Yɔni 5:26 - ALLALA KUMƐ

²⁶ Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Yɔni 5:26 Iomraidhean Croise

Yaburi 36:9

Niyi-bɛɛ-kunyɛ bɔra ile le bolo. Ka a tɛgɛ ita waan wo ma, wo le ye a mala fanan, ma ye ko ragbɛla.

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Bɔ-Koe-Iyipiti 3:14

Alla ya a fɔ Musa ye ko,

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɔni 1:4

Nimaya-kunya-dabirɛ le ale Kumɛ wo la. Niyi wo ya waan raka mɔgɛnu ye.

Yɔni 10:18

Mɔgɔ-wo-mɔgɔ ti n niyi bi n bolo. N si n niyi ni n sako la. Sɛnbɛ ye n bolo ka n niyi ni. Sɛnbɛ ye n bolo ka a bi tun. N Fa Alla ara n sɔ kɛnu ma tinɛ.”

Yɔni 11:25

Yisa ya a fɔ a ye ko, “Nde ye furinu nawulila ka niyi di anu ma. Min ba dɛnkɛninya n ma, hali a fagara, wo si sɛgi a niyi la,

Yɔni 11:26

ado minnu bara habadan-nimayɛ sɔrɔn bawo anu dɛnkɛninyara n ma, wo ti halaki mumɛ! I lara wo la?”

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

Yɔni 6:57

N Fa min ya n sɔ duninya rɔ, wo ye a niyi la, ado ale le ya niyi di nde fanan ma. Mɔgɛ min ba n bagbuyi dɔn, ale fanan si niyi sɔrɔn nde baraka rɔ.

Yɔni 8:51

N bi tonyɛ fɔla wo ye, min ba nna kumɛ bira, wo ti faga habadan!”

Kɛwɔlɛnu 17:25

ado a mako sa mɔgɛnuna dɛnbɛnɛ la bawo ale nyɛrɛ le ye niyi anubɛ fen-toe bɛɛ dila mɔgɛnu ma.

1 Kɔrɛnti 15:45

ado a sɛbɛnɛ Allala kitabu rɔ ko, “Alla ya mɔgɔ fɔlɔtɛ min dan, ma benba Hadama, kɔni, a ya niyi di wo ma.” Kɔnɔ Yisa min bi Hadama laban la, wo le si niyi di mɔgɛ ma kaka.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:16

Ale kelen pe ti faga. A ye waan min tɔ, mɔgɔ-wo-mɔgɔ ti a madon wo la. Mɔgɔ-wo-mɔgɔ ma ale yen bɛ, ado mɔgɔ-wo-mɔgɔ ti ke a yenna lefan. Alamɛ gbiliyɛ anubɛ habadan-sɛnbɛ dira ale ma! Amina.

Hiburunu 1:2

kɔnɔ tele-laban kɛnu tɔ, a kumara male ye ala dan le baraka rɔ. Alla ya duninya kɛ dan ale le baraka rɔ. Tɔ-a-la, fan bɛɛ si ma atɛ la.

Lankɛnimayɛ 21:6

Nba, a ko, “A ara ban! A fɔlɔtɛ anubɛ a laban le nde la, ado a dabirɛ anubɛ a kundɔn le nde la fanan. Mɔgɔ-wo-mɔgɔ kan lagbalanɛ, n si nimaya-tenke-yi di wo ma min sɔnkɔ sa.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”