Yɔni 3:32 - ALLALA KUMƐ

³² A ara min tayen ka a lamɔɛn, a ye wo le fɔla kɔnɔ mɔgɔ ma ala kumɛ bira.

Yɔni 3:32 Iomraidhean Croise

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Matiyu 7:8

Min ba to tarali kɛla, wo si a sɔrɔn. Min ba to nyininɛ kɛla, wo si a yen. Min ba to dɛ matugula, a la si ka wo ye.

Yɔni 1:11

Ale Kumɛ nara ala mɔgɛnu bara kɔnɔ ala mɔgɛnu ma a rabira.

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Yɔni 18:37

Pailɛti ya a manyinika worɔ ko, “Nba, mansɛ le ile la worɔ, wa?” Yisa ya a yabi ko, “I wara tonyɛ le fɔ ko mansɛ le nde la. N nara duninya kɛ rɔ ko-kelen-pela ko la alako ka Allala tonyɛ fɔ mɔgɛnu ye. Min bɛɛ ye nyinina tonyɛ ma, wonu si anu tole masɔ n na.”

Yɔni 3:11

N bi tonyɛ fɔla i ye, ma ya min lɔn, ma ye wo lela koe fɔla. Ma ara min tayen, ma ye wo rakaranna. Hali wo, mɔgɔ kelen bɛrɛn sa wole rɔ, min lanɛ mala sereyɛ la.

Yɔni 3:26

Woletɔ anu tara Yɔni wara ka a fɔ a ye ko, “Karan-mɔgɔ, i ya minna ko fɔ, nba, wo ye mɔgɛnu batasila kaka, ado mɔgɛ bɛɛ ye tala a wara!”

Yɔni 3:33

Min ba ala kumɛ bira, wo ara a yira ko Alla ara min fɔ, tonyɛ le.

Yɔni 5:20

ado n Fa Alla ara nde, ala dan keni. A ye min bɛɛ mala, a ara wo yira nde, ala dan la. A si ko-wɛnu yira n na min kolo kɛ ko. Wo dama si kawa wonu ma.

Yɔni 8:26

Ko siyaman ye nyɔ, n si min fɔ ka a bɛn wole ma, ado ko siyaman ye nyɔ, n si wo yiliki min na. Min ya n sɔ, tonya-tigi le wo la. N bara min namɔɛn ale bolo, n bi wo le fɔla duninya ye.”