Yɔni 7:17 - ALLALA KUMƐ

¹⁷ N bi mɔgɛnu karanna min na, ni minnu bi a fɛ ka Allala diyana-koe kɛ, wo tigi si a lɔn ni Allatɛ le, ni wo ma, ni n bi kumala n nyɛrɛta miriya rɔ.

Yɔni 7:17 Iomraidhean Croise

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 25:12

Minnu bi ile Marita tɔnnu birala, a si to wonu makaranna alako anu ni ita kilɛ tagama.

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Hɛnkilimaya-Kumɛnu 28:5

Karagbɛlɛnu ma telenbagayɛ lɔn. Kɔnɔ mɔgɛ minnu bi Mari batola, wonu ya telenbagayɛ lɔn.

Hɛnkilimaya-Kumɛnu 3:32

bawo wunduyogenu sɔgɔ labɔnɛ Mari la lasi! Kɔnɔ a si a gbundi yira mɔgɔ-telennɛnu na.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Daniyɛli 12:10

Hɛnkili ye minnu na, wonu si anu kɛ-nya latelen kɔnɔ mɔgɔ-karagbɛlɛnu ti ko-wo-ko nya-yen kɛ rɔ fɔ ka to anuna karagbɛlɛyɛ kun na tolon!

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Matiyu 6:22

“Mɔgɔ yɛ mani de a fɛrɛ-bɔnkɛ ye iko lɛnpu-lamalannɛ. Ni mɔgɛ yɛ kɛndɛ, a fɛrɛ-bɔnkɛ bɛɛ si to waan rɔ.

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Yɔni 3:21

Kɔnɔ minnu bi ko-latelennɛnu kɛla, wonu si na ke waan ma alako waan ni a mayira ko anu bi Alla sako kɛla.

Yɔni 8:43

N bi min fɔla, nfenna wo sa wo nya-yenna? Ado nfan, wo ti ke wo nya-yenna bawo wo sa sɔnna nna kumɛ lamɔɛnna.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Yɔni 8:47

Ni min bɔnɛ Alla warɛ, wo si a tole masɔ Allala kumɛ la. Nba, wole ma bɔ Alla warɛ, woletɔ wo sa wo tole masɔla n na.”

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!