Saraka-Masɔlɛnuta Tɔnnu 10:19 - ALLALA KUMƐ

¹⁹ Aruna ya a fɔ a dɔgɛ Musa ye ko, “Mɔgɛnu nara anuna hakɛ-sarakɛ anubɛ saraka-mintantɛnu na Mari ye bi. Kɔnɔ hali wo, tɔrɔyɛ kɛ nyɔgɔn sufa ya n sɔrɔn. Nna dannu fagara bi. Ni n ya baa-sarakɛ kɛ dɔn nun bi, wo si a ma, Mari ni nyagalen n na, wa?”

Saraka-Masɔlɛnuta Tɔnnu 10:19 Iomraidhean Croise

Aiseya 1:11

A ko wo ye saraka-siyamɛ minnu dila a ma kɛ, wo miri ye a ma ko a ye nyinina wonu ma le, wa? Wo ye saga-sarakɛ minnu bɔla wo, wo ye kolo-fen-hakikɛ minnu kɛɛn bɔla sarakayɛ la wo, wonu sɔgɛ la ara bɔ a la lass! A ko a ara bandan wola kolo-fen-yelenu kɔrɔ, a tura wo, a saga wo, anubɛ a baa.

Aiseya 1:15

Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Hoseya 9:4

Wo wa ke nyɔ, wo ti ke saraka-wo-saraka bɔla tun Mari ye. Nyɔ-sarakɛnu ti a hɛnɛ feu, ado nyɔ-dɔn-fan si ma iko mɔgɛnu bi min dɔnna saya-koe kuma. Wo si ma kɔsɔ. Wo bu-rakɛ-fan le wo la dɔrɔn, ado dɔn-fan wo ti ma sarakɛ la Mari Bato-Bɔn la.

Saraka-Masɔlɛnuta Tɔnnu 10:20

Musa ya Aruna kuman-kan kɛ lamɔɛn nkɛkuna, a yisi-kimara.

Saraka-Masɔlɛnuta Tɔnnu 9:12

Aruna ya saga-yigi wo faga ka a ma ata saraka-mintantɛ la. Ala den-keminɛnu nara a yele la a wara. A ya wo lakɛ saraka-mintan-tinɛ tɔnkɔn nanɛ ma.

Saraka-Masɔlɛnuta Tɔnnu 9:8

Woletɔ Aruna tara ka wo tura-bulan ma a hakɛ-sarakɛ la.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Malakayi 1:13

Wole le gbunyara, wo ko wo ara bandan. Wo ya wo sunyɛnu sigi san ma a kɔrɔ. Wo ye tola nala kankanya-kolo-fan anubɛ kolo-fen-kirɛ anubɛ kolo-fen-namarɛnu na. Alla ko wole miri ko ale si sɔn wo la wo bolo?

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Tɔn-Fɔɛ-Fila-Nyɔgɛ 12:7

wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Tɔn-Fɔɛ-Fila-Nyɔgɛ 26:14

N bi saya-diyi-kɛ la tumɛ min, n ma fenfen bɔ yaka kɛ la ka a dɔn. Wo tumɛ n sɛninyabɛlɛ iko tɔn ya a fɔ nya min, n ma fenfen bɔ ila yaka kɛnu na bɔn la. N ma fenfen bɔ anu na ka anu ma furu-kɔ-fan la. N bara ile Mari kuman-kan bira ka a latɔnbagaya ka a tɛgɛ ila yaka kɛnuna ko ma.

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!

Hiburunu 7:27

Ale sa iko saraka-masɔla-kun-tigi-wɛ doinu. Ka sarakɛ masɔ a nyɛrɛ hakɛla ko la tele-wo-tele, a mako sa wo la. A mako sa tele-wo-tele-sarakɛ la mɔgɛnu hakɛla ko la fanan. A ya saraka kelen pe le bɔ ka dan wo ma. A ya a nyɛrɛ niyi ni sarakayɛ la tumɛ min, a ya wo ma wo le tɔ.

Hiburunu 9:8

Allata Ni-Sɛnimɛ ye a lagbɛla kɛ le fɛ ko fananta fani-bon-kɔrɔmɛ sɔnɛ, Sɛnima-Sɛnima-Tinɛ kilɛ min manɛ iko Arinyɛnɛ ta kilɛ, wo la ma ka wɛ.