Yɔni 2:12 - ALLALA KUMƐ

¹² Wo kɔma, Yisa wo, a na wo, a dɔgɛnu wo, anubɛ ala karan-dannu tara Kapaniyam soe burɔ. Anu tora nyɔ wati-kundu-ni kɔrɔ.

Yɔni 2:12 Iomraidhean Croise

Matiyu 11:23

Nba, ile Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ bawo kabana-koe minnu bara kɛ wole tɛma, ni wonu kɛra Sɔdɔm so burɔ nun, a ye nyɔ nun ha bi!

Matiyu 12:46

Yisa ye kumala mɔgɛnu ye tumɛ min, a na anubɛ a dɔgɛnu nara. Anu sɔra luyi ma ka nyinikali kɛ ko a yen-sɔgɛ ye anu na.

Matiyu 4:13

A bɔɛ Nasarɛti soe burɔ, a tara a sigi Kapereniyam soe burɔ Kalili dalɛ dafɛ min bi Sɛbulɔn anubɛ Nafatali nyamanɛnu tɔ.

Maraka 6:3

Bon-tuwalɛ le ma kɛ la, Mariyamala dan, kɔni? Yemesi, Yusufu, Yudasi, anubɛ Saimon, a dɔgɔ-keminɛnu le wonu na. A dɔgɔ-musi bɛɛ siginɛ yan de!” Woletɔ a bɔrɔbɔnɛ anu bolo. Anu ma sɔn dɛnkɛninyala a ma.

Yɔni 2:2

Anu bara Yisa anubɛ ala karan-dannu fanan kele nun furu-kiri wo rɔ.

Yɔni 4:46

Wo kɔma, Yisa tara tun Kalili-Kena soe burɔ a ya yi yɛlɛma nɔnbɔ-gbɔ-yi la kan min nun. Mɔgɔ-ba-sɛbɛnɛ do siginɛ Kapaniyam soe burɔ nyɔ minna dan kirɛ.

Yɔni 6:17

Anu ma Yisa yen min kɛ ha suyi kera, anu sigira kulɔn rɔ ka ta dala-wɛ wo kɔma, Kapaniyam soe ye kan min.

1 Kɔrɛnti 9:5

Ni a diyara n ye, nde fanan si dɛnkɛninya-musi do furu ka ta wo la n bolo nna tagama kɛnu tɔ iko kilayɛ donu bi a mala nya min, ado Pita anubɛ Mari na-kelen-nyɔgɛnu bi wo le mala. Yoe ye male fanan bolo ka wo ma.

Kalesiya 1:19

N ma kilaya-gbɛrɛ yen fɔ Mari Yisa dɔgɛ Yemesi.