-wo-mɔgɔ ti a gbɛrɛn wo ma. Ni wo ma, nna diminyɛ si taran Isirɛla mɔgɛ bɛɛ kuma.”

Yilan-Yilan Koe 14:6

Ko-lakɔrɔsila mɔgɔ filɛ, Nunna den-kei Yasowa anubɛ Yɛfunɛla dan Kelabu, wonu yisi magboyara ha anu ya anuna durukinu tafara yisi-tinya bolo.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Yilan-Yilan Koe 18:5

Nde nyɛrɛ-nyɛrɛ le ya Lifayi mɔgɛnu yabɔ Isirɛla mɔgɛnu tɛma ka ma wole dɛnbɛnɛnu na. N bara wonu di wole ma ka anu dantɛgɛ nde ma. “N bara nta bon-burɔ-wɔlɔ-dunɛ sa wobɛ ila dannu kuma anubɛ saraka-masɔ-wɔlɛ, woletɔ nta diminyɛ ti sigi Isirɛla mɔgɛnu kuma tun!

Yilan-Yilan Koe 20:25

Woletɔ i ni Aruna anubɛ ala den Ɛliyasa bi ka ta anu na Hɔ kɔnkɛ kuma.

Yilan-Yilan Koe 5:18

A ni musi wo kun-sigi lafulen ka bu-gbɛngbɛnnɛ wo do bi ka a kɛ musi wo bole tɔ. Saraka-masɔlɛ si sɔ musi wo yarɔ bɔnku-dagɛ ye a bolo. Yi-kunɛ wo min si dankɛ lana, wo ye bɔnku-dagɛ wo rɔ.

Tɔn-Fɔɛ-Fila-Nyɔgɛ 33:9

I ya a lɔn, Lifayi mɔgɛ kɛnu bara ile Mari wara-koe sɔ anu yarɔ ka tenbi anuna mɔgɛnuna koenu na. Anu ya ita tɔnnu bira ka ita lanyiri latɔnbagaya.

Yasowa 22:18

Wo ye a fɛ ka wo kan-kɔ sɔ Mari la kaka, wa? Ni wo ya wo ma, wati do si na a si diminya ma dama ma.

Yasowa 22:20

Ekan ya hakɛ min kɛ, wo ara nyina wo ko, wa? A ya Marila kumɛ tinya ka fan donu kankan anu bɛnnɛ ka minnu di Mari ma. Ekan kelen pe ma faga hakɛ wola ko la. Isirɛla mɔgɛ bɛɛ tɔrɔta kankanyɛ wola ko la.”

Yasowa 7:1

Mari ya a fɔ Isirɛla mɔgɛnu ye nun ko, “Wo ni Yɛrikɔ soe halaki ka fen bɛɛ tinya a rɔ tɛrr!” Kɔnɔ mɔgɔ kelen bi nyɔ min tɔgɛ Ekan, wo ma Marila kumɛ bira. Mari diminyara Isirɛla mɔgɛnu ma wola ko la. (Ekan wo, a fa tɔgɛ Kami, a benba tɔgɛ Sabadi. A bɔra Serahata denbayɛ rɔ Yuda bɔnsɔn rɔ.)

Yasowa 7:11

Isirɛla mɔgɛnu bara hakɛ kɛ. Anu ma nta kumɛ bira bawo anu ya kankanya-fan wonu ma anutɛ la Yɛrikɔ, a bɛnnɛ nun ka min halaki. Anu ya foninyɛ fɔ ka fan wonu ma anutɛ la.