Saraka-Masɔlɛnuta Tɔnnu 10:3 - ALLALA KUMƐ

³ Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 10:3 Iomraidhean Croise

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 148:14

A ara ata mɔgɛnu tagbɛlɛya gbon! Woletɔ anu bi a tantola, ado ala Isirɛla mɔgɛnu di a ye kati! Bɛɛ ni Mari tanto!

Yaburi 39:10

I yandi! I kana n tɔrɔ tun! Ka a tɛgɛ i ye n tagbesi min kɛla, a ara to sɛ, n niyi ni bɔ.

Yaburi 39:9

N si n tade don. N ti fenfen fɔ bawo ile nyɛrɛ le ya a ma, n ya tɔrɔya-sufa kɛ sɔrɔn.

Yaburi 46:10

Alla ko wo ni wo fara kɛlɛ la. Wo ni a lɔn ko Alla le ale la. A ye sibole bɛɛ anubɛ duninya kun na.

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Yaburi 93:5

Mari, ita tɔnnu sigini de tolon! I Bato-Bɔn sɛnima dɔgɔma-ma-de! Wo rɔ, a ye wo nya na le burubukai!

Bɔ-Koe-Iyipiti 14:17

N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 19:22

Hali saraka-masɔlɛ minnu bi mabɛ mɔgɛnu tɛma, wonu fanan ni anu sɛninya. Ni wo ma, n si anu fanan tɔrɔ.”

Bɔ-Koe-Iyipiti 19:24

Mari ya a fɔ a ye ko, “Ta Aruna bi kɔnkɛ kɔrɔ. I ni yɛlɛ a la yan kɔnɔ saraka-masɔlɛnu anubɛ a mɔgɛ toenu kana tenbi dan la ka nde, Mari yen muk! Ni min tenbira, n si wo tɔrɔ.”

Bɔ-Koe-Iyipiti 30:30

“I ni tulu-sɛnimɛ wo do sisa Aruna anubɛ ala den-keinu ma ka anu dantɛgɛ nde, Alla ma alako anu ni nta saraka-masɔ-wɔlɛ kɛ.

Aiseya 39:8

Mansa Hɛsakaya ya a lɔn kumɛ wo le ma ko ata wati si ma yisi-kimɛ anubɛ lafɛrɛ la. Woletɔ a ya a fɔ n ye ko, “I wara Marita kilayɛ min nake n ma kɛ la, wo kin fasai!”

Aiseya 49:3

Mari ya a fɔ n ye ko ata wɔli-kɛlɛ le Isirɛla la. A ko ka a tɛgɛ wo ma, mɔgɛnu si ale Mari matɔgɔ.

Aiseya 52:11

Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Isikiyɛli 20:41

N ba anu nadɛn ka bɔ nyamanɛ wonu tɔ anu tanyɛnsɛnnɛ kan minnu tɔ nun, n si anuna sarakɛnu bira worɔ. Sibole bɛɛ si a lɔn ko nde sɛnima.

Isikiyɛli 28:22

Nde, i Tigi Marita kumɛ latenbi Saidon kɛnu ma. Saidon yoge le nde la. N bi nala min sigila Saidon soe ma, mɔgɛnu si n matɔgɔ wola ko la. N ba ban Saidon kɛnu tɔrɔla ka nta sɛninyɛ yira mɔgɛ bɛɛ la, mɔgɛnu bi a lɔnna wo le ma ko Mari le nde la.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Isikiyɛli 40:46

A ko bon-nɛ min yɛ lamununnɛ kantɔɛ la, wo ye saraka-masɔlɛnu denuna ko la minnu bi saraka-mintan-wɔli kɛla. Saraka-masɔlɛ kɛ bɛɛ bɔra Sedoki kebilɛ le tɔ. Anu denu denu dɔrɔn bi Lifayi kebilɛ rɔ minnu bɛnnɛ ka sɔ Mari yakɔrɔ wɔli-kɛ-tinɛ.

Isikiyɛli 42:13

Kei wo ya a fɔ n ye ko, “Bon filɛ kɛnu sɛninyani de bawo saraka-masɔlɛ minnu bi wɔlila Mari ye, wonu bi anuna saraka-sɛnimɛnu dɔnna bɔn wonu denu na. A mara fui-fen-saraka la wo, a mara hakɛ-saraka la wo, a mara yiliki-saraka la wo, wonu bi saraka-sɛnimɛ wonu namarala bɔn wonu denu na bawo a konkonu sɛnima.

