Saraka-Masɔlɛnuta Tɔnnu 1:3 - ALLALA KUMƐ

³ “Ni a ye ninki mala saraka-mintantɛ la Mari ye, fɔ ni a mara turɛ la fɛɛ sa min na. A si na wo kiri Marita Fani-Bɔn tenbi-bolɔn dafɛ, woletɔ Mari si sɔn sarakɛ wo la.

Saraka-Masɔlɛnuta Tɔnnu 1:3 Iomraidhean Croise

Ko-Dabirɛnu 22:13

Iburayima ya a yɛ lata gbɔfɔ-nɛ kɔrɔ ka saga-yigi yen a kere gbarannɛ nyansankalan rɔ. Iburayima tara ka saga-yigi wo bi ka a ma saraka-mintantɛ la ala dan wo gbɛ rɔ.

Ko-Dabirɛnu 22:2

Alla ya a fɔ a ye ko, “Ila den kelen pe Isiyaka min diyanɛ i ye, wo bi kaka. I ni ta Muraya nyamanɛ rɔ. I ni a ma saraka-mintantɛ la kɔnkɛ kuma n bi nala min yirala i la.”

Ko-Dabirɛnu 22:8

Iburayima ya a yabi ko, “Nba, nna den, Alla si ma makoe nyinya ka sagɛ labɔ min si ma ala saraka-mintantɛ la.” Anu mɔgɔ filɛ bɛɛ tora tala anu nyɔgɔn fɛ.

Ko-Dabirɛnu 8:20

Nowa ya saraka-mintan-tinɛ sɔ Mari ye. A ya sogo-sɛnimɛ anubɛ kona-sɛnimɛ donu bi ka wonu mintan gburr, ka wonu ma sarakɛ la Mari ye nyɔ.

2 Ko-Kɔrɔta-Karan 29:32

Anu nara tura bi-wɔrɔnfila (70) la anubɛ saga-yigi kɛmɛ (100) anubɛ saga-den kɛmɛ fila (200) la ka wonu ma saraka-mintantɛnu na Mari ye.

2 Ko-Kɔrɔta-Karan 35:12

Wo kɔma, anu ya saraka-mintantɛnu kɛndɛ tatala mɔgɛnu na iko anuna kebilɛ ye nya min alako anu ni sarakɛ wonu bɔ iko a sɛbɛnɛ Musata tɔn-buku rɔ nya min.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 40:8

Nta Alla, a di n ye, n ni i diyana-koe kɛ ka ila karan mara n yisi rɔ.”

Bɔ-Koe-Iyipiti 12:5

Anu ni san kelen kolo-fannu yabɔ fɛɛ sa minnu na, a saga wo, a baa wo.

Bɔ-Koe-Iyipiti 24:5

A ya keminɛ donu yabɔ Isirɛla mɔgɛnu tɔ alako wonu ni saraka-mintantɛnu mintan Mari ye anubɛ yisi-kima-sarakɛnu, tura-bulannu, kɔni.

Bɔ-Koe-Iyipiti 29:18

I ni wo bɛɛsi mintan saraka-mintan-tinɛ kuma gburr! Wo mintan-sumɛ si a diya don n tɔ.

Bɔ-Koe-Iyipiti 29:4

I ni ta Aruna anubɛ ala den-keinu na Fani-Bɔn tenbi-bolɔn la ka anu ku yi la nyɔ.

Bɔ-Koe-Iyipiti 29:42

“Wo ni to saraka-mintantɛ kɛnu bɔla nde, Marita kata burɔ tenbi-bolɔn dafɛ n si kuma wo ye kan min tuma-wo-tuma ka a bi wole ma ha ka a sigi wo kegeyɛnu na.

Bɔ-Koe-Iyipiti 32:6

Bandɛ kanɛ, anu suruta nala saraka-mintantɛnu anubɛ yisi-kima-sarakɛnu na. Anu ya anu de-nyini ka anu min. Wo kɔma, musi wo, kei wo, anu ya bolola-tolɔn dabira.

Bɔ-Koe-Iyipiti 35:21

ka ta anuna kɔ-fannu bi tinɛ, Mari kɔ-sɔgɛ ya minnu bira, kɔni. Anu nara wonu na Marita Fani-Bɔn-wɔlɛla ko la anubɛ saraka-masɔlɛnuna makiri-fannu.

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Bɔ-Koe-Iyipiti 35:5

“Wo ni na wola kɔ-fannu na Mari ye. Wo wa minnu di wo yisi-sewanɛ la, wo ni wonu don nde bolo. Wo ye nala kɔ-fan minnu na, wo le kɛnu na, sɛnɛ wo, wodi-gbɛ wo, anubɛ silɛɛ.

