Yɔni 7:4 - ALLALA KUMƐ

⁴ Ni min bi a fɛ, mɔgɛnu ni a malɔn, a ti ala wɔlɛ kɛ dogɔn rɔ. Woletɔ i ye koe kɛ min bɛɛ kɛla, i ni a ma, duninya bɛɛ ni i wara-koe lɔn!” (

Yɔni 7:4 Iomraidhean Croise

1 Mansɛnu 22:13

Mansa Ehabu ya kilayɛ min nata Nɛbi Mɛkaya kele tinɛ, wo ya a fɔ a ye ko, “N ya a to, nɛbi doinu bi a fɔla ko Mansa Ehabu si nɔ-ko sɔrɔn kɛlɛ rɔ. Ile fanan ni kuma kelan wo le fɔ de!”

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 4:6

A ya a fɔ Yisa ye ko, “Ni Allatalala dan le ile la, i gban ka yigi dugi ma bawo a sɛbɛnɛ ala kitabu rɔ ko, ‘Alla si ala melikanu sɔ i lakanan-koe la. Anu si anu bole sigi i kɔrɔ alako i kana i kian gbesi kurinu na.’ ”

Matiyu 6:16

“Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Luka 6:45

Mɔgɔ-nyimɛ si ko-nyimɛ labɔ a yisi rɔ. Mɔgɔ-yogomɛ si ko-yogomɛ labɔ a yisi rɔ, ado mɔgɔ yisi fanɛ min na, a dɛ ye wo le fɔla.

Yɔni 18:20

Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.

Yɔni 7:3

Woletɔ Yisa na-kelen-nyɔgɛnu ya a fɔ a ye ko, “I ni bɔ kan tinɛ kɛ rɔ. I ni ta Yudiya nyamanɛ rɔ, ila karan-dannu si ila kabana-koenu yen kan min.

Yɔni 7:5

Nba, hali a na-kelen-nyɔgɛnu ma dɛnkɛninya a ma.)