Yɔni 6:57 - ALLALA KUMƐ

⁵⁷ N Fa min ya n sɔ duninya rɔ, wo ye a niyi la, ado ale le ya niyi di nde fanan ma. Mɔgɛ min ba n bagbuyi dɔn, ale fanan si niyi sɔrɔn nde baraka rɔ.

Yɔni 6:57 Iomraidhean Croise

Yaburi 18:46

Ale Mari ye nyɔ. Nta farɛ le ale la min si n kandan. Ale Alla min makawara, min ya n nakisi, a bɛnta, n ni ale matɔgɔ!

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Matiyu 16:16

Saimon Pita ya a yabi ko, “Allata-Mɔgɔ-Yabɔnɛ le ile la, Alla Nimɛta dan, kɔni.”

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Yɔni 3:17

Alla ma ala dan sɔ duninya rɔ alako a ni ma duninya-kiti-tɛgɛlɛ la, fɔ ka a ma duninya-kisilɛ la.

Yɔni 5:26

Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Yɔni 6:29

Yisa ya anu yabi ko, “Alla ye a fɛ, wo ni wɔlɛ min kɛ, wo le ko wo ni la nde la, a ara min sɔ.”

Yɔni 6:38

N ti a gben bawo n ma yigi ka bɔ Arinyɛni tɔ n nyɛrɛ sako-kɛ-tinɛ. Min ya n sɔ, n bi wo le sako-kɛ-tinɛ.

1 Kɔrɛnti 15:22

Ado nfan, mɔgɛ bɛɛ bɔra ma benba Hadama le tɔ ka faga. Iko wonu bi fagala nya min, minnu bɛɛ ara dɛnkɛninya Kirasiti ma, wo bɛɛ la si wuli wo nya na le ka habadan-nimayɛ sɔrɔn.

1 Kɔrɛnti 15:45

ado a sɛbɛnɛ Allala kitabu rɔ ko, “Alla ya mɔgɔ fɔlɔtɛ min dan, ma benba Hadama, kɔni, a ya niyi di wo ma.” Kɔnɔ Yisa min bi Hadama laban la, wo le si niyi di mɔgɛ ma kaka.

2 Kɔrɛnti 13:4

Hali a fagara kɔlɔma ma tumɛ min, a fɛrɛ-rafaganɛ a ma kɔnɔ kaka, a ye a niyi la Allata sɛnbɛ rɔ. Male fanan tafaganɛ iko Kirasiti rafaganɛ nya min nun kɔnɔ wo si a yen, ma si to ma niyi la Allata sɛnbɛ rɔ iko Kirasiti ye a niyi la nya min.

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

1 Yɔni 4:9

Alla ya ala keninteyɛ yira ma la kɛ le fɛ ko a ya ala den kelen pe lana duninya rɔ alako ma ni nimayɛ sɔrɔn a fɛ.