Saraka-Masɔlɛnuta Tɔnnu 10:1 - ALLALA KUMƐ

¹ Arunala den-kei filɛ Nedabu anubɛ Abaihu, wonu ya ta-wɔlɔn bi ka a sa anuna ta-kɔ-mirannu tɔ. Anu ya isɛnti-munke bi ka a kɛ ta-wɔlɔn wo kuma miran wonu tɔ. Anu ya wonu bi ka anu di Mari ma kɔnɔ Mari ma sɔn wonu na bawo a ma bɛn, anu ni a ma wo nya na Mari ye.

Saraka-Masɔlɛnuta Tɔnnu 10:1 Iomraidhean Croise

1 Mansɛnu 18:38

Mari ya tɛ layigi ka bɔ san-kole rɔ. A saraka-sogo wo, a sɔgɔ-ladɛnni wo, a kuru wo, a bɔnku wo, anubɛ yi min bi denkɛ rɔ wo, wo bɛɛ mintanta gburr!

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Bɔ-Koe-Iyipiti 24:1

Mari ya a fɔ Musa ye ko, “I ni Aruna bi anubɛ Nedabu anubɛ Abaihu ka wonu sa Isirɛla kun-tigi bi-wɔrɔnfila kuma. I ni yɛlɛ wonu na kɔnkɛ bu la ka nde, Mari bato.

Bɔ-Koe-Iyipiti 24:9

Musa ya Aruna anubɛ ala den-kei filɛ bi, Nedabu anubɛ Abaihu, kɔni, ka wonu sa Isirɛla kun-tigi bi-wɔrɔnfila kuma ka ta anu na kɔnkɛ wo bu tɛma.

Bɔ-Koe-Iyipiti 27:3

Wo ni saraka-mintan-tinɛ wo fɛ-miran bɛɛsi ladan silɛɛ la, a bugura-makɔ-fen wo, a sɔbulu wo, a yele-purupuru-miran wo, a sogo-sɔgɔ-fen wo, anubɛ a ta-kɔ-miran.

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 31:11

Anu ni tulu-sɛnimɛ anubɛ isɛnti ladan Kan-Tina-Sɛnimɛla ko la. Anu ni wo bɛɛsi ladan iko n bara a fɔ ile Musa ye nya min.”

Bɔ-Koe-Iyipiti 37:29

A ya dantɛgɛ-tulu-sɛnimɛ anubɛ isɛnti ladan a kila-bɛrɛbɛrɛ fɛ.

Bɔ-Koe-Iyipiti 38:3

A ya saraka-mintan-tinɛ wo fɛ-miran bɛɛsi ladan silɛɛ la, bugura-makɔ-fannu wo, sɔbulunu wo, yele-purupuru-mirannu wo, sogo-sɔgɔ-lunyɛnu wo, anubɛ ta-kɔ-mirannu.

Bɔ-Koe-Iyipiti 40:27

A ya tɛ tugu isɛnti la iko Mari ya a fɔ a ye nya min.

Bɔ-Koe-Iyipiti 6:23

Amiramta dan Aruna ya Aminadabula dunmusi Ɛlisiba furu. Neson tirisan-musu-bɛrɛbɛrɛ le Ɛlisiba wo la. Musi wo ya Nedabu wo, Abaihu wo, Ɛliyasa wo, anubɛ Itamarayi sɔrɔn Aruna ye.

Bɔ-Koe-Iyipiti 8:27

Ma si tele sawa tagama kɛ ka ta wulɛ rɔ ka sarakɛ bɔ mata Mari Alla ye iko a ya a fɔ ma ye nya min nun.”

Yɛrɛmaya 19:5

Wo ya bɛsi Beyali kɔ-tinɛ ladan nyɔ ka wola dannu ma saraka-mintantɛnu na a ye. Mari ko a ma wo fɔ wo ye, ado a miriya ma ke wo ma.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Yɛrɛmaya 44:15

Nba, nyama ladɛnta n fɛ, mɔgɛ min ya a lɔn ko anuna musinu taranta isɛnti mintanna bɛsɛnu ye nun wo, musi minnu bi nyɔ nun wo, Isirɛla mɔgɛ minnu siginɛ Iyipiti dugu la wo, wonu ya a fɔ n ye ko,

Yɛrɛmaya 44:8

A ko nfenna wo ye a ladiminyala wola bɛsi-ladannɛnu na ka isɛnti mintan anu ye Iyipiti nyamanɛ kɛ rɔ wo siginɛ kan min? Wo ye wo nyɛrɛ le dɔrɔn tinya-tinɛ. Sibolo-gbɛrɛnu ba wo yen tumɛ min, wonu si nyima worɔ ka wo tɔgɛ ma dankali-kɛ-fan la.

Yɛrɛmaya 7:31

Wole Yuda kɛnu bara bɛsi-kɔ-tinɛ min tɔgɛ Tofɛti sɔ Bɛn-Hinɔm lɛɛ rɔ. Wo ye wola den-keinu anubɛ wola dunmusinu mintanna bɛsɛnu ye nyɔ rɔ, ado Mari ko ale ma tɔn wo di wo ma. Ado nfan, a miriya ma tugu wo la lefan!

Saraka-Masɔlɛnuta Tɔnnu 16:1

Arunala den-kemini filɛ nara tɛ dogbɛrɛ la Marita Fani-Bɔn la lun min, Mari ya anu faga wulɔn.

Saraka-Masɔlɛnuta Tɔnnu 16:12

a si ta-wɔlɔn do bi ka bɔ saraka-mintan-tinɛ rɔ. Wo kɔma, a si isɛnti-munke bolo-nya fila bi anubɛ ta-wɔlɔn wo ka ta anu na Sɛnima-Sɛnima-Tinɛ rɔ.

Saraka-Masɔlɛnuta Tɔnnu 22:9

“Saraka-masɔlɛ bɛɛsi ni nna tɔn kɛnu bira iko n ya a fɔ wo ye nya min. Ni min ya nna tɔn kɛnu tinya, wo si yiliki sɔrɔn n bolo ka faga. Nde le wota Mari Alla la min ya wole sɛninya.

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Yilan-Yilan Koe 16:46

Musa ya a fɔ Aruna ye ko, “Ta tiriya ka isɛnti-munke bi anubɛ ta-wɔlɔn do ka bɔ saraka-mintan-tinɛ kuma. I ni wonu sa ila ta-kɔ-miran rɔ bawo Mari fonde ara bɔ ha a ara kiraya-fitinɛ layigi Isirɛla mɔgɛnu kuma. I tiriya ka ta mɔgɛnu bara la alako anu hakɛ yama si togon iko i duruta a mala nya min.”

Yilan-Yilan Koe 26:61

Nedabu anubɛ Abaihu nara tɛ la Marila saraka-bɔ-tinɛ kuma a ma bɛn anu ni na min na. Wo le ya a ma, Mari ya anu faga nyɔ rɔ.

Yilan-Yilan Koe 4:18

“Kohati kebilɛnu ba don kan-tina-sɛnimɛ miran wonu madunɛ rɔ tumɛ min, wo kana a ma, anu ni faga. Ka anu tanka wo ma, Aruna anubɛ ala dannu ni a fɔ anu kelen-kelennamɛ-bɛɛ ye anu si miran-sɛnimɛnu dunɛ bi nya min.

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.