Yɔni 8:53 - ALLALA KUMƐ

⁵³ Ma fa Iburayima fagara. I miri ko i tenbira Iburayima la, wa? Nɛbinu bara faga fanan. I miriya ye kama?”

Yɔni 8:53 Iomraidhean Croise

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Matiyu 12:6

N bi a fɔla wo ye, fan do ye yan min kolo Alla-Bato-Bɔn ko.

Matiyu 3:9

Wo ya wo miri ko Iburayima manɛ wo benba la min kɛ, wo ti tɔrɔyɛ sɔrɔn. N bi a fɔla wo ye, hali kuri kɛnu, Alla si ke wonu mala dannu na Iburayima ye!

Yɔni 10:33

Yahudiyanu ya a yabi ko, “Ma sa i mabonna ila kɛwɔli-nyima-fenfenna ko la. Ma ye i mabonna bawo i ye Alla lafɛyala! Mɔgɛ le ile la dɔrɔn kɔnɔ i ye i nyɛrɛ mala Alla la!”

Yɔni 12:34

Nyama ya a yabi ko, “A sɛbɛnɛ mala tɔn rɔ ko Allata-Mɔgɔ-Yabɔnɛ si to habadan! Ile ye a fɔla kama worɔ ko ale, Hadama-dan la ni yɛlɛ san ma? Hadama-dan kɛ ye yon na?”

Yɔni 19:7

Yahudiyanu ya a yabi ko, “Mala tɔn ko fɔ a ni faga bawo a ara a nyɛrɛ ma Allatalata dan la.”

Yɔni 4:12

Ma benba Yakoba le ya kɔlɔn kɛ di ma ma. Ale wo, ala dannu wo, ala kolo-fannu wo, wo bɛɛ ya a min yi kɛ le la. I miri ko i tenbira Yakoba la, wa?”

Yɔni 5:18

Ka a tɛgɛ kumɛ kɛ ma, Yahudiyanu ya fɛrɛ nyini a faga-koe ma a bɛrɛbɛrɛ-wɛ ma. A ma Sulen-Tele dɔrɔn tinya kɔnɔ a ya a fɔ fanan ko Alla le a Fa la. A ara a nyɛrɛ sanka Alla ma a kuman-kan wo la.

Yɔni 8:58

Yisa ya anu yabi ko, “N bi tonyɛ fɔla wo ye, yanni Iburayima ni sɔrɔn, nde ye nyɔ nun.”

Romu 9:5

Anu bɔra anu benbanu benba-tɔgɔlamɛnu denu tɔ, ado Allata-Mɔgɔ-Yabɔnɛ bɔra sibole kɛ le tɔ hadama-danta kilɛ fɛ. Alla min bi mansayɛ kɛla bɛɛ kuma, alamɛ wo ya tantolɛ sɔrɔn habadan, amina!