Yɔni 7:27 - ALLALA KUMƐ

²⁷ Kɔnɔ ale wa na tumɛ min, mɔgɔ-wo-mɔgɔ ti a bɔ tinɛ lɔn. Kɔnɔ ma dama ya kei kɛ bɔ tinɛ lɔn.”

Yɔni 7:27 Iomraidhean Croise

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 53:8

Mɔgɛnu ya a bira boloko-yogomɛ-kɛ ka a yiliki. A fagara, a ma a nyɔgɔn to. Anu ya a faga ala mɔgɛnuna ko la.

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Yɛrɛmaya 30:21

Wola kun-tigi si bɔ wo nyɛrɛ rɔ. Wola mɔgɔ-bɛrɛbɛrɛ le wo lamarala. Mari ko a wa kun-tigi wo rakele, wo si a gbɛrɛn a ma, ado yon si ke a gbɛrɛnna ale Mari ma, ni a ma min takele? A ko wole si ma ata mɔgɛnu na, ale si ma wota Alla la. Ale Mari kan le kɛ la.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Maraka 6:3

Bon-tuwalɛ le ma kɛ la, Mariyamala dan, kɔni? Yemesi, Yusufu, Yudasi, anubɛ Saimon, a dɔgɔ-keminɛnu le wonu na. A dɔgɔ-musi bɛɛ siginɛ yan de!” Woletɔ a bɔrɔbɔnɛ anu bolo. Anu ma sɔn dɛnkɛninyala a ma.

Luka 4:22

Anu dama ya a tɔgɔ-nyimɛ fɔ ka kawa ala kuma-nyimɛnu ma. Anu ko, “Yusufula dan ma kɛ la, wa? Kɛ mara kama?”

Yɔni 6:42

Woletɔ anu ya nyinikalɛ kɛ ko, “Yisa ma kɛ la, Yusufula dan, wa? Ma ya a na anubɛ a fa lɔn. Nba, a ye a fɔla kama worɔ ko a yigira ka bɔ Arinyɛni tɔ?”

Yɔni 7:15

Yahudiyanuna kun-tiginu kawara kati! Anu ko, “Kei kɛ ya kɛ bɛɛ lɔn kama, a ma karan nun lun-kelen-bɛrɛn?”

Yɔni 9:29

Ma ya a lɔn ko Alla kumara Nɛbi Musa le ye. Kɔnɔ kei wo, male ma a bɔ tinɛ lɔn defan!”

Kɛwɔlɛnu 8:33

Anu ya a lafɛya. Anu ma sɔn ala kiti tɛgɛla a kila-telennɛ la. Mɔgɔ-wo-mɔgɔ ti ke a bɔnsɔnla koe fɔla bawo a niyi ara ban duninya rɔ.”