Yɔni 20:9 - ALLALA KUMƐ

⁹ Anu ma a nya-yen nun ko a sɛbɛnɛ Allata kitabu rɔ ko Yisa si wuli ka bɔ furinu tɛma.)

Yɔni 20:9 Iomraidhean Croise

Yaburi 16:10

bawo n yili-latɛgɛnɛ le ko ile Mari ti i ban n na ka n kunyɛ ladon lakira. I ti sɔn ita mɔgɔ-latelennɛ ni tuli kanbɛ rɔ.

Yaburi 22:15

N kan la ara gbala iko daga-gbɛnkian. N nagan ara nɔrɔn n naganagan la. I ya n bolokanɛ to gbangban rɔ iko furi.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Matiyu 22:29

Yisa ya anu yabi ko, “Wo ara sama feu! Wo ma Allata kitabu lɔn anubɛ Allata sɛnbɛ.

Luka 24:26

Ko Allata-Mɔgɔ-Yabɔnɛ ni tɔrɔ, wo kɔma, a ni don ata gbiliyɛ rɔ, wo ma bɛn, wa?”

Luka 9:45

Kɔnɔ ala karan-dannu ma kɛ kɔrɛ lɔn. Alla ya wo kɔrɛ dogon anu ma, woletɔ anu ma ke a nya-yenna. Anu kilanta fanan ka a manyinika wo kɔrɛ ma.

Yɔni 2:22

Woletɔ a wulita furinu tɛma tumɛ min, ala karan-dannu ya anu yili to ala kumɛ wo ko. Anu lara Allata kitabu anubɛ Yisala kumɛ la.

Kɛwɔlɛnu 17:3

ka a yira anu na ko fɔ Allata-Mɔgɔ-Yabɔnɛ ni tɔrɔ ka bɔ furinu tɛma. Pɔli ko, “N bi Yisa minna koe fɔla wo ye, Allata-Mɔgɔ-Yabɔnɛ le.”

Kɛwɔlɛnu 2:24

Kɔnɔ Alla ya a lawuli ka bɔ furinu tɛma. A ya a hɔrɔya saya-dumɛ ma bawo a ti ke tola biralɛ rɔ sayɛ bolo,

1 Kɔrɛnti 15:4

Anu ya a togon. A lawulita a tele sawa nyɔgɛ ma iko a sɛbɛnɛ Allala kitabu rɔ nya min.