Keninteya-Siginu 7:9 - ALLALA KUMƐ

⁹ I dɛ-burɛ tuninyanɛ iko baan-kura-yi. Nba, ni tonyɛ le wo la, alamɛ baan-kura-yi wo kerita n diyana-mɔgɛ kun na iko yi. A ni tenbi a da-gbolo filɛ tɛma ka ke a nyinnu ma.

Keninteya-Siginu 7:9 Iomraidhean Croise

Hɛnkilimaya-Kumɛnu 16:24

Kuma-nyimɛ mani de mɔgɔ da rɔ iko liyi. A si a ma, mɔgɛ ni sewa, ado a si mɔgɔ fɛrɛ-bɔnkɛ dɛnbɛ.

Hɛnkilimaya-Kumɛnu 23:31

Hali gbɛɛ wo ye a labɔla wose-wose ka kanfa, ado a min-koe ma gbɛlɛ, a kana i yɛ sɔgɔ a la ha a sɔgɛ ni i bira.

Keninteya-Siginu 2:14

I manɛ iko wondere minnu dogonnɛ fara-woenu tɔ kɔnkɛ kuma. N ni i yakɔrɔ-nyimɛ yen. N ni ila kuma-tuninyanɛnu namɔɛn.

Keninteya-Siginu 5:16

A da-gbole-masusun di. A wara-koe ara sɔ n yɛ la. Wole Yerusalɛm musinu, nna kei ye ka le.

Keninteya-Siginu 5:2

Hali n bi kinɔgɛ le tɔ, a mani de iko n bi n ya la le. N si kiyo sa ko nna kei ye dɛ matugula n ma. A ye a fɔla ko, “N takeri-gbasu, dɛ laka. Nna purulen-mɛsɛ, n ni don. Surɔ-duri ara n kunyɛ kimɛ.”

Romu 13:11

Ma ya a lɔn ma ye wati min tɔ kaka. Sɛbɛ-don-tumɛ ara ke. Ma ni kunden wona. Mala kisi-wati Alla bolo ara gbɛrɛn ka tenbi ma dɛnkɛninyara Yisa ma wati min.

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Kɔlɔsi 4:6

Wola kumɛ ni mɔgɔ hɛnɛ ka diya tumɛ bɛɛ. Wo ni mɔgɛ bɛɛ yabi a kilɛ fɛ.

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”