Saraka-Masɔlɛnuta Tɔnnu 21:15

Kɔnɔ ni a ya musi sufa kɛnu furu, anu bi dan min sɔrɔnna, wonu ti sɛninya Mari yala. A bɛnta, anu ni ma mɔgɔ-sɛnimɛnu na Mari yala. Mari le ya ale yabɔ ka a sɛninya a nyɛrɛ ye ka ma saraka-masɔla-kun-tigi-wɛ la.

Saraka-Masɔlɛnuta Tɔnnu 21:21

Fɛɛ ye mɔgɛ minnu na Aruna bɔnsɔn rɔ, Mari ko wonu kana saraka-masɔ-wɔlɛ kɛ.

Saraka-Masɔlɛnuta Tɔnnu 21:6

Mari ko saraka-masɔlɛnu sɛninyanɛ ni to. Anu kana ko-wo-ko ma min si Mari tɔgɔ lafɛya bawo anu bi sarakɛnu dila Mari ma. Fɔ wo sɛninyanɛ ni to.

Saraka-Masɔlɛnuta Tɔnnu 21:8

Fɔ mɔgɛnu ni anu miri saraka-masɔlɛnu ma ko anu sɛninyanɛ de bawo anu bi dɔn-fen sarakɛnu dantɛgɛla Mari ma. Ale le mata Mari Alla la. Mari Alla sɛnima, woletɔ a si ata mɔgɛnu fanan sɛninya.

Saraka-Masɔlɛnuta Tɔnnu 22:9

“Saraka-masɔlɛ bɛɛsi ni nna tɔn kɛnu bira iko n ya a fɔ wo ye nya min. Ni min ya nna tɔn kɛnu tinya, wo si yiliki sɔrɔn n bolo ka faga. Nde le wota Mari Alla la min ya wole sɛninya.

Saraka-Masɔlɛnuta Tɔnnu 8:35

Wo ni to siginɛ tenbi-bolon-dɛ la su-ke banda-ka ha tele wɔrɔnfilɛ da si fa. Ni wo ya wo tinya, wo si faga. Wo le kɛ la Mari ya min fɔ n ye ka a gbɛlɛya gben!”

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yilan-Yilan Koe 20:12

Kɔnɔ Mari kumara Musa anubɛ Aruna ma. A ya a fɔ anu ye ko, “Bawo wo ma la n na ka nta kumɛ bira ka nta gbiliyɛ anubɛ nta fanka yira mɔgɛnu na min kɛ, woletɔ wo ti sɔ mɔgɛ kɛnu yarɔ ka ta anu na lanyiri-nyamanɛ rɔ n bara min di wo ma.”

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Yɔni 12:28

E, n Fa, ila gbiliyɛ yira mɔgɛnu na!” Wo kɔma, kuman-kan bɔra Arinyɛni tɔ, a ko, “N bara ban nna gbiliyɛ mayirala mɔgɛnu ye nun, ado n si a mayira tun.”

Yɔni 14:13

Wo wa nde tara fenfen ma n tɔgɛ rɔ, n si wo ma wo ye. Woletɔ n Fa Allala gbiliyɛ ma si yira nde, ala dan baraka rɔ.

Tɔn-Fɔɛ-Fila-Nyɔgɛ 32:51

Min ya a to, ile nyɛrɛ fanan ye so-sɛgi-kɛla iko Aruna bawo ile fanan ma i telen n ye Isirɛla mɔgɛnu tɛma. Wo ye Sɔnkɔ-Sɔnkɔ Tenke dafɛ tumɛ min Kɛdɛsi soe da kɔrɔ Sini wulɛ rɔ, i ya n nafɛya Isirɛla mɔgɛnu yakɔrɔ nyɔ.

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

1 Pita 4:17

Kiti-tɛgɛ-dabira-wati ara ke. Nba, Alla si ala mɔgɛnu fɔlɔn kiti. Ni kiti gbɛlɛ da si bira male le ma, a laban si ma kama worɔ wonu kuma minnu ma Allala kibara-nyimɛ bira?

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”

1 Samuwɛli 6:20

A kei-toe minnu tora Bɛti-Simɛsi soe burɔ, wonu ya a fɔ ko, “Yon si ke a sɔla Mari Alla-sɛnimɛ kɛ yakɔrɔ? Ma si tɔn-kenkirɛ kɛ lata mintɔ alako a ni bɔ ma dafɛ?”