Yɔni 8:6 - ALLALA KUMƐ

⁶ Anu ya kɛ fɔ Yisa bira-koe le la alako anu si a maburi nya min. Kɔnɔ Yisa ya a madu ka sɛbɛli kɛ dugi ma a bolo-nɔlɔnɛ la.

Yɔni 8:6 Iomraidhean Croise

Ko-Dabirɛnu 49:9

Yuda, i bɔnsɔn si ma iko yara-bulan min si mansayɛ kɛ soge bɛɛ kuma. A wa ta soge bira, a ni na a la faran la ka a dɔn saa! A wa ban a dɔnna tumɛ min, a si a nyɛrɛ rasagan nyaratata ka a sa. Sogo-wo-sogo ti sisi a la.

Yaburi 39:1

N ya a fɔ ko, “N tenbi koe min mala, n ni a ma n fɛrɛma. N ti sɔn, n dɛ ni n bila hakɛ rɔ. Karagbɛlɛnu tenbi n dafɛ, n si n tade don!”

Hɛnkilimaya-Kumɛnu 26:17

Mɔgɛ min bi belenna basanna mɔgɛnuna sɔsɔli-kumɛ la, wo tigi mani de iko mɔgɛ min bi tala wuli birala a tole ma, a ma min lɔn.

Makawandili Kumɛnu 3:7

Fen-tafara-wati ye nyɔ, fen-takara-wati ye nyɔ. Made-wati ye nyɔ, kuma-wati ye nyɔ.

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Daniyɛli 5:5

Tiriyɛ wo rɔ, lɛnpu-waan-takɛ ye dandan kan tinɛ min bara la, anu ya mɔgɔ bole yen sɛbɛli kɛla anu tɛma mansɛla bon-dandan ma. Ale mansɛ ya wo yen a yɛ la tumɛ min,

Emɔsi 5:10

“Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Emɔsi 5:13

Bawo a ma-kunya sa wole, mɔgɔ-tɔrɔnɛnu bolo, wo ni wo rade ka wo munyu anu kɔrɔ.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Matiyu 15:23

Kɔnɔ Yisa ma kuma a la. Yisala karan-dannu nara a wara ka a madiya. Anu ko, “Musi kɛ gbɛn ma fɛ! A bilanɛ ma fɛ sɔnkɔ-sɔnkɔla tolon!”

Matiyu 16:1

Farisi anubɛ Sadusi donu nara Yisa wara. Anu bi a fɛ ka a kɔrɔbɔ, woletɔ anu ya a manyinika ko a ni kabana-koe do yira anu na ka bɔ Arinyɛni tɔ.

Matiyu 19:3

Farisi donu nara a wara a kɔrɔbɔ tinɛ. Anu ya a manyinika ko, “Mala tɔn si sɔn ko a wa diya kei ye wati-wo-wati, a ni a ban ala musi la, wa?”

Matiyu 22:18

Kɔnɔ gbundu-koe min kirinɛ a kan ma, Yisa ya wo bɛɛ lɔn. Woletɔ a ko, “Wole nyɛrɛ-mayiralɛnu, wo ye n da-kɔrɔbɔ-koe rɔ nfenna?

Matiyu 22:35

Anuna tɔn-karan-mɔgɛ do ya a raya a da-kɔrɔbɔɛ ma nyinikalɛ do fɛ.

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Maraka 10:2

Farisi donu nara a wara ka anu taya a bira-koe ma. Anu ya a manyinika ko, “A fɔ ma ye wa, mala tɔn si sɔn ko kei ni a ban ala musi la?”

Maraka 12:15

Kɔnɔ Yisa ya anuna yanfɛ yen. A ya a fɔ anu ye ko, “Wo ye wo rayala n bira-koe ma nfenna? Na duti-wodi do la, n ni a mafɛlɛn.”

Maraka 3:2

Mɔgɛ donu fanan bi nyɔ minnu bi a fɛ ka Yisa maburi tɔn tinyana. Woletɔ anu ya anu yɛ bɛn a ma, ni a si kei wo lakɛndɛya Sulen-Tele ma.

Maraka 8:11

Farisi donu nara ka Yisa-sɔsɛ dabira a kɔrɔbɔ tinɛ. Anu ya a fɔ a ye ko a ni kabana-koe do yira anu na ka bɔ Arinyɛni tɔ alako anu ni a lɔn ni Alla le ye a fɛ.

Luka 10:25

Nba, tɔn-karan-mɔgɛ do nara Yisa kɔrɔbɔ tinɛ. A ya a manyinika ko, “Karan-mɔgɔ, n si nfen ma alako n ni habadan-nimayɛ sɔrɔn?”

Luka 11:16

Donu bi a fɛ ka Yisa kɔrɔbɔ, woletɔ anu ya a fɔ a ye ko a ni kabana-koe do kɛ min si a yira ko Alla le ya sɛnbɛ kɛ di a ma.

Yɔni 8:2

Wo banda kɛ, Yisa suruta sɛgila Alla-Bato-Bɔn la. Mɔgɛ bɛɛ ya a lafoo. A sigira ka anu karan dabira.

1 Kɔrɛnti 10:9

Ma kana Mari kɔrɔbɔ wona iko wo do ya a ma nya min, ha duguma-fannu ya anu faga.