Bɔ-Koe-Iyipiti 36:3

Isirɛla mɔgɛnu nara Fani-Bon-miran minnu na, Musa ya wonu don boloma-wɔli-kɛlɛ wonu bolo. Hali wo, Isirɛla mɔgɛnu tora tala anuna kɔ-fannu na Musa wara sɔgɔma-wo-sɔgɔma.

Bɔ-Koe-Iyipiti 38:1

A ya saraka-mintan-tinɛ ladan akasiya kɔlɔma la. A ya a sɔɛ ma nunkan-nya sawa la. A ya a yanyɛ ma nunkan-nya loli la ka a kɔnɛ ma nunkan-nya loli la. A ya a tɔnkɔn nanɛ bɛɛsi rakɛnya bɛrɛtɛ!

Aiseya 1:11

A ko wo ye saraka-siyamɛ minnu dila a ma kɛ, wo miri ye a ma ko a ye nyinina wonu ma le, wa? Wo ye saga-sarakɛ minnu bɔla wo, wo ye kolo-fen-hakikɛ minnu kɛɛn bɔla sarakayɛ la wo, wonu sɔgɛ la ara bɔ a la lass! A ko a ara bandan wola kolo-fen-yelenu kɔrɔ, a tura wo, a saga wo, anubɛ a baa.

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 40:39

Tebulu nani de bon-nɛ wo la. A tɔnkɔn kɛ fila, a tɔnkɔn kɛ fila. Anu si kolo-fen-sarakɛnu faga tebulu kɛnu denu kuma. A mara a saraka-mintanta la wo, a mara a hakɛ-saraka la wo, a mara a yiliki-saraka la wo, anu si wonu faga tebulu wonu denu kuma nyɔ.

Saraka-Masɔlɛnuta Tɔnnu 1:10

“Ni mɔgɛ ye sarakɛ bɔla ata saga-wɔrɛ rɔ, ni wo ma, ata baa wɔrɛ rɔ ka a ma saraka-mintantɛ la, fɔ a ni ma a keimɛ la fɛɛ sa min na.

Saraka-Masɔlɛnuta Tɔnnu 14:10

“A tele segin nyɔgɛ ma, a si na saga-yigi-den fila la anubɛ san-kelen-saga-yɛrɛ kelen na a bolo, fɛɛ sa minnu na. A si na dɛgɛ pani-kunbɛ-nya sawa la min tamaganɛ tuli la. A si na wonubɛ tuli kilasi-bu-tɛmɛ la. Kɛnu si ma a yiliki-sarakɛ la.

Saraka-Masɔlɛnuta Tɔnnu 16:7

A si baa-kɔron filɛ wonu bi ka ta anu na Marita Fani-Bɔn don-dɛ la.

Saraka-Masɔlɛnuta Tɔnnu 17:8

Ni mɔgɛ ye kolo-fan mala saraka-wo-saraka la Mari ye, fɔ a ni na a la Marita Fani-Bɔn tenbi-bolɔn dafɛ, a mara Isirɛla mɔgɛ la wo, a mara sundan la wo. Kɔnɔ ni min ma sɔn wo mala, wo kana a miri tun ko Allata mɔgɛ le ale la.

Saraka-Masɔlɛnuta Tɔnnu 23:12

Mari ko saraka-masɔlɛ tenbi dɔn-fen kun-fɔlɛ kiri fɔlɔtɛ dantɛgɛla Mari ma tele min nyɛrɛ rɔ, ma si na kolo-fen-saraka-mintantɛ la Mari ye, san-kelen-saga-dan fɛɛ sa min na,

Saraka-Masɔlɛnuta Tɔnnu 23:18

Wo kɔma, Isirɛla mɔgɛ bɛɛsi ni na san-kelen-saga-den wɔrɔnfila la anubɛ tura kelen anubɛ saga-yigi, fɛɛ sa minnu na ka kɛnu sa biredi-lɔngbɔn filɛ kɛnu kuma. Kolo-fan kɛnu si ma saraka-mintantɛ la Mari ye anubɛ wo nyɔgɔn dɛgɛ-munke anubɛ wo fanan nyɔgɔn nɔnbɔ-gbɔ-yi. Sarakɛ kɛnu mintan-sumɛ si a diya don Mari rɔ.

