Yɔni 8:54 - ALLALA KUMƐ

⁵⁴ Yisa ya anu yabi ko, “Ni n ya n nyɛrɛ gbiliya nun, nna gbiliyɛ ti ko-nyinya n ma. Dogbɛrɛ ye n gbiliyala, n Fa Alla, kɔni, ado wo ko wota Alla le ale la.

Yɔni 8:54 Iomraidhean Croise

Hɛnkilimaya-Kumɛnu 25:27

Liyi-dɔn-wɛ si mɔgɛ tɔrɔ nya min, matɔgɔ-belebele-nyinɛ mɔgɛnu bolo fanan si mɔgɛ tɔrɔ wo nya na le.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Hoseya 1:9

Mari ya a fɔ Nɛbi Hoseya ye ko, “I ni a tɔgɔ sa ko, ‘Nta-ma’ bawo nta ma Isirɛla mɔgɛnu na, ado anuta Alla ma nde la.”

Yɔni 17:1

Yisa banta kɛ fɔla tumɛ min, a ya a yɛ layɛlɛ san ma. A ko, “N Fa, wati ara ke. I ni nde, ila danta gbiliyɛ yira mɔgɛnu na alako nde fanan si ila gbiliyɛ lasɛgi i ma nya min.

Yɔni 17:5

E, n Fa, n bi i fɛ wati min yanni duninya ni dan, gbiliyɛ min bi n bolo wulɔn, i ni wo lasɛgi n ma kaka.

Yɔni 2:11

Yisa ya ala kabana-ko-tamasere fɔlɔtɛ kɛ yira Kena soe burɔ Kalili sigisɔn rɔ min ya ala gbiliyɛ mayira. Ala karan-dannu nara to lala a la.

Yɔni 5:41

“N sa gbiliyɛ nyinina mɔgɔni-fin bolo.

Yɔni 7:18

Mɔgɛ min bi kumala a nyɛrɛta miriya rɔ, a di a ye, a ni matɔgɔlɛ sɔrɔn mɔgɛnu bolo. Kɔnɔ ni mɔgɛ min ye a fɛ ka a sɔlɛ gbiliya, tonya-fɔlɛ le wo la, foninya-wo-foninya sa a da rɔ.

Yɔni 7:39

Yisa ya kɛ fɔ ka a bɛn Allata Ni-Sɛnimɛla ko ma. Ni minnu dɛnkɛninyara a ma, wonu si niyi wo sɔrɔn. Nba, wo wati ya a taran, Alla ma ata Ni-Sɛnimɛ di wɛ mɔgɛnu ma nun bawo Yisa ma yɛlɛ bɛ san-kole rɔ a si ata gbiliyɛ sɔrɔn kan min.

Yɔni 8:41

Ade! Wo fa-bɛrɛ ya min ma, wo ye wo le ma tinɛ tun.” Anu ya a sɔsɔ ko, “Male ma sɔrɔn yɛlɛnyɛ rɔ. Fa kelen de ma bolo, Alla nyɛrɛ, kɔni.”

Yɔni 8:50

N sa gbiliyɛ nyinina n nyɛrɛ ye. Kɔnɔ dogbɛrɛ ye nyɔ min bi gbiliyɛ nyinina n ye, ado kiti-tɛgɛlɛ le ale la.

Kɛwɔlɛnu 3:13

Iburayimata Alla anubɛ Isiyakatɛ anubɛ Yakobatɛ, ma benbanuta Alla, kɔni, wole ara ala wɔli-kɛlɛ Yisa gbiliya. Wo le ya ale Yisa wo don sɛnbɛ-tiginu bolo. Wo ya wo ban a la Pailɛti yakɔrɔ, ado Pailɛti ya a latɛgɛ ko a ni a boloka tumɛ min, wo ma sɔn.

2 Kɔrɛnti 10:18

Mɔgɛ min bi a nyɛrɛ matɔgɔla, wola nyɛrɛ-matɔgɛ wo, fuyi le wo la. Min kolo wo bɛɛ ko, Mari wa min matɔgɔ, wo le fisa a bɛɛ ko.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

2 Pita 1:17

Ma Fa Alla ya bonyɛ anubɛ gbiliyɛ di a ma kɔnkɛ kuma tumɛ min, ma ye nyɔ nun. Ma ya kan-belebele-wɛ lamɔɛn ka bɔ Allata gbiliya-makawanɛ rɔ. A ko, “N diyana-dan le kɛ la, min bara n hɛnɛ feu!”