Yɔni 3:26 - ALLALA KUMƐ

²⁶ Woletɔ anu tara Yɔni wara ka a fɔ a ye ko, “Karan-mɔgɔ, i ya minna ko fɔ, nba, wo ye mɔgɛnu batasila kaka, ado mɔgɛ bɛɛ ye tala a wara!”

Yɔni 3:26 Iomraidhean Croise

Yaburi 65:2

bawo i ye mala madiyalɛnu namɔɛnna. Bɛɛ si na i wara

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Matiyu 23:7

Gbiliya-kɔndɔli di anu ye bari rɔ. A fɛrɛ sa fɔ mɔgɛnu ni anu kele ko, ‘Karan-mɔgɔ.’

Matiyu 23:8

Kɔnɔ wo kana sɔn, mɔgɛ ni wo kele ko, ‘karan-mɔgɔ’ bawo wo damasi na-kelen-nyɔgɛ gbansan, ado Karan-Mɔgɔ kelen pe le ye wo bolo.

Yɔni 1:15

Yɔni ya ala koe fɔ ka a mayon. A ko, “Ale le kɛ la, n bi min ma nun. N ya a fɔ nun ko mɔgɛ do ye nala n kɔma min kolo nde ko bawo yanni nde ni sɔrɔn, ale le ye nyɔ nun.”

Yɔni 1:7

Wo nara waanta kumɛ kɛ fɔ tinɛ mɔgɛnu ye. A nara kɛ fɔ tinɛ mɔgɛnu ye alako bɛɛ ni kumɛ wo lamɔɛn ka la a la.

Yɔni 1:9

Wo wati rɔ, wan-bɛrɛbɛrɛ ye nala duninya rɔ ka kilɛ yira mɔgɛ bɛɛ la.

Yɔni 11:48

ni ma ya a to ka, mɔgɛ bɛɛ si dɛnkɛninya a ma. Romu sɛnbɛ-tiginu si wuli ka mala Bato Bɔn tinya anubɛ ka mala mɔgɛ bɛɛ lato dogbe!”

Yɔni 12:19

Farisinu ya a fɔ anu nyɔgɔn ye ko, “Wo ma a yen, ma sa a nɔla hali! A mafɛlɛn, duninya-mɔgɛ bɛɛ bilanɛ a fɛ!”

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 4:1

Nba, Farisinu ya a lamɔɛn ko Yisa ye karan-dannu sɔrɔnna Yɔni ko ka anu batasi.

Yɔni 4:2

Kɔnɔ Yisa nyɛrɛ sa batasili kɛla fɔ ala karan-dannu.

Yɔni 4:31

Wo wati rɔ, ala karan-dannu ya a madiya ko, “Karan-mɔgɔ, i ti fen-dɔn-kɛ?”

Yɔni 5:33

Wole kun-tiginu ya wola kilayɛnu nata Yɔni-Batasi-Kɛlɛ ma. A ya sereyɛ min bɔ nna ko la, tonyɛ le wo la.