Saraka-Masɔlɛnuta Tɔnnu 3:1

“Min tenbi nala ninki la ka a ma yisi-kima-sarakɛ la Mari ye, a mara a keima la wo, a mara a musuma la wo, fɛɛ kana taran a la.

Saraka-Masɔlɛnuta Tɔnnu 4:15

Kun-tiginu si anu bole sa a kunyɛ kuma ka a faga nyɔ.

Saraka-Masɔlɛnuta Tɔnnu 4:23

Ni a ya a lɔn tun ko a ya hakɛ kɛ, a ni na baa-kɔrɔn la a bolo.

Saraka-Masɔlɛnuta Tɔnnu 4:3

“Ni Saraka-Masɔla-Kun-Tigi ya hakɛ kɛ, Isirɛla mɔgɛ bɛɛ si wo yilikiyi sɔrɔn a fɛ. A si na tura-bulun kelen na, fɛɛ sa min na ka wo ma sarakɛ la Mari ye ata hakɛla ko la.

Saraka-Masɔlɛnuta Tɔnnu 4:32

“Ni a nara saga-sarakɛ le la a bolo, a ni ma saga-yɛrɛ la, fɛɛ sa min na.

Saraka-Masɔlɛnuta Tɔnnu 5:15

“Ni mɔgɔ-wo-mɔgɔ ya hakɛ kɛ bawo a bɛnta ka min di Mari ma, a ni nyina wo ko, fɔ a ni yiliki-sarakɛ bɔ a hakɛ wola ko la. A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi-gbɛ ye nya min.

Saraka-Masɔlɛnuta Tɔnnu 5:18

A si na saga-yigi la a bolo, fɛɛ sa min na ka wo ma a yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi ye nya min. Saraka-masɔlɛ si kolo-fan wo bi ka a di Mari ma saraka-bɔlɛ hakɛla ko la. Sarakɛ kɛ si a hakɛ yamatogon. Mari si a makoto worɔ.”

Saraka-Masɔlɛnuta Tɔnnu 6:2

“Ni mɔgɛ do ya tulumɛ sigi a ta-nyɔgɛ do ma, ni a nara tulumɛ wo kunka tinɛ kɔnɔ wo ma sɔn ka fan wo don a bolo, hakɛ le wo la. Ni mɔgɛ do ya a ta-nyɔgɛ kankan, ni wo ma, ni a ya a kensunya, a ara hakɛ kɛ.

Saraka-Masɔlɛnuta Tɔnnu 6:8

Musa ya Mari kuman-kan kɛ latenbi

Saraka-Masɔlɛnuta Tɔnnu 7:16

“Ni kei do nara yisi-kima-sarakɛ la Mari ye bawo a sewanɛ, ka, ni a ye nala a la bawo a ara a dakan bɔ, ni saraka-masɔlɛ ya sarakɛ wo faga, anu si a soge dɔn. Ni anu ma ke a banna tele wo rɔ, anu si a toe lamara ha wo banda-ke sɔgɔma.

Saraka-Masɔlɛnuta Tɔnnu 8:18

Musa banta wo mala tumɛ min, a nara a saga-yigi fɔlɔtɛ la ka a ma saraka-mintantɛ la. Aruna anubɛ ala den-keminɛnu ya anu bole sa wo kunyɛ kuma.

Saraka-Masɔlɛnuta Tɔnnu 9:2

Musa ya a fɔ Aruna ye ko, “Na tura-bulun kelen na i bolo, fɛɛ sa min na ka a ma hakɛ-sarakɛ la anubɛ saga-yigi, fɛɛ sa min na ka a ma saraka-mintantɛ la.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Yilan-Yilan Koe 15:3

Musa ya Marila kumɛ latenbi ko, “Ni wo ye a fɛ ka saraka-mintantɛ di Mari ma alako a sumɛ ni diya a ye, ni a mara lanyiri-sarakɛ la wo, ni a mara hɛniki-sarakɛ la wo, ni a mara sewa-sarakɛ la wo, fɔ wo sarakɛnu ni bɔ wola kolo-fannu tɔ.

Yilan-Yilan Koe 15:8

“Min tenbi nala tura-bulan la a bolo, a mara saraka-mintanta la wo, a mara yisi-kima-saraka la wo, a mara lanyiri-saraka la wo, wo tigi ni na dɛgɛ-munke pani-kunbɛ-nya sawa la min tamaganɛ ɔlifi-tuli kilasi segin na a bolo ka a sa tura-sarakɛ kɛ kuma.

