Yɔni 2:4 - ALLALA KUMƐ

⁴ Yisa ya a na yabi ko, “N na, wo bɔrɛ si taran male ye kama? Nta wati ma ke wɛ.”

Yɔni 2:4 Iomraidhean Croise

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

2 Samuwɛli 19:22

Kɔnɔ Mansa Dawuda ya a fɔ ale Abisayi anubɛ a kɔrɔ Yohabu ye ko, “Yon ya i manyinika nun? A sɔgɛ ye wo la, wo ni nanparan di n ma, wa? Isirɛla mansɛ le nde la bi, ado a ma bɛn, Isirɛla mɔgɔ-wo-mɔgɔ ni faga bi tele.”

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

Makawandili Kumɛnu 3:1

Koe min bɛɛsi ye mala duninya kɛ rɔ, anu bi mala a tumɛ le tɔ Alla ara min natɛgɛ.

Matiyu 15:28

Nba, Yisa ya a fɔ a ye ko, “N biran-musi, ila dɛnkɛninyɛ kolo! I diyana-koe ni kɛ i ye.” Wo wati nyɛrɛ rɔ, ala dunmusi kɛndɛyara.

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Luka 2:49

A ya anu yabi ko, “Wo ye n nyinina nfenna? Wo ma a lɔn, ba, ko fɔ n ni to n Fala bɔn la?”

Yɔni 12:23

Yisa ya anu yabi ko, “Nde, Hadama-danta gbiliya-wati ara gbɛrɛn.

Yɔni 13:1

Nba, a ara to nun tele kelen yanni Kanan-Ko-Ladiyɛ ni ke. Yisa ya a lɔn ko ala wati ara ke ka bɔ duninya rɔ ka sɛgi a Fa Alla warɛ. Atɛ ye minnu na duninya rɔ, wonu di a ye, ado wonu di a ye ka a dan natenbi.

Yɔni 2:3

Nɔnbɔ-gbɔ-yi banta anu bolo tumɛ min, Yisa na ya a fɔ a ye ko, “Nɔnbɔ-gbɔ-yi ara ban anu bolo de!”

Yɔni 20:13

Anu ya a manyinika ko, “N na, i ye dila nfenna?” A ya anu yabi ko, “Anu bara n Mari labɔ yan. Anu bara a sa kan min, n ma nyɔ lɔn!”

Yɔni 20:15

Yisa ya a manyinika ko, “N na, i ye dila nfenna? I ye yon nyini tinɛ?” A ya Yisa lɔn ki-fen fɛ-biralɛ la nun, woletɔ a ya a fɔ a ye ko, “N fa, ni ile le ya a labɔ yan, i tara a la kan min, wo fɔ n ye. N ni ta a labɔ nyɔ.”

Yɔni 7:30

A ban wo fɔla, anu ya anu taya a bira-koe ma kɔnɔ mɔgɔ-wo-mɔgɔ ma ke a birala bawo ala wati ma ke wɛ.

Yɔni 7:6

Yisa ya a fɔ anu ye ko, “Nta wati ma ke wɛ kɔnɔ wole, wati bɛɛ bɛnta wo ma.

Yɔni 7:8

Wo ta ladiyɛ kɛ rɔ. Nde sa tala ladiyɛ kɛ rɔ bawo nta wati ma ke wɛ.”

Yɔni 8:20

Yisa ya kɛ bɛɛ fɔ wo tumɛ a ye mɔgɛnu karanna Alla-Bato-Bɔn la, sɔli-fen-kenkirɛnu siginɛ kan min. Nba, mɔgɔ-wo-mɔgɔ ma a bira bawo ala wati ma ke wɛ.

2 Kɔrɛnti 5:16

Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

Tɔn-Fɔɛ-Fila-Nyɔgɛ 33:9

I ya a lɔn, Lifayi mɔgɛ kɛnu bara ile Mari wara-koe sɔ anu yarɔ ka tenbi anuna mɔgɛnuna koenu na. Anu ya ita tɔnnu bira ka ita lanyiri latɔnbagaya.