Keninteya-Siginu 4:9 - ALLALA KUMƐ

⁹ N kɔntɔ-nyaganɛ, i ye i yɛ makerila n mafɛlɛn tinɛ nya min hali n ba ila kan-na-fen kelan yen i kan la n yisi si murumuru n burɔ ila ko la.

Keninteya-Siginu 4:9 Iomraidhean Croise

Ko-Dabirɛnu 20:12

Min sanɛ wo kuma, n tirisan-bɛrɛbɛrɛ le ale la. Fa kelen de ma la kɔnɔ na kelen ma ma la woletɔ n ya a furu.

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Yaburi 45:9

Musi minnu bi wɔlila i ye, mansa-dan le wonu na. Ile mansɛla bara-musi makirinɛ sɛnɛ-bɛrɛ le la. A sɔnɛ ila mansaya-waganɛ bolo-nyimɛ rɔ.

Hɛnkilimaya-Kumɛnu 1:9

Ni i ya wo ma, anuna karan si ila kɛ-nya-nyimɛ yira duninya la iko kun-yili anubɛ kan-na-fan si musi lakinya nya min.

Hɛnkilimaya-Kumɛnu 6:25

Hali yɛlannu kinyara ka a dan-natenbi, anuna kinyɛ kana i bole labira. Anu bi anu yɛ min tɛgɛla a kɔrɔ, wonu kana i bole labira.

Keninteya-Siginu 1:10

Ila tolola-fannu bara a ma, i yakɔrɛ ara kinya. Ila kan-na-fan ara a ma, i mafɛlɛn bara diya.

Keninteya-Siginu 1:15

E, n kɔntɔ-musi, i kin. I kin dɔgɔma-ma-de! I yɛ kɛlɛlɛ iko kura-kangbɔɛtɛ.

Keninteya-Siginu 3:11

Wole Yerusalɛm sunkurɔnnu, wo na Mansa Silamɛni yen. A na le ya mansaya-fulɛ don a salɛ la. A ya mansaya-fulɛ kɛ di a ma ala kɔnyɔ-masɔ-ladiyɛla ko la, a nyagalen-tele rɔ, kɔni.

Keninteya-Siginu 4:10

N takeri-gbasu, i di n ye. Ila keninteyɛ di n ye baan-diyamɛ ko. Ila tulu-suma-diyamɛ tenbinɛ tuli bɛɛ la.

Keninteya-Siginu 4:12

I manɛ iko sansan mininɛ nakɔɛ min ma nna ko la, ado n halala-tenke le ile la nyɔ.

Keninteya-Siginu 6:12

Yanni n ni hɛnkili sɔrɔn n nyɛrɛ wara-koe ma, a diyɛ ye donna n tɔ iko n siginɛ nna kirindi le tɔ.

Keninteya-Siginu 6:5

I yɛ bɔ n na bawo i miran ara n bira. I kun-sigi mɔlɔlɛ iko baa minnu yigimatoe ye bɔla Kaliyadi kɔnkɛnu tɔ.

Keninteya-Siginu 7:10

Nde ladaganɛ n keninte dɔrɔn de ye. A yili sa mɔgɔ-wo-mɔgɔ ma fɔ nde.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Isikiyɛli 16:11

N ya i makiri bolo-kalama-dɛɛnnu anubɛ kan-na-fannu na ka bɔ kuru-da-gbɛlɛnu tɔ.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

1 Kɔrɛnti 9:5

Ni a diyara n ye, nde fanan si dɛnkɛninya-musi do furu ka ta wo la n bolo nna tagama kɛnu tɔ iko kilayɛ donu bi a mala nya min, ado Pita anubɛ Mari na-kelen-nyɔgɛnu bi wo le mala. Yoe ye male fanan bolo ka wo ma.

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

Lankɛnimayɛ 21:2

Nba, n ya Yerusalɛm-So-Sɛnima-kurɛ yen yigila ka bɔ Arinyɛni tɔ Alla bolo. Soe wo makirinɛ, ado a rabɛnnɛ iko kɔɛn-kurɛ rabɛnnɛ nya min ala keila ko la.