Yɔni 7:30 - ALLALA KUMƐ

³⁰ A ban wo fɔla, anu ya anu taya a bira-koe ma kɔnɔ mɔgɔ-wo-mɔgɔ ma ke a birala bawo ala wati ma ke wɛ.

Yɔni 7:30 Iomraidhean Croise

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Matiyu 12:14

Wo le ya a ma, Farisinu tara ka anu nyɔgɔn yen Yisa kan ma, ni anu si ke ka a faga nya min.

Matiyu 21:46

Woletɔ anu ya anu taya a bira-koe ma. Kɔnɔ anu kilanta nyama la minnu bi anu mirila Yisa ma ko nɛbi le.

Maraka 11:18

Saraka-masɔla-wɛnu anubɛ tɔn-karan-mɔgɛnu ya wo lamɔɛn. Woletɔ anu wulita fɛrɛ nyinina Yisa faga-koe ma. Anu kilannɛ a la nun bawo nyama bɛɛ kawara ala karan ma.

Luka 20:19

Tɔn-karan-mɔgɛnu anubɛ saraka-masɔla-wɛnu ya anu taya wo wati rɔ ko anu ni Yisa bira bawo anu ya a lɔn ko a ya tili kɛ tɛgɛ anu denu denuna ko la. Kɔnɔ anu kilanta mɔgɛnu na.

Luka 22:53

N taranta wo fɛ wati bɛɛ Alla-Bato-Bɔn la, wo ma wo raya n bira-koe la. Wota wati le kɛ la. Pinpi ara ban sɛnbɛ sɔrɔnna wo kuma.”

Yɔni 10:31

Yahudiyanu ya kurinu bi tun ko ka a mabon.

Yɔni 10:39

Anu ya anu taya a bira-koe ma tun kɔnɔ a tununta anu ma ka ta a ye.

Yɔni 11:57

Saraka-masɔla-wɛnu anubɛ Farisinu bara a fɔ nun ko Yisa ye kan tinɛ min, ni mɔgɔ-wo-mɔgɔ ya wo lɔn, a ni wo fɔ anu ye. Woletɔ anu si a bira.

Yɔni 7:19

Nɛbi Musa ya Allala tɔn di wo ma nun, a sa wo nya le? Kɔnɔ hali wo, wo kelen bɛrɛn sa tɔn birala. Nfenna wo ye wo rayala n faga-koe ma?”

Yɔni 7:32

Farisinu ya a lamɔɛn nyama ye da-kɔrɔ-kumɛnu fɔla ka a bɛn Yisa ma, woletɔ anubɛ saraka-masɔlɛnu ya Alla-Bato-Bon kandannɛnu sɔ a bira tinɛ.

Yɔni 7:6

Yisa ya a fɔ anu ye ko, “Nta wati ma ke wɛ kɔnɔ wole, wati bɛɛ bɛnta wo ma.

Yɔni 7:8

Wo ta ladiyɛ kɛ rɔ. Nde sa tala ladiyɛ kɛ rɔ bawo nta wati ma ke wɛ.”

Yɔni 8:20

Yisa ya kɛ bɛɛ fɔ wo tumɛ a ye mɔgɛnu karanna Alla-Bato-Bɔn la, sɔli-fen-kenkirɛnu siginɛ kan min. Nba, mɔgɔ-wo-mɔgɔ ma a bira bawo ala wati ma ke wɛ.

Yɔni 8:37

N ya a lɔn ko Iburayima bɔnsɔn le wole la. Hali wo, wo ye wo rayala n faga-koe ma bawo nna karan ma sigi tinɛ sɔrɔn wo yisi rɔ bɛ.

Yɔni 8:59

Anu ya kurinu bi ko ka a mabon kɔnɔ Yisa ya a dogon anu ma. A bɔra Alla-Bato-Bɔn la.

Yɔni 9:4

Min ya n sɔ, fɔ ni ma tora wola wɔli kɛla tele rɔ. Suyi ketoe le, ado suyi wa ke tumɛ min, wo si a taran, wɔli-wo-wɔli ti taran tun.