Yɔni 3:6 - ALLALA KUMƐ

⁶ Mɔgɔni-finyɛ si mɔgɔni-finyɛ sɔrɔn. Kɔnɔ Allata Ni-Sɛnimɛ le si niyi di mɔgɛ ma.

Yɔni 3:6 Iomraidhean Croise

Ko-Dabirɛnu 5:3

Hadama ye Sɛti sɔrɔnna tumɛ min, wo ya a taran, a ara san kɛmɛ ani san bi-sawa bɔ dugu-kole kuma. Hadamala muninyɛ le Sɛti wo la.

Ko-Dabirɛnu 6:12

Alla ya a yen ko ko-yogomɛ ara wara duninya rɔ kamasɔrɔn mɔgɛ bɛɛ ara don ko-yogomɛ rɔ.

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Yobu 14:4

Fen-sɛninyanɛ ti bɔ hadama-dan rɔ min sɛninyabɛlɛ.

Yobu 25:4

Mɔgɔ ye nyɔ min telennɛ Alla yala, wa? Hadama-dan do ye nyɔ fɛɛ sa min na Alla yala?

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Yɔni 1:13

Kɔnɔ anu ma ma Allala dannu na iko mɔgɛ ye dan sɔrɔnna nya min. Alla nyɛrɛ le anu Fa la.

Yɔni 3:7

I kana kawa bawo n bara a fɔ i ye ko, fɔ wo dama ni sɔrɔn a kurɛ la tun.

Romu 7:18

N ya a lɔn ko ko-nyima wo ko-nyima sa nta hadama-denyɛ rɔ, ado hali ko-nyimɛ kɛ-sɔgɛ ye n na, n ti ke a mala.

Romu 7:25

Tabarakala Alla ma, a si n nakanan ma Mari Yisa, Allata-Mɔgɔ-Yabɔnɛ baraka rɔ! I ma a yen? A sɔgɛ ye n na, n ni ma Allala yɔɔn la n yisi rɔ kɔnɔ nta hadama-denyɛ rɔ, n bi yɔɔnyɛ la hakɛ kɔrɔ.

Romu 7:5

Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo.

Romu 8:13

Ni wo tora ko ladanna iko wo kɛ-nya-kɔrɛnu bi nya min, wo ye fagala le. Kɔnɔ ni Allata Ni-Sɛnimɛ ya wo dɛnbɛ ka hakɛ-koe faga wo rɔ, wo si ni-bɛrɛ sɔrɔn serr!

1 Kɔrɛnti 6:17

Kɔnɔ ni min si a nyɛrɛ tugun Mari la, wonubɛ Mari kelen de.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Kalesiya 5:24

Wole min bara ma Kirasiti Yisatɛ la, wo ara wo sɔn-yogomɛ anubɛ nata bɛɛ faga.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

Kɔlɔsi 2:11

Wo ara kemininya-su-bɛrɛkɛ sɔrɔn Kirasiti rɔ, fɛrɛta-kemininya ma min na. Ale Yisa ya wo fɛrɛ-bɔnku-nata bɔ wo rɔ ata sayɛ fɛ iko kemininyɛ si do bɔ mɔgɔ fɛrɛ la nya min.

1 Yɔni 3:9

Allala dan ye minnu na, wonu ti to hakɛ kɛla bawo Alla sɔn ye wonu bolo, ado anu Fa ye Alla la min kɛ, anu ti ke tola hakɛ kɛla worɔ.