Saraka-Masɔlɛnuta Tɔnnu 1:4 - ALLALA KUMƐ

⁴ A wa a bole sa ninki kunyɛ kuma, a si a hakɛ yamatogon wo fɛ.

Saraka-Masɔlɛnuta Tɔnnu 1:4 Iomraidhean Croise

Bɔ-Koe-Iyipiti 28:38

Wo ni to kirinɛ fulɛ wo ma Aruna telɛ ma woletɔ hali Isirɛla mɔgɛnu ma nta kɔ-fan di n ma a kilɛ fɛ, nde, Alla nyɛrɛ si sɔn kɔ-fan wonu na Arunala ko la.

Bɔ-Koe-Iyipiti 29:10

“I ni ta turɛ wo la Fani-Bɔn tenbi-bolɔn la ka a ma Aruna anubɛ ala den-keinu hakɛ-sarakɛ la. Anu ni anu bole sa turɛ wo kunyɛ ma.

Bɔ-Koe-Iyipiti 29:15

“I ni saga-yigi kelen fanan bi ka wo ma saraka-mintantɛ la nde, Mari ye. Aruna anubɛ ala den-keinu ni anu bole sa a kunyɛ ma.

Bɔ-Koe-Iyipiti 29:19

“I ni saga-yigi fila nyɔgɛ bi ka a ma Aruna anubɛ ala den-keinu dantɛgɛ-sarakɛ la nde, Mari ma. I ni a fɔ Aruna anubɛ ala den-keinu ye ko anu ni anu bole sa saga-yigi wo kunyɛ kuma.

Bɔ-Koe-Iyipiti 29:33

Anu dɔrɔn si wo dɔn. Mɔgɔ-dogbɛrɛ kana anu dɔn fɔ minnu dantɛgɛnɛ nde, Alla ma kamasɔrɔn kɔli-fan wonu sɛninyanɛ le.

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Saraka-Masɔlɛnuta Tɔnnu 16:21

Mɔgɛnu bara wunduyogoya-hakɛ minnu kɛ, anubɛ murutiya-hakɛnu, anubɛ ko-yogo sufa bɛɛ, Aruna si wo bɛɛ latenbi baa wo ma. A si a bolo filɛ sa baa wo kunyɛ kuma. Aruna si a sɔ anu hakɛ la anu bara min ma. Mɔgɔ kelen si bila baa wo fɛ ka a kɛndɛ gben. Baa wo si ta ha wulɛ rɔ.

Saraka-Masɔlɛnuta Tɔnnu 16:24

Wo kɔma, a si a ku nyɔ ka a nyɛrɛta kurɛnu bi. A wa ban a mayɛlɛmana tumɛ min, a si bɔ luyi ma ka saraka-mintantɛ saga-yigi filɛ wonu kan natɛgɛ ka anu mintan gburr! A wa ban kɛnu mintanna, wo si ale anubɛ Isirɛla mɔgɛnuna hakɛ yamatogon.

Saraka-Masɔlɛnuta Tɔnnu 22:21

“Ni a ye yisi-kima-sarakɛ dila Mari ma ka ata lanyiri kanbali, ka, ni a ye a dila a ma a yisi-sewanɛ la, fɔ ni a mara kolo-fan la fɛɛ sa min na, a mara a keimɛ la wo, a mara a musumɛ la wo, Mari ni na to sɔnna a la.

Saraka-Masɔlɛnuta Tɔnnu 3:2

A si ninki wo bi ka na a la Marita Fani-Bɔn tenbi-bolɔn dafɛ. Saraka-bɔlɛ si a bole sa ninki kunyɛ kuma ka a kan natɛgɛ nyɔ. Saraka-Masɔla Aruna kebila-mɔgɛ donu si na ninki wo yele la saraka-bɔ-tinɛ ka a lakɛ saraka-bɔ-tinɛ tɔnkɔn nanɛ ma.

Saraka-Masɔlɛnuta Tɔnnu 4:15

Kun-tiginu si anu bole sa a kunyɛ kuma ka a faga nyɔ.

Saraka-Masɔlɛnuta Tɔnnu 4:20

A si turɛ kɛ fanan ma iko komi a ya a nyɛrɛta hakɛ-sarakɛ ma nya min. A si sarakɛ bɔ mɔgɛnuna ko la alako wo ni mɔgɛnu hakɛ yamatogon ka makotolɛ sɔrɔn.

Saraka-Masɔlɛnuta Tɔnnu 4:24

A ni a faga saraka-mintan-tinɛ bolo-maran wara la, anu si sogo-saraka-mintantɛnu faga kan min. Wo sarakɛ le kɛ la min si anu hakɛnu bɔ anu ma.

Saraka-Masɔlɛnuta Tɔnnu 4:26

A si a kɛɛn bi ka a mintan saraka-mintan-tinɛ kuma iko komi a ya a ma yisi-kima-sarakɛ la nya min. Kun-tiginuta hakɛ-sarakɛ bɔ nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ. (4) Isirɛla Mɔgɔ-Toe Do Saraka-Bɔ-Nya

Saraka-Masɔlɛnuta Tɔnnu 4:29

A si a bole sa a kunyɛ kuma ka a faga saraka-mintan-tinɛ bolo-maran wara la anu si saraka-mintantɛnu faga kan min.

Saraka-Masɔlɛnuta Tɔnnu 4:31

A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenu saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 4:33

A si a bole sa a kunyɛ kuma ka a faga saraka-mintan-tinɛ bolo-maran wara la, anu si saraka-mintantɛnu faga kan min.

Saraka-Masɔlɛnuta Tɔnnu 4:35

A si a kɛɛn mumɛ bɛɛ bi iko anu ya yisi-kima-sarakɛ bɔ nya min. A si a mintan saraka-mintan-tinɛ kuma gburr! Wo le si a ma, a sumɛ si diya Mari ye. Isirɛla mɔgɛ toenuna saraka-bɔ-nya le kɛ la saraka-masɔlɛ bolo. Sarakɛ kɛ si a hakɛ yamatogon. Mari si a makoto worɔ.

Saraka-Masɔlɛnuta Tɔnnu 4:4

A si na a la Marita Fani-Bɔn tenbi-bolɔn dafɛ ka a bole sa turɛ wo kunyɛ kuma ka a kan natɛgɛ nyɔ.

Saraka-Masɔlɛnuta Tɔnnu 6:7

Saraka-masɔlɛ si kolo-fan wo bi ka a di Mari ma saraka-bɔlɛ hakɛla ko la. Sarakɛ kɛ si a hakɛ yamatogon. Mari si a makoto worɔ.” (1) Saraka-Mintantɛnu

Saraka-Masɔlɛnuta Tɔnnu 8:14

Musa nara tura-bulan wo la anu hakɛ-sarakɛla ko la. Aruna anubɛ ala den-keminɛnu ya anu bole sa a kunyɛ ma.

Saraka-Masɔlɛnuta Tɔnnu 8:18

Musa banta wo mala tumɛ min, a nara a saga-yigi fɔlɔtɛ la ka a ma saraka-mintantɛ la. Aruna anubɛ ala den-keminɛnu ya anu bole sa wo kunyɛ kuma.

Saraka-Masɔlɛnuta Tɔnnu 8:22

Wo kɔma fanan, Musa nara a saga-yigi fila nyɔgɛ la ka Aruna anubɛ ala den-keminɛnu dantɛgɛ Mari ma. Aruna anubɛ ala den-keminɛnu ya anu bole sa sagɛ kɛ fanan kunyɛ kuma tun.

Saraka-Masɔlɛnuta Tɔnnu 9:7

A ya a fɔ Aruna ye tun ko, “Ta hakɛ-sarakɛ anubɛ saraka-mintantɛ bɔ saraka-mintan-tinɛ kuma. Wonu si ile anubɛ Isirɛla mɔgɛnu hakɛ yamatogon worɔ iko Mari ya a fɔ nya min nun.”

Yilan-Yilan Koe 15:25

Saraka-masɔlɛ si a ma, mɔgɛ bɛɛsila hakɛ yama ni togon iko anuta namu ye nya min. Ni anu ya sarakɛ wo bɔ, wo kɔma, nde, Mari si anu makoto bawo anu nyinara le.

Yilan-Yilan Koe 8:10

Isirɛla mɔgɛnu ba na tumɛ min, anu damasi ni anu bole sa Lifayi bɔnsɔn kebila-mɔgɛnu kuma ka anu di nde, Mari ma anuna den-kei fɔlɔtɛnu gbɛ rɔ. Wo kɔma, Aruna ni Lifayi mɔgɛnu dantɛgɛ nde, Mari ma nta wɔlɛla ko la.

Yilan-Yilan Koe 8:12

Lifayi bɔnsɔn-mɔgɔ kelen-kelan ni anu bole sa tura-bulun fila filɛ kunyɛnu kuma. Tura-bulun kelen-kelan si ma hakɛ-sarakɛ la ka a to kelen-kelan fanan ma saraka-mintantɛ la. Anu ya wo ma anu hakɛ-yamatogon-fan la.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 3:25

Alla ya ale Yisa ma hakɛ-sarakɛ la alako a ni mɔgɛnuna hakɛ makoto ata sayɛ fɛ. Min ba dɛnkɛninya wo ma, wo tigi la si telen Alla yala worɔ. Fɔlɔ-nun, Alla ya a mun mɔgɛnuna hakɛ kɔrɔ

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

1 Yɔni 2:2

ado Kirasiti nyɛrɛ mara sarakɛ la min ya ma hakɛnu makoto. Male dɔrɔnta hakɛ ma, fɔ mɔgɛ bɛɛtɛ.