Yɔni 5:17 - ALLALA KUMƐ

¹⁷ Yisa ya anu yabi ko, “N Fa ye wɔlila tuma-wo-tuma, ado fɔ nde fanan ni wɔli wo nya.”

Yɔni 5:17 Iomraidhean Croise

Yaburi 65:6

Ita sɛnbɛ ya kɔnkɛnu sigi anu gbɛnu tɔ yiri! Wo le ye a yirala ko ita sɛnbɛ kolo.

Aiseya 40:26

I yɛ layɛlɛ san-kole ma. I yɛ ye lole minnu na wo la, yon ya wonu dan? Min bi anu tatalala iko kɛlɛ-dannu, wo le ya anu yirika lɔn, ado a bɛɛ kelen-kelennamɛ tɔgɛ ye a bolo. A fanka makawara, hali lolo kolo-kelen-bɛrɛn ti tantan sɔgɔ.

Matiyu 10:29

I si ke kona-mɛsɛ fila sanna kaba kelen na. Hali wo, kona-kelen-bɛrɛn ti bui dugi ma, wo Fa Alla sa min kalama.

Yɔni 10:36

Nba, nde don! N Fa ya n sɛninya ka n sɔ duninya kɛ rɔ. N ya a fɔ min kɛ ko Allala dan le nde la, wo ye a fɔla kama worɔ ko n bi n ya-donna Alla la?

Yɔni 14:10

Filipi, ko n bi n Fa Alla rɔ, n Fa Alla fanan bi nde rɔ, i ma la wo la?” Yisa ya a fɔ ala karan-dannu ye ko, “N bara kumɛ minnu fɔ wo ye, nta kuma ma wonu na. N Fa Alla min bi nde rɔ, wo le ye ata wɔli kɛ kɛla.

Yɔni 5:16

Ka a tɛgɛ wo ma, Yahudiyanuna kun-tiginu ya a lagbɛlɛyɛ dabira Yisa ma bawo a ya mɔgɛ lakɛndɛya Sulen-Tele ma.

Yɔni 5:18

Ka a tɛgɛ kumɛ kɛ ma, Yahudiyanu ya fɛrɛ nyini a faga-koe ma a bɛrɛbɛrɛ-wɛ ma. A ma Sulen-Tele dɔrɔn tinya kɔnɔ a ya a fɔ fanan ko Alla le a Fa la. A ara a nyɛrɛ sanka Alla ma a kuman-kan wo la.

Yɔni 9:4

Min ya n sɔ, fɔ ni ma tora wola wɔli kɛla tele rɔ. Suyi ketoe le, ado suyi wa ke tumɛ min, wo si a taran, wɔli-wo-wɔli ti taran tun.

Kɛwɔlɛnu 14:17

Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”

Kɛwɔlɛnu 17:28

ado ale le ye sɛnbɛ dila ma ma alako ma ni to ma niyi la, koe bɛɛ ma tinɛ. A ye iko wola yelebanu bi a fɔla nya min ko, ‘Ala dannu le male fanan na.’

1 Kɔrɛnti 12:6

Wɔli-su-siyaman bi nyɔ-wɔli-kɛ-tinɛ kɔnɔ Alla kelen de ye fɛrɛ dila ma kelen-kelennamɛ-bɛɛ ma.

Kɔlɔsi 1:16

Alla ya fan bɛɛ dan ale le baraka rɔ. Min bi san-kole rɔ wo, min bi dugu-kole kuma wo, fan min si yen wo, min ti yen wo, Allata nima-fan bɛɛ, a mara a melika la wo, a mara a nyina la wo, a mara a hadama-den na wo, Alla ya fan bɛɛ dan ale le baraka rɔ. A ya wonu dan alako wonu ni ma atɛ la.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.