Yɔni 5:5 - ALLALA KUMƐ

⁵ Kei do ye nyɔ nun min bara san bi-sawa ani san segin (38) bɔ kirayɛ rɔ.

Yɔni 5:5 Iomraidhean Croise

Maraka 9:21

Yisa ya dan wo fa manyinika ko, “Nyinɛ kɛ ara wati yili bɔ a fɛ?” A ya a yabi ko, “Kebi a dennɛ.

Luka 13:16

Nba, Setanɛ ara Iburayima bɔnsɔn-musi kɛ min kiri san tan-ni-segin kɔrɔ, a ma kin, a ni hɔrɔya ka bɔ ala tɔrɔyɛ rɔ Sulen-Tele ma, wa?”

Luka 8:43

Musi do ye nyɔ musinuna kirayɛ ara min tɔrɔ san tan-ni-fila kɔrɔ. A ara a bolo-fan bɛɛ ni bɛsi-bɔlɛnu ma kɔnɔ wonu fenfen ma ke a dandanna.

Yɔni 5:14

Wo kɔma, Yisa ya namarato-kɔrɛ wo yen Alla-Bato-Bɔn la. A ya a fɔ a ye ko, “I yɛ lana. I wara kɛndɛya kaka. Fara hakɛ la, ni wo ma, min yogo kɛ ko, wo kana ma i la.”

Yɔni 5:4

bawo wati si na Marita melika si to nala yi wo ramagala. Nba, kirayatoe min fɔlɔn ba yigi yi wo rɔ, kirayɛ wo si a boloka feu!]

Yɔni 5:6

Yisa ya a sanɛ yen nyɔ. A ya a lɔn ko kei wo ara mɛ kirayɛ wo rɔ wo nya. Yisa ya a manyinika ko, “Kɛndɛya-sɔgɛ ye i la?”

Yɔni 9:1

Yisa ye tagamana kilɛ fɛ tumɛ min, a ya kei do yen min sɔrɔnta fiyonyɛ rɔ.

Yɔni 9:21

Kɔnɔ ma ma a lɔn min ya a ma, a ye fen yenna kaka. Min ya a yɛ laka, ma ma wo lɔn. Wo ni ale nyɛrɛ manyinika, denni ma. A si ke wo yabila le!”

Kɛwɔlɛnu 14:8

Kei do siginɛ Lisitira soe burɔ nun min kiannu faganɛ a la. Kebi a sɔrɔnta, a ma ke tagamana mumɛ!

Kɛwɔlɛnu 3:2

Kei do ye nyɔ min namarayanɛ kebi a sɔrɔnta. Tele-wo-tele, anu si ta a la Alla-Bato-Bɔn tenbi-bolɔn wo la min tɔgɛ ko, “Da-Kinyanɛ.” Minnu bi donna Alla-Bato-Bɔn la, a kɛnɛna wonu matarala wodi ma.

Kɛwɔlɛnu 4:22

Kei minna kɛndɛya-koe mara kabana-koe la wo nya, wola namarayɛ ara tenbi san bi-nani la a bolo nun.

Kɛwɔlɛnu 9:33

A ya kei do taran nyɔ, a tɔgɛ Eniyasi min fɛrɛ-faganɛ a ma. San segin kɔrɔ, a ma ke a lasɔla.