Yɔni 2:23 - ALLALA KUMƐ

²³ Yisa ye Kanan-Ko-Ladiyɛ rɔ Yerusalɛm tumɛ min, mɔgɔ siyaman ya ala ko-makawanɛnu yen min kɛ, anu dɛnkɛninyara a ma.

Yɔni 2:23 Iomraidhean Croise

Luka 8:13

Sugi min fuira fara-kole ma, wo mani de iko mɔgɛ min bi kumɛ lamɔɛnna, ado a si a bira sewɛ la tiriya! Sugi wo fɛrɛnta kɔnɔ a ma ke a suli yigila. A dɛnkɛninyara wati-kundunɛ kɔrɔ kɔnɔ magbɛrɛnkɛ nara tumɛ min, a ya ala dɛnkɛninyɛ boloka.

Yɔni 11:45

Yahudiya siyamɛ minnu nara Mariyama kɔndɔn tinɛ, Yisa ya min kɛ, wonu ya wo yen. Ka a tɛgɛ wo ma, anu dɛnkɛninyara a ma.

Yɔni 2:11

Yisa ya ala kabana-ko-tamasere fɔlɔtɛ kɛ yira Kena soe burɔ Kalili sigisɔn rɔ min ya ala gbiliyɛ mayira. Ala karan-dannu nara to lala a la.

Yɔni 2:13

Yahudiyanuna Kanan-Ko-Ladiyɛ ara gbɛrɛn nun, woletɔ Yisa tara ladiyɛ wo kɛ tinɛ Yerusalɛm soe burɔ.

Yɔni 3:2

A nara Yisa wara suyi rɔ. A ya a fɔ a ye ko, “Karan-mɔgɔ, ma ya a lɔn ko karan-mɔgɛ le ile la Alla ya min sɔ. I ye kabana-ko-wɔlɛ minnu kɛla, mɔgɔ-wo-mɔgɔ ti ke wonu kɛla fɔ ni Alla ye a fɛ.”

Yɔni 5:36

Kɔnɔ sereyɛ ye n bolo n nyɛrɛla ko la min kolo Yɔnitɛ ko. N Fa ya kɛwɔlɛ minnu di n ma, wonu bi sereyɛ bɔla n ye ka a yira ko n Fa le ya n sɔ.

Yɔni 6:14

Nyɔ-dugurannu ya Yisala kabana-ko-tamasere yen min kɛ, anu wulita a fɔla ko, “Anu ya nɛbi min bara-koe fɔ nun, wo le kɛ la serr!”

Yɔni 6:2

Nyama-wɛ bilara a fɛ bawo anu bara ala kabana-ko-tamaserenu yen kirayatoenu-nakɛndɛya-koe rɔ.

Yɔni 7:31

Mɔgɔ siyaman dɛnkɛninyara a ma nyama wo rɔ. Anu ko, “Allata-Mɔgɔ-Yabɔnɛ wa na tumɛ min, n ma la a la ni a si kabana-ko-wɔlɛ kɛ min tenbira kɛ la mumɛ!”

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

1 Yɔni 3:23

Alla ya tɔn minnu di ma ma, wo le kɛnu na—ma ni dɛnkɛninya ala den Yisa Kirasiti tɔgɛ ma ka ma nyɔgɔn keni iko Kirasiti ya a fɔ ma ye nya min.