Keninteya-Siginu 7:4 - ALLALA KUMƐ

⁴ I kan manɛ iko san-bon-nayan-bɛ min tabɛnnɛ sogo-ba-nyin la. I ya-dan kin iko yi min madɛnnɛ a rɔ Bata-rabim don-dɛ dafɛ min bi Hɛsibɔn soe burɔ. I sun-kalɛ bɔnɛ buran, iko Lɛbanan kɔnkɛ min bi Damasika soe telen tɔ.

Keninteya-Siginu 7:4 Iomraidhean Croise

Ko-Dabirɛnu 15:2

Kɔnɔ Burama ko, “E, n tigi Mari Alla, i ye n barayila nfenna ko la? Den sa n bolo. N kɛɛ-bila sa, fɔ nna wɔli-kɛlɛ Ɛliyesa Damasika kɛ, wo le ye n kɛɛ bila.”

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Mansɛnu 10:18

Wo kɔma, a ya sogo-ba-nyin ladan mansaya-waganɛ la ka sɛnɛ-hakikɛ sa wo dama ma.

1 Mansɛnu 10:22

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta san fila, a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

1 Mansɛnu 22:39

Ala den Ehasaya sigira a gbɛ rɔ. Mansa Ehabu ya koe min bɛɛsi ma ala mansaya-wati rɔ, anu ya wonu sɛbɛ Isirɛla mansɛnuna buku do rɔ. Hali a ya ala bolɔn rabɛn sogo-ba-nyinnu na nya min anubɛ a ya soenu sɔ nya min, anu ya wo fanan sɛbɛ buku wo rɔ.

1 Mansɛnu 7:2

A ya bɔn fɔlɔtɛ min sɔ a nyɛrɛ ye, anu ya a tɔgɔ sa “Lɛbanan Gbɔngbɔn,” bawo a ya wo ladan kɔlɔmanu na minnu bɔra Lɛbanan nyamanɛ rɔ. Bɔn wo lɔngbɔn, nunkan-nya kɛmɛ, a kɔnɛ, nunkan-nya bi-loli, a sɔɛ, nunkan-nya bi-sawa. Sɛnbɛrɛn-kɔnnu sɔnɛ ye tala gbaranda nani-nani ma. Kundulasɛnu sanɛ sɛnbɛrɛn-kɔn wonu kuma tala. Anu ya fɛrɛn-hakikɛnu sa kundulasɛ wo bɛɛ kuma. A tɔnkɔn kelan, sɛnbɛrɛn-kɔn tan-ni-loli sɔnɛ fɛran wonu kuma. A tɔnkɔn doi, sɛnbɛrɛn-kɔn tan-ni-loli sɔnɛ fɛran wonu kuma. Sɛnbɛrɛn-kɔn tan-ni-loli sɔnɛ a tɛma fanan. Wo bɛɛ lakofunɛ sɛnbɛrɛn-kɔn bi-nani ani sɛnbɛrɛn-kɔn loli.

1 Mansɛnu 9:19

Wo kɔma, a ya anu fɔrɔsɛ ka soe wonu sɔ, a si a bolo-fannu namara kan min anubɛ a si ala kirindinu anubɛ ala soeenu namara kan min. A wa wuli a halala-wɔli-wo-wɔli mala Yerusalɛm soe burɔ, a si mɔgɛnu fɔrɔsɛ ka wo ma. A si ala mɔgɛnu nawɔli ala nyamanɛ wo bɛɛ rɔ. Hali Lɛbanan nyamanɛ rɔ, a ya ala mɔgɛnu nawɔli nyɔ.

2 Ko-Kɔrɔta-Karan 8:6

Beyalati soe wo, ale mansɛ bolo-fannu namaranɛ soe minnu tɔ wo, ala kirindinu anubɛ ala soeenu namaranɛ soe minnu tɔ wo, a ya wonu sɔ-kurɛ-kɛ tun. Bɔn sɔ-koe-miriya min bɛɛ ye Mansa Silamɛni la nun, a ya wo bɛɛ ma Yerusalɛm soe burɔ anubɛ Lɛbanan nyamanɛ rɔ anubɛ a ya mansayɛ kɛ sigisɔn min bɛɛ kuma.

Yaburi 144:12

Mala dannu tenbi fonikeyɛ rɔ, i ni a ma, anu ta ni gbɛlɛya iko kɔlɔma. Mala dunmusinu ni kinya iko sɛnbɛrɛn-kɔn minnu bi mansɛla bolɔn rabirala.

Yaburi 45:8

Tulu-suma-diyamɛ ye ila kura-sumɛ diyala. Ila fɔli-kɛlɛnu bi i bira boloko-nyimɛ-kɛla ila bolɔn la min tabɛnnɛ sogo-ba-nyin-malɛsɛnɛnu na.

Keninteya-Siginu 1:10

Ila tolola-fannu bara a ma, i yakɔrɛ ara kinya. Ila kan-na-fan ara a ma, i mafɛlɛn bara diya.

Keninteya-Siginu 4:1

N diyana-musi, i kin dɔgɔma-ma-de! I yɛ kɛlɛlɛ i yakɔrɔ-masansan-kurɛ kɔma. I kun-sigi mɔlɔlɛ iko baa minnu yigimatoe ye bɔla Kaliyadi kɔnkɛnu tɔ.

Keninteya-Siginu 4:4

I kan kin, ado a makirinɛ kan-na-fan la iko Mansa Dawudata nyamanɛ kumafɛlɛn-bɛndɛ-layan-bɛ makirinɛ kɛlɛ-kurugbaya nɛgɛ-lufɛ waga kelen min na.

Keninteya-Siginu 4:5

I kinyɛ monɛ iko minan-den fɛrɛn filɛ tenbi a de-nyinina baga-ferenu tɔ.

Keninteya-Siginu 6:5

I yɛ bɔ n na bawo i miran ara n bira. I kun-sigi mɔlɔlɛ iko baa minnu yigimatoe ye bɔla Kaliyadi kɔnkɛnu tɔ.

Aiseya 54:4

Mari ko i kana kilan bawo i ti miliyɛ sɔrɔn tun. Yarabi-wo-yarabi ti taran i ma tun. Miliyɛ min bi i kuma nun wo tumɛ i pose, i si nyina wo la feu! I ye kelengbɛyɛ min tɔ nun iko kɛɛ-nyaganɛ, i si nyina wo ko salon!

Hiburunu 5:14

Kɔnɔ kinanu si dɔn-fen-bɛrɛ dɔn. Minnu bara koloya, wonu bara ko-nyimɛ anubɛ ko-yogomɛ dan-nafarɛ makaran.