Yɔni 5:2 - ALLALA KUMƐ

² Yi sigi tinɛ min manɛ iko dalɛ, anu bara wo sin Yerusalɛm soe burɔ. A tɔgɛ Hiburu kan rɔ ko, “Bɛti-Sayida.” Tarɛ-don-dɛ min tɔgɛ “Sagɛnutɛ,” wo ye yi wo dafɛ. Bugi loli sɔnɛ anu bolo nyɔ.

Yɔni 5:2 Iomraidhean Croise

Nihɛmaya 12:39

Ma bɔra nyɔ ka ke don-dɛ ma min tɔgɛ Ifɛrɛm. Ma tenbira nyɔ la, ma tara ke don-dɛ ma min tɔgɛ Yɛsena. Ma bɔra nyɔ, ma tara ke don-dɛ ma min tɔgɛ Yɛgɛ. Ma tenbira nyɔ fanan na, ma tara ke kan-tina-layan-bɛ ma min tɔgɛ Hananɛli. Ma tenbira nyɔ la, ma tara ke kan-tina-layan-bɛ do fanan ma min tɔgɛ Kɛmɛ. Ma bɔra nyɔ, ma tara ke don-dɛ doi ma min tɔgɛ Sagɛ. Ma tara a laban fɔɔ tarɛ don-dɛ min tɔgɛ Kandannɛnuta Don-Dɛ.

Nihɛmaya 3:1

Tarɛ sɔra nya min, wo le kɛ la. Saraka-Masɔla-Kun-Tigi-Wɛ Ilayasibu anubɛ a ta-nyɔgɔ saraka-masɔlɛnu, wonu ya tarɛ don-dɛ sɔ min tɔgɛ ko Sagɛ. Anu ya a dantɛgɛ Mari ma ka a don-dɛ latogon. Anu bara so-tarɛ ladan ka a bi kan-tina-layan-bɛ min tɔgɛ ko Kɛmɛ ka ta ke kan-tina-layan-bɛ ma min tɔgɛ Hananɛli. Anu ya tarɛ wo sɔ-kurɛ-kɛ ka a dantɛgɛ.

Nihɛmaya 3:32

Sɛnɛ-siyakinu anubɛ yilanu, wonu ya nyɔ-tatugunnɛ laban sɔ ka a dabira konko wo ma ha ka ke don-dɛ ma min tɔgɛ ko Sagɛ.

Aiseya 22:11

Wo ya yi lamara tinɛ ladan soe dugu la alako wo si kantɔ-yi lamara min tɔ. Kɔnɔ wo ma wo tole masɔ Alla la muk! Bi ko ma, Alla ara ban kɛ bɛɛ miriyala nun, woletɔ a ara ma fanan.

Aiseya 22:9

Tarɛ kan tinɛ min takerinɛ, wo ara wonu yen wo yɛ la. Wo ara bon-korenu tii alako wo si bɔn wonu kurinu bi nya min ka tarɛ ladan wonu na.

Yɔni 19:13

Pailɛti ya kumɛ kɛnu namɔɛn tumɛ min, a ya Yisa labɔ luyi ma. A sigira kiti-tɛgɛ-waganɛ rɔ. Kan tinɛ wo tɔgɛ le ko, “Kilɛ min nadannɛ kurinu na.” (A tɔgɛ Hiburu-kan rɔ ko, “Kabata.”)

Yɔni 19:17

Anu bi a gbangbanna kɔlɔma min ma, a nyɛrɛ ya wo duni ka ta a la ha ka ke kan tinɛ min tɔgɛ ko, “Kun-kole.” (A tɔgɛ Hiburu-kan rɔ ko, “Kɔlɔkata.”)

Yɔni 19:20

Yahudiya siyaman ya a karan bawo Yisa gbangbanta kɔlɔma ma kan min, wo fɛ ma yan soe la. A sɛbɛnɛ kan sawa le tɔ nun, Hiburu-kan anubɛ Latin-kan anubɛ Kiriki-kan.

Yɔni 20:16

Yisa ya a fɔ a ye ko, “Mariyama.” Mariyama ya a tintan ka a fɔ a ye ko, “Karan-mɔgɔ.” (A ya wo fɔ Hiburu-kan rɔ ko, “Rabonai.” Wo kɔrɛ le, “Karan-mɔgɔ.”)

Yɔni 5:3

Kirayato siyaman sanɛ wonu kɔrɔ, fiyɔnnu wo, namarɛnu wo, anubɛ minnu fɛrɛ-faganɛ a la. [Anu bi yi-ramagɛ makɔnɔna

Yɔni 7:21

Yisa ya anu yabi ko, “N ya kabana-ko-tamasere kelen pe le kɛ, wo dama kawara.

Kɛwɔlɛnu 21:40

Nba, kun-tigi-ba wo sɔnta. Woletɔ Pɔli sɔra yɛlɛ tinɛ kuma ka mɔgɛnu masabari a bole la. Anu ya anu masabari tumɛ min, Pɔli kumara anu ye anuna Yahudiya-kan rɔ.

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”

Lankɛnimayɛ 9:11

Mansɛ min bi anu kun na, melika le wo la min bi kun-tigiyɛ kɛla denka-dan-yenbɛlɛ kun na. Ale tɔgɛ Hiburu-kan rɔ ko, “Abadon.” A tɔgɛ le Kiriki-kan rɔ ko, “Apɔliyɔn.” Wonu kɔrɛ le ko, “Halakilɛ.”