Yɔni 4:9 - ALLALA KUMƐ

⁹ Musi wo ya Yisa yabi ko, “Yahudiya le ile la. Samariya kɛ le nde la. I ye n tarala yi ma?” (Ado nfan, Yahudiyanu ti yi min Samariya kɛnuna yi-lafɛ rɔ.)

Yɔni 4:9 Iomraidhean Croise

Matiyu 10:5

Yisa ya mɔgɔ tan-ni-filɛ wonu masara ka anu nata ko, “Wo kana ta sibolo-gbɛrɛnuna nyamani-wo-nyamani rɔ, hali Samariya kɛnuna soenu tɔ.

Luka 10:33

Kɔnɔ Samariya kɛ min bɔrɔbɔnɛ Yahudiyanu bolo, wo do tenbimatoe kilɛ wo fɛ, wo ya a taran. A ya a yen tumɛ min, kinikinɛ ya a yisi lafa.

Yɔni 4:27

Wo wati nyɛrɛ rɔ, Yisala karan-dannu nara. Anu ya Yisa anubɛ musi taran kumala min kɛ, anu kawara dɔgɔma-ma-de! Kɔnɔ anu fenfen ma musi wo manyinika ko, “I ye nyinina nfen ma?” Anu ma Yisa fanan manyinika ko, “I ye kumala a la nfenna?”

Yɔni 8:48

Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 10:28

A ya a fɔ anu ye ko ala Yahudiya-dinala ko la, a kana sibolo-gbɛrɛnu kɔndɔn, ado a kana ta-nyɔgɔnyɛ kɛ anu fɛ. Kɔnɔ Alla ara a yira a la ko a kana a miri mɔgɔ-wo-mɔgɔ ma ko mɔgɔ-sɛninyani ma, a kɔsɔnɛ.

Kɛwɔlɛnu 10:32

A ko n ni mɔgɛ do lata Yapa ka kei do kele min tɔgɛ Saimon Pita. A ko a yiyanɛ Saimon karankɛ warɛ min siginɛ kɔgɔ-yi dafɛ.