Keninteya-Siginu 3:3 - ALLALA KUMƐ

³ N ya so-makandannɛ taran ka a manyinika n diyana-mɔgɛla ko la.

Keninteya-Siginu 3:3 Iomraidhean Croise

Keninteya-Siginu 1:7

N keninte, ni wobɛ ila sagɛnu bi tala kan min bara la bi, wo fɔ n ye. Tele wa kunaya, ila sagɛnu bi anu sala ninɛ la mintɔ wara la? I ta-tina-gbengban yira n na alako n kana to tenbi-tenbila saga-kandannɛ doinu tɛma iko yɛlɛn.

Keninteya-Siginu 5:7

Nna kiyo kelan kɛ rɔ, so-makandannɛnu ya n taran. Anu ya n tagbesi ka n magboro-gboro. Tara-makandannɛnu ya nna kurɛ rafara n ma.

Aiseya 56:10

Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Isikiyɛli 3:17

“Ile hadama-dan, n bi i sigila Isirɛla mɔgɛnu kuma ka anu fɛ-bira. N ba min fɔ i ye, i ye anu makawandila wo le la.

Yɔni 20:15

Yisa ya a manyinika ko, “N na, i ye dila nfenna? I ye yon nyini tinɛ?” A ya Yisa lɔn ki-fen fɛ-biralɛ la nun, woletɔ a ya a fɔ a ye ko, “N fa, ni ile le ya a labɔ yan, i tara a la kan min, wo fɔ n ye. N ni ta a labɔ nyɔ.”

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.