Yɔni 9:16 - ALLALA KUMƐ

¹⁶ Farisi donu ko, “Min ya kɛ ma, wo ma bɔ Alla warɛ bawo a ma Sulen-Tele-tɔn bira.” Kɔnɔ dogbɛrɛnu ko, “Hakɛ-tigi ye min na, wo si ke kabana-ko-wɔli kɛ sifanu kɛla, wa?” Nba, dan-nafarɛ kɛra anu tɛma.

Yɔni 9:16 Iomraidhean Croise

Matiyu 12:10

Kei do ye nyɔ min bole faganɛ a la kɔnɔ mɔgɛ donu bi nyɔ minnu bi a fɛ ka tɔgɛ sa Yisa la. Woletɔ anu ya a manyinika ko, “Ni mɔgɔ ya mɔgɔ dandan Sulen-Tele ma, wo si mala tɔn tinya, wa?”

Matiyu 12:2

Farisinu ya wo yen tumɛ min, anu ya a fɔ Yisa ye ko, “A mafɛlɛn ila karan-dannu bi min mala kɛ la Sulen-Tele ma. Anu bi mala tɔn tinyana wo la!”

Luka 13:14

Dina-bon-kun-tigi diminyara ko Yisa ara dandanli kɛ Sulen-Tele ma. Woletɔ a ya a fɔ mɔgɛnu ye ko, “Tele wɔrɛ ye ma bolo, ma si to wɔlila minnu ma. A bɛnta, mɔgɛnu ni na tele wonu tɔ ka kɛndɛyɛ nyini kɔnɔ wo ma bɛn Sulen-Tele ma mumɛ!”

Yɔni 10:19

Nba, dan-nafarɛ kɛra Yahudiyanu tɛma tun kumɛ kɛnuna ko la.

Yɔni 14:11

N ba a fɔ ko n bi n Fa Alla rɔ, n Fa Alla ye nde rɔ, wo ni la kumɛ wo la. Ni wo ma, wo ni la n na ka a tɛgɛ nta kɛwɔlɛnuna ko la.

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 2:11

Yisa ya ala kabana-ko-tamasere fɔlɔtɛ kɛ yira Kena soe burɔ Kalili sigisɔn rɔ min ya ala gbiliyɛ mayira. Ala karan-dannu nara to lala a la.

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 5:10

Woletɔ Yahudiyanuna kun-tiginu ya a fɔ namarato-kɔrɛ wo ye ko, “Sulen-Tele le kɛ la. Ka ila nyandan lamini ka ta a la, i ye mala tɔn le tinyana wo la.”

Yɔni 5:36

Kɔnɔ sereyɛ ye n bolo n nyɛrɛla ko la min kolo Yɔnitɛ ko. N Fa ya kɛwɔlɛ minnu di n ma, wonu bi sereyɛ bɔla n ye ka a yira ko n Fa le ya n sɔ.

Yɔni 6:52

Kumɛ kɛ ya diminyɛ anubɛ sɔsɔlɛ lawuli Yahudiyanuna kun-tiginu tɛma. Anu ko, “Kei kɛ si ke a bagbuyi dila ma ma kama alako a si dɔn?”

Yɔni 7:12

Nyama wo ye sɔsɔli sala anu nyɔgɔn tɛma wɛwɛ-kumɛ rɔ. Donu ko, “Mɔgɔ-nyimɛ le.” Donu ko, “Ade, yanfante le dɔrɔn.”

Yɔni 7:23

Ni wo ya bilakore do lakemininya Sulen-Tele ma alako Musata tɔn kana tinya, nfenna wo ye diminyala nde ma ko n bara kei do lakɛndɛya Sulen-Tele ma?

Yɔni 7:43

Woletɔ dan-nafarɛ kɛra nyama tɛma Yisala ko la.

Yɔni 9:24

Kei min sɔrɔnta fiyonyɛ rɔ, anu ya wo kele tun ka a fɔ a ye ko, “Tonyɛ fɔ ma ye wobɛ Alla tɛma! Hakɛ-tigi le kei wo la. Ma ya wo lɔn feu!”

Kɛwɔlɛnu 14:4

Dan-nafarɛ taranta Aikoniyam kɛnu tɛma. Donu tora Yahudiyanu fɛ, donu bilara kilayɛnu fɛ.