Keninteya-Siginu 2:3 - ALLALA KUMƐ

³ Ile mani de kemini-mɛsɛnu tɛma n yala iko kura-kɔn min bi gbɔngbɔn rɔ. I ninɛ-lasigi di. I gbɔɛ fanan dɔn di i kɔrɔ.

Keninteya-Siginu 2:3 Iomraidhean Croise

Yaburi 45:2

Ile mansɛ kin hadama-dan bɛɛ ko, ado i kusan kumala. I wara ban duwɛ sɔrɔnna Alla bolo bui!

Yaburi 45:3

Ile mansa-sɛnbɛmɛ, ila faan dun i kawɛ la, ile mansa-makawanɛ min bi ko-makawanɛ kɛla, kɔni.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 89:6

Mari, i rakɛn fenfen sa Arinyɛni tɔ. I nyɔgɔn-takɛn sa nyɔ nima-fannu tɔ.

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Keninteya-Siginu 1:16

N bɔ, i fanan kin. Ila kinyɛ ara n kɔntɔ diya kati! Ma tenbi sani bin-kurɛ kuma

Keninteya-Siginu 2:5

I ni n tagbɛlɛya kɔn-gbɔɛ anubɛ kɔn-gbɔ-gbalanɛnu na bawo ila diyanayɛ ara n fɛrɛ rafaga n ma kuluba!

Keninteya-Siginu 4:13

Fan bɛɛ ye nanfala a kin na nyɔ. Ile, nna nakɔɛ, i lafanɛ kɔlɔma anubɛ baga-fere suma-diyamɛnu na. Fen-suma-diyamɛ bɛɛ daganɛ nyɔ le.

Keninteya-Siginu 4:16

Fɔnyɔ, bɔ nna nako-suma-diyamɛ kɛ rɔ. Anu sumɛ ra ni tii pu! Nna kei ni na ala nakɔɛ rɔ. A ni ala kɔn-gbɔ-diyamɛ diya bɔ.

Keninteya-Siginu 5:16

A da-gbole-masusun di. A wara-koe ara sɔ n yɛ la. Wole Yerusalɛm musinu, nna kei ye ka le.

Keninteya-Siginu 7:13

Mandirɛki fere-sumɛ ra ara tii nyɔ kɔrɛ pu! N bara kɔn-gbɔ-bɛrɛbɛrɛnu nadɛn i ye. I duruta minnu dɔnna wo, i ma minnu su dɔn bɛ wo, n bara wo bɛɛ lamara i ye.

Keninteya-Siginu 8:11

Ki-fen-nakɔɛ ye Silamɛni bolo kan tinɛ do rɔ min tɔgɛ Beyali-Hamɔn. Mɔgɛnu bi a sarala ka nyɔ sinka a wɔli-koe rɔ. Bɛɛ ye wodi-gbɛ-gbu waga kelen bɔla ka a sara wo la.

Keninteya-Siginu 8:12

Silamɛni ni sewa ala wodi-gbɛ-gbu waga kelen-kelan wonuna ko la. Minnu bi nakɔɛ wo makandanna, wonu ni sewa anuna wodi-gbɛ-gbu kɛmɛ fila filɛ la. Kɔnɔ nde halala-nakɔɛ ye n bolo.

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 4:6

Ata gbiliyɛ si ma ninɛ la soe ye ka a tɛgɛ telela ko ma. Nyɔ si ma kan-tina-latankanɛ la. Gbɔrɔndɛ anubɛ fɔnyɔ ti ke nyɔ ma.

Isikiyɛli 47:12

Kɔlɔma minnu bi bɛ wola foolɛ rɔ, wonu si to gbɔla tisikiri! Anu yanba-kunyɛ ti gbala, ado anu gbɔɛ ti dasa anu na ka a tɛgɛ yi-nɛ wo ma min bi bɔla Bato-Bɔn kɔrɔ. Karɛ-wo-karɛ, anu si anu gbɔ-kurɛ sigi anu na. Kɔlɔma wonu si dɔn-fan labɔ nima-fannu ye, ado anu yanba-kunyɛ si ma bɛsɛ la mɔgɛnu ye.”

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Kɛlɛ-Kurugbɛnu 9:15

“Wɔnɔ-kuri wo ko, ‘Ni a sɔgɛ ye wo la, n ni ma wola mansɛ la, wo na wo sa n ninɛ la. Ni wo ma wo ma, tɛ si bɔ n bolɔnnu na ka Lɛbanan Sida-kɔlɔma-kuru-wɛnu mintan!’ ”