Yilan-Yilan Koe 19:2

“Ni mɔgɔ sɛninyani ma iko tɔn ya a fɔ nya min, yi min si mɔgɛ wo sɛninya, wo rabasan-bole le kɛ la alako mɔgɛ wo si sɛninya nya min. Isirɛla mɔgɛnu si na yɛrɛ-wulen kelen na, fɛɛ sa min na, min ma saradaba-wɔlɛ kɛ wɛ.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Yilan-Yilan Koe 23:27

Balaki ya a fɔ a ye tun ko, “Bila n fɛ. Ma ni ta kan-tina-gbɛrɛ. Tumado Mari si a ma, i ni mɔgɛ kɛnu danka n ye nyɔ.”

Yilan-Yilan Koe 23:3

Wo kɔma, Belam ya a fɔ Mansa Balaki ye ko, “I sɔ ila sarakɛ kɛnu dafɛ ka n makɔnɔ anu tɔgɔfɛ. N ni ta n dan na. Tumado Mari si kuma n na. N ni a lɔn a ye nala min fɔla n ye. A ya fenfen fɔ n ye, n si a ma, i ni wo lɔn.” Ale kelen pe yɛlɛta a ma a dan na.

Yilan-Yilan Koe 23:30

Mansa Balaki ya a ma iko a ya a fɔ a ye nya min ka tura kelen anubɛ saga-kɔndɔn kelen mintan saraka-mintan-tina-kelen-kelan bɛɛ kuma.

Yilan-Yilan Koe 28:11

“Karɛ-wo-karɛ a tele fɔlɔtɛ ma, wo si na tura-bulun fila la anubɛ saga-kɔndɔn kelen na anubɛ san-kelen-saga-yigi wɔrɔnfila la wo bolo ka wonu ma saraka-mintantɛ la Mari ye.

Yilan-Yilan Koe 28:19

Wo ni tura-bulun fila bi anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na ka wonu ma saraka-mintantɛ la Mari ye.

Yilan-Yilan Koe 28:31

Wo kɔma, wo si sarakɛ wonu nyɔgɔn nɔnbɔ-gbɔ-yi bɔ ka a sa tele-wo-tele-sarakɛ wonu kuma.

Yilan-Yilan Koe 29:13

Wo si sarakɛ mintan Mari ye lɔgɔkunyɛ wo tele karɛ fɔlɔtɛ ma. A sumɛ si diya a ye. Wo si tura-bulun tan-ni-sawa bɔ anubɛ saga-kɔndɔn fila anubɛ san-kelen-saga-yigi tan-ni-nani, fɛɛ sa minnu na.

Yilan-Yilan Koe 29:2

Wo ni tura-bulun kelen bi anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na. Wo ni wonu ma saraka-mintantɛ la Mari ye. Wo sumɛ si diya Mari ye bɛrɛkɛ!

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Yɔni 1:36

Yɔni ya Yisa yen tenbila. A ko, “Allala Saga-Dan le kɛ la!”

Yɔni 10:7

Wo le ya a ma, Yisa ya a fɔ anu ye tun ko, “N bi tonyɛ fɔla wo ye, saga-kulɛla don-dɛ le nde la.

Yɔni 10:9

Nde le anu don-dɛ la. Min ba don nde fɛ, wo si kisi. A si ta-ni-sɛgi kɛ a de-nyini tinɛ.

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.

Ɛfɛsa 2:18

I mara Isirɛla mɔgɛ la wo, i mara sibolo-gbɛrɛ la wo, Kirasiti le si a ma, ma ni sɔ ma Fa Alla yakɔrɔ ata Ni-Sɛnimɛ baraka rɔ.

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Tɔn-Fɔɛ-Fila-Nyɔgɛ 12:27

Wo ye sarakɛ minnu mintanna gburr ka ban, wo si ta wonu na nyɔ. Wo si sarakɛ minnu dɔn, wo si ta wonu fanan na nyɔ ka wonu yele labɔn saraka-mintan-tinɛ kɔrɔ.

Tɔn-Fɔɛ-Fila-Nyɔgɛ 15:21

Ni fɛɛ ye kolo-fan kɛ do kian la wo, ni a yɛ tinyanɛ wo, ni fɛɛ-gbɛrɛkɛ ye a la wo, wo kana wo ma sarakɛ la wota Mari Alla ye.

Tɔn-Fɔɛ-Fila-Nyɔgɛ 17:1

Fɛɛ ye kolo-fan minnu na, wo kana wonu ma sarakɛ la wota Mari Alla ye. Mari gboyana-koe le wonu na. Wonu ma di a ye muk